هل أصبح المصريين قطّاع طرق

[طارق ابوذيد]

للاسف يا استاذ وليد لن ترجع هيبه الشرطه الا برجوع امن الدوله وزرع الخوف من جديد داخل قلوب المصرين .

[lover4ever8989]

يا بشا البلد رايحه فى طريق الى يروح ميرجعش دلوقتى كل واحد يطلعله دمال فى قفاه يعمل اعتصام ويوقف حال الناس والى عاوز مرتبه يزيد يعمل اعتصام طيب كان فين الى عاوز مرتبه يزيد قبل الثوره لما كان يقول بم كان ياخد على قفاه وميعرفش ينطق يا استاذى الفاضل احنا شكلنا مبنمشيش عدل غير وفوق دمغنا العصايه والله الواحد اتخنق من دى بلد لا كبت نافع معاهم ولا الحريه نافعه معاهم بس كل الى اقدر اقوله ربنا يصلح الحال

[د.كمال]

أنا لا ألوم الشرطه الأن ....الشرطه امامها وقت حتى تستعيد الصفوف وتصليح إللى اتخرب .
أنا الوم من يديرون البلاد ...لا هم عارفين يديروا البلد ولا عارفين يسيبوها ....منظر وبس ...ياخساره عليكى يامصر ....عوضنا على الله فى دم الشهدا ء .

[فادى]

الشعب المصرى ذكى, و قد فهم اللعبة جيدا,
اذا كان المتظاهرون فى التحرير قد حققوا كل ما يريدون بواسطة التظاهر فلما لا نتظاهر نحن ايضا لتحقيق ما نريد!
الدولة ضعيفة و قريبة جدا من ما يسمونه فى السياسة بنموذج الدولة الفاشلة, الدولة الفاشلة هى ليست الدولة الفقير (فقد تكون غنية) لكنها تلك الدولة التى تفشل فى فرض سيطرتها و قراراتها داخل حدودها, بسبب ضعف اجهزتها الامنية أو سيطرة مجموعات او ميليشيات مسلحة,
لا يزال الجيش مسيطرا لحسن الحظ, و لم ندخل بعد فى مرحلة دولة الفشل, لكننا قريبون جدا,
لكن اذا عاد الجيش الى ثكناته, فماذا سوف يحدث؟!
شخصيا تخوفت كثيرا و رأيت نموذج الفوضى أمامى من يوم جمعة الغضب, لأن هيبة الدولة تم كسرها فى هذا اليوم, و هى المتمثلة فى جهاز الأمن و شخصية الرئيس مبارك التوافقية فمصر طوال تاريخها كانت دولة مركزية قوية.
خطورة كسر هيبة الدولة هو ما نعيشه الأن,
على الحكومة الحالية استعادة هيبة الدولة و ابعاد مصر عن سيناريو الفشل, أولا و قبل كل شىء, ثم بعدها نفكر فى مختلف الملفات الاقتصادية و الخارجية.