ايه رأيكوا في نيو اكسنت موديل 99 ؟؟؟؟

[samirsaid1]

حتى 1300 منها حلو كمان

بس ال 1600 أكيد هايكون أحلى طبعا

[mesho70]

المشاركة الأصلية كتبت بواسطة ma7moud. ايه رأيكوا في نيو اكسنت موديل 99 يعني من حيث استهلاك البنزين و سعر قطع الغيار و ثباتها علي السرعات العاليه و الشد بتاعها و سحبها و انا بتكلم علي 1500 سي سي مش 1300 ويكون سعرها كام ؟؟

- كما ذكر الاخوة مفيش نيو ولكن فية :-
1 - اكسنت 1300 cc
2 - اكسنت 1500 cc
- لو العربية مظبوطة بيكون استهلاك البنزين ممتاز
- قطع الغيار عندد بتوع الخضار يعنى البدائل كثيرة ومتوفرة جدا ً بداية من الوكيل الى الاستيراد الى الكورى ( ويقلك بتاع خط الانتاج يا بية ) الى الكورى تقليد الى التيوانى الى الصينى وكل حاجة بثمنها لان قطع الغيار من 99 حتى 2006 كما هى
* ملحوظة :- يختلف موديل 99 عن موديل 2000 فما فوق فى ان سير الكاتينة مختلف فى عدد العقل لكنة متوفر
- كما انها لو خليجى بيكون فلتر البنزين غالى شوية ومختلف لكنة متوفر فى حدود 35 الى 50 جنية
- الثبات على السرعات العالية !! لو العربية كويسة ويبقى لازم الاول تكشف على العفشة و الكاوتش والجنوط والرصرصة وضبط الزوايا وتتأكد ان كلها سليمة وبعدها نفكر نجرى وهتكون - بفرض سلامة ما ذكرت - حتى سرعة 120 كم / س العربية كويسة اما بعد كدة فلا يوجد طرق فى مصر ولا الرادار هيسمح بأكثر من كدة ولا العربية برضو هتلاقيها مش كويسة على السرعات العالية كسائر السيارات الكورى التى فى فئتها
- اما بالنسبة للسحب والشد فلو العربية موتورها كويس وعاملة كم معقول اكيد هتبقى كويسة جدا ً مقارنة بمثيلاتها
- اما السعر فالعربية لو تكييفها الاصلى شغال وبها ازاز الكهرباء ( 2 امامى ) و كاسيت السيارة الاصلى ويعمل وكاوتش حالتة كويسة وبطارية جيدة مع حالتها الخارجية والداخلية كويسة
- ممكن تتكلم من 35 وانت طالع حسب حالة السيارة
- لى صديق جاب واحدة من حوالى شهر وهى خليجى كاملة وحالتها ممتازة وراشة خارجى فقط وصاجها لم يتغير وفوانيس امام وخلف الاصلية وقلى بـ 42 لكن انا شايف ان المبلغ كتير شوية وكانت المفروض من 37 الى 38
وربنا يوفقك

[damdam41]

انا معايا العربية 1500 سىسى موديل 99
العربية ناعمة و بتشد حلو و عملية و قطع غيار مرمية و صيانة سهلة عند كل الميكانيكية
العربية ثباتها فى السرعات العالية مش حلو و من الداخل ضيقة فعلا
1500 احسن بكتير من ال 1300
من عيوبها برده انها واطية
سعرها من 35 الى 40 حسب الحالة
لو معاك 40 الافضل تجيب لانوس