عداد ال rpm والسرعة

[atgps]

المشاركة الأصلية كتبت بواسطة Bahi السلام عليكم شريف باشا أسمحلى من فضلك أقول أن فية فرق بين السرعة على عداد الأوكتافيا وعداد الGPS عندى عن تجربة والفرق فى حدود 7-8 كيلو أزيد فى عداد العربية. بالنسبة للRPM فعادة بيكون 3000 على الخامس على سرعة 100 كم/ساعة فى أغلب العربيات اللى سقتها وعندى حاليا أو كانت عندى. مع التحية

باهى باشا، معظم السيارات بها اختلاف بين السرعة الحقيقية والسرعة على عداد السرعة وأحيانا يصل الخطأ الى 20 كم/س فرق على سرعة 100 كم/س (نعم 20 كم/س) ولذلك لاأصدق عندما يقول أحد انه كان يقود على سرعة 200 فممكن أن تكون السرعة الحقيقية فى تلك الفترة 180 كم/س فقط أو أقل، سيارة واحدة فقط التى وجدت سرعتها الحقيقية هى نفسها السرعة على العداد وهى السيارة دايهاتسو تيريوس 2.
أما بخصوص القراءة الصحيحة لعداد الـ RPM فيمكن مقارنتها بقراءة RPM بإستخدام أى OBD Scanner

[Bahi]

المشاركة الأصلية كتبت بواسطة atgps باهى باشا، معظم السيارات بها اختلاف بين السرعة الحقيقية والسرعة على عداد السرعة وأحيانا يصل الخطأ الى 20 كم/س فرق على سرعة 100 كم/س (نعم 20 كم/س) ولذلك لاأصدق عندما يقول أحد انه كان يقود على سرعة 200 فممكن أن تكون السرعة الحقيقية فى تلك الفترة 180 كم/س فقط أو أقل، سيارة واحدة فقط التى وجدت سرعتها الحقيقية هى نفسها السرعة على العداد وهى السيارة دايهاتسو تيريوس 2. أما بخصوص القراءة الصحيحة لعداد الـ RPM فيمكن مقارنتها بقراءة RPM بإستخدام أى OBD Scanner

سعادة الباشا معاك 100% بالنسبة لأختلاف العدادات اللى ممكن يوصل لدرجة خطأ عالية فى العربيات التعبانة وعلشان كدة الرادار على طريق مصر/اسكندرية الصحراوى بيسمح بـ10 كم زيادة (110 كم/ساعة) فروق عدادات بس معتقدش أن التكنولوجيا الألمانية زى الأوكتافيا اللى معايا أو الفكترا اللى كانت معايا قبلها تسمح بذلك الفرق الكبير.

أما عن السرعة 100 كم/ساعة على الخامس على 3000 لفة موتور/الدقيقة فدى ملحوظة قديمة واخد بالى منها حتى من زماااااااااااان أوى مع أول عربية كانت معايا من سنة 1986 ولغاية دلوقتى

والله أعلم

شكرا على التوضيح والاضافة

ملحوظة: من أفضل -ولا أدعى أنها الأفضل على الاطلاق- أنواع العدادات على مستوى العالم ماركة Veglia وهتلاقيها فى عربيات كتيرة وأول معرفتى بيها كانت فى أول الثمانينيات لما أشتريت أول بوصلة بحرية لية أيام ما كنت فى منتخب مصر لرياضة سباقات الزوارق الشراعية طراز ليزر Laser Class وأعتقد أنها أسبانى أو أيطالى مش متذكر

[nubira]

السلام عليكم ورحمة الله وبركاته
انا شايف ان موضوع السرعات مع عداد الار بي ام يختلف من نوع عربية لاخري حسب تصميم الفتيس وحالة الموتور يعني عربيتي نوبيرا 2008 مانيوال بتعمل عند 3 ار بي ام علي الغيار الاول 30 كم وعلي الغيار الثاني 50 كم وعلي الغيار الثالث 67 كم وعلي الغيار الرابع 90 كم وعلي الغيار الخامس 110 كم وسبق لي ركبت عربية واحد صاحب نفس الموديل كانت بتعمل نفس السرعات في حين ركبت لانسر بومة 2006 1600 سي سي اتوماتيك بتعمل 100 كم عند 2,5 ار بي ام او اقل ؟

[احمد على 1999]

فعلا الاوتوماتيك اقل من المانيوال علشان بعد ال 60 70 كم/س بتنقل على ترس الاوفردرايف الصغير فال rpm بينزل و الفتيس و الماتور بيرتاحوا و توفر بنزين