بنزين فيرنا 2011

[mesho70]

- بنزين 92 افضل
- فى حالة عدم وجودة يمكن وضع 90 الى ان يتوافر 92
- اما ان 90 يعمل عدد كيلوامتر اكثر من 92 فهذة اول مرة اسمعها
- وانا عندى اعتقاد بالعكس

[drali]

يا استاذى على حسب معلوماتلى المتواضعة أن العربية فيها حساس أوكتين وده بيتعامل مع كمية الأوكتين الموجودة فى البنزين بمعنى تانى أن الموتور بيستهلك أوكتين وبما ان البنزين 92 نسبة الأوكتين فيه أكتر من بنزين 90 معنى كده أن يعد أكتر و الله أعلم

[Egy News]

عربيتك لسه بتلين فاستهلاك البنزين كتير
خليك في بنزين ال 92 و سيبك من اي كلام

[بحر الحياه]

صباح الخير فيرنا 2011 معايا بتعمل فى التفويله 450 كم لو مشوار طوالى بالتكييف و350 داخل المدينه فى الزحمه بالتكييف ومش مناسب ليها خالص بنزين 90 ومش هيوفر معاك كتير فى الاستهلاك لان سبب الاستخلاك العالى للبنزين هو الوتور القوى 16 صباب 2 كامه 106 حصان الفيرنا فعلا فيها موتور كبير وقوى

[akerima]

عمر ما كان نوع البنزين مقياس لاستهلاكة والفيصل في نوع البنزين اللي محتاجاه العربية من كتالوجها لان في الكتالوج حتلاقي نوع البنزين المناسب لماتو عربيتك فلو الكتالوج قال ان المناسب 92 وانت حطيت 90 حيكون استهلاك البنزين اعلي من الطبيعي والعكس صحيح وبالتالي اللي يقولك ان ال 90 حيقعد معاك اكتر مش غلطان لان ممكن يكون جرب في عربيتة يحط 92 وهي مش محتاجاه فزادت نسبة استهلاكة للبنزين فلازم الاول تعرف اية نوع البنزين المناسب لعربيتك من كتلوجها