مليونية عودة مبارك - 25 ابريل - مطالب تيتتتتتتتتتتتت

[إنسانة]

المشاركة الأصلية كتبت بواسطة مهند سالم موجودين فين إن شاء الله. وفين دول الملايين إلا هيطلعوا معاكم، هي العصابة دي كلها على بعضها كام واحد يعني، ده الحزب الوطني بجلالة قدره (ال 10 ملايين عضو) إلا كانوا بيتباهوا بيهم اختلفوا في غمضة عين لما ظهر الحق في ميدان التحرير. اللهم انصر الحق وأهله، وأذل الباطل وأهله، آمين آمين آمين. اللهم اكتب لهذا البلد صفحة رحمة في تاريخ البشرية يختفي فيها الظالمين المجرمين ويظهر فيها أهل الإصلاح والمخلصين ، يا رب العالمين استجب لعبادك المستضعفين، آمين

حد يقولى لما الرئيس مبارك ترك الحكم اية الجديد اللى حصل؟ انا هقولكوو الجديد مفيش امن ولا امان والبلد بتخرب حد فيكووو حاسس بالامان على بيته ولا اختة ولا مراته ؟
اتقوا الله في بلادكم
اكرموا رئيسكم مهما كان عادلا كان او غير ذلك
واعيدوا حاكما لكم حتى تستقر مصر وتهدأ

[nktis]

يا جماعه قلبي كان حاسس...
النظام القديم مماتش لسه وشغال نار . وادي النتيجه شباب مصري مضحوك عليه وعايزين الريس يرجع( بقي مصر مفيهاش رجاله تمسك البلد غيره)

[مهند سالم]

المشاركة الأصلية كتبت بواسطة إنسانة حد يقولى لما الرئيس مبارك ترك الحكم اية الجديد اللى حصل؟ انا هقولكوو الجديد مفيش امن ولا امان والبلد بتخرب حد فيكووو حاسس بالامان على بيته ولا اختة ولا مراته ؟ اتقوا الله في بلادكم اكرموا رئيسكم مهما كان عادلا كان او غير ذلك واعيدوا حاكما لكم حتى تستقر مصر وتهدأ

أقول لحضرتك إيه الجديد:
البلد نظفت ، والريحة الوسخة إلا عبأت أنوفنا وجابت لينا حساسية وجيوب أنفية بتهدأ.
البلد لأول مرة بق فيها قوانين بترسخ لدولة عادلة فيها حرية واحترام لحقوق البني آدمين إلا عايشين فيها، مش النظام إلا كان بيعتبر الشعب المصري مجموعة أحقر من الحيوانات تساق بالكرباج.
وإذا كان على الشرطة إلا كانت على مدار 30 سنة ناسية إنها بتحمي الشعب وعاشت بس عشان تحمي فرد ونظامه ، وإلا دلوقت اتمردت عشان سيدها مشي، إن شاء الله هنطهرها وهترجع، بس هترجع تحمي الشعب ده، وفي خدمته وبس.
والحمد لله أنا مطمئن على أمي وأختي عارفة حضرتك ليه:
لأن الشرطة في عهد رئيسك السابق لم يكن همها حمايتنا بل بالعكس إحنا إلا كنا بنحمي بعض، لما كنا بنتصل بالشرطة عشان في خناقة كانوا يقولوا: لما حد يموت ابقوا ابعتوا لينا. ولما كان المظلوم بيروح يعمل محضر كان لازم يدفع. ولما كنت آخذ حكم ضد الشخص إلا واخد حقي كان لازم أدفع لبتوع تنفيذ الأحكام عشان سعادتهم يتحركوا، وحتى لو اتحركوا ووالثاني اداهم أكثر هيعملوا نفسهم ما لقيوهوش وما يعرفوش عنه حاجة. كان الظالم لما يدخل القسم يخرج زي الشعرة من العجين لأنه مسنود أو بيعرف يدفع، كانت لما بتقوم حريقة كنا إحنا إلا بنطفيها وبعد كدة الشرطة تاخد صاحب البيت تبهدله وتعمله محضر إهمال (طبعا لو ما دفعش)، وغيره وغيره تحبي أحكي كمان ولا حضرتك من المريخ... تجار المخدرات إلا كانوا بيدفعوا رواتب شهرية، وشقق الدعارة..........
عارفة الشرطة كانت بتعمل إيه...... كانت بتبتز الرايح والجاي ، وتاخد رشاوي من ده وده، وتحبس أعداء النظام والقوى المعارضة. وتعتقل المتدين، تحبي أقول كمان..............
بتحاولوا جاهدين تحركوا البلطجية عشان تحصل فوضى، والناس تعرف قيمة الأمن إلا كان في أيام سيدكم، لكن بإذن الله ربنا هيظهر الحق وهيطهر البلد دي من كل فاسد.
أظن كفاية كدة دلوقت، وعموما حضرتك لو عايزاه قوي كدة روحي ليه شرم الشيخ أكرم.

[مهند سالم]

المشاركة الأصلية كتبت بواسطة nktis يا جماعه قلبي كان حاسس... النظام القديم مماتش لسه وشغال نار . وادي النتيجه شباب مصري مضحوك عليه وعايزين الريس يرجع( بقي مصر مفيهاش رجاله تمسك البلد غيره)

بإذن الله ما فيش شباب مضحوك عليهم ولا حاجة في ثورة مضادة، وناس بتنفخ في الرماد، عشان تفضل الفتنة قائمة والمجرمين ما يتحاسبوش، صدقوني أكبر مستفيد من إثارة ا لفتن هو مبارك نفسه وعيلته وعصابته؛ لأن لو أحوال البلد استقرت الناس دي هتتجاب وهتتحاسب.

[hyundai2005]

ياجماااااااااعه اكيد دي كدبه ابريل