الa113 اتخبطتت يا رجالة

[maxxatta]

الف شكر على كل الردود والاهتمام
فعلا منتدى رجالة
لكن انا مضطر الى ان اصلح فى مركز معتمد عشان التأمين
والف شكر مرة اخرىGIF T4U

[queen]

المشاركة الأصلية كتبت بواسطة احمد الشناوى1981 قدر الله و ما شاء فعل و الحمد لله انك بخير ياريت تصور العربيه و تقولى كل الى باظ فى المكنه ايه لان انا عارف بعض اسعار قطع الغيار و ممكن اسألك على الباقى اولا جنب العفشه : 1 -المساعد ب 190 جنيه و بيبقا غاز على زيت وادائة بيبقا انعم من الى جاى فى العربيه 2 - الطنبوره 130 جنيه 4- راس الكوبلن 140 جنيه 5- بليه العجل 90 جنيه 6- مقص 170 جنيه بالبيضه بتاعته اما الاكصدام 250 جنيه فاضى من غير كارتيرات العجل كارتيره تحت الرفرف 75 جنيه كارتيره تحت الاكصدام 75 جنيه فانوس الشابوره فيه ب 90 جنيه و فى ب 120 الوش بتاعو زجاج مش بلاستك و طبعا الاتنين بيتباعو كاملين بالمبه الكارتيره 350 جنيه طبعا مش كل الحاجات دى هتكون بايظه عندك بس انت شوف ايه منها بايظ و قولى عايذ تعرف اسعار ايه تانى و انا اسألك عليها بالنسبه للصنايعيه انا اعرف ميكانيكى كان شغال فى التوكيل و بعدين فتح بره و بصراحه ممتاز ظبطلى حاجات كتير معرفوش يعملوها فى التوكيل او كانو بينفضو و بعدين مش غالى لو تحب ممكن تصورلى العربيه و انا اقوله ايه الى فيها و اتفقلك معاه لو حبيت سليمه ان شاء الله و اهم حاجه انك بخير انت و الولاد و فداك اى حاجه

السلام عليكم

قدر الله وما شاء الله فعل والحمد لله على كل شىء
انا كمان خبطت عربيتى خبطه محترمه وانا لسه مستلماها والحقيقه مش عارفه لسه تصليحها هيكلف كام واعمله فى التوكيل ولا بره لان غالبا التأمين شكله كده مش هيدفع لى حاجه
عموما انا حاسه ان خبرة حضرتك كبيرة فى 113
وهاصورلك العربيه وياريت تفيدنى عن اسعار الحاجات اللى هتتعمل فيها
وجزاك الله كل خير

[moustafa.peace]

ادام حضرتك لسة مستلماها يعنى فى الضمان روحى حضرتك للتوكيل وهو هيرجعلك كل حاجة زى ما كانت من غير ما تدفعى ولا مليم

[queen]

المشاركة الأصلية كتبت بواسطة moustafa.peace ادام حضرتك لسة مستلماها يعنى فى الضمان روحى حضرتك للتوكيل وهو هيرجعلك كل حاجة زى ما كانت من غير ما تدفعى ولا مليم

شكرا لحضرتك

بس انا رحت فعلا التوكيل ومقالش انه هيصلحها ببلاش ابدا بالعكس عمل مقايسه ب 15 ألف جنيه والتأمين رفض يدفعلى واضطريت اعملها بره واتكلفت 3.5 بس
وعرفت ان التوكيل حرامى وعشان كده يوم ما رحت اسحبها من عنده كانوا هيموتوا وقعدوا يتحايلوا عليا اسيبها ويخفضوا لى التكلفه ل 5 بس ....!!!!!!!!
ايه رأى حضرتك فى الضمير؟؟؟؟؟؟؟؟

[moustafa.peace]

اولا الف سلامة على سلامتكوا وان شاء الله ترجع احسن من الاول كمان فعلن التوكيل هو اللى بيخلى سمعة العربيات زى الزفت بس ممكن طلب

ممكن كل واحد منكم يقول معاه موديل كام ويحكلنا عن تجربتة ورأية فى العربية من حيث المميزات والعيوب