العربية كانت هتولع

[akerima]

اهم من اسم الخرطوم نوع العربيه وكل اللي عليك حتروحي لواحد بيبيع قطع غيار النوع بتاعك وتقوليه عايزه خرطوم الريداتير اللي فوق والنوع ده بيبقي ستاندرد يعني مقاس واحد بس يلزمك ميكانيكي عشان التغيير ولو القطع مش كبير ومشوارك مش بعيد ممكن تلزقيه بشريط عريض وتزودي مية لغاية متوصلي لاقرب مكان تعرفي فية حد يساعدك بس خلي بالك من حرارة الماتور طول ما انت ماشية

[mahranahm]

على فكرة عادى جدا انا معايا رخصة من حوالى 11 سنة
ولسة جايب عربية من حوالى 4 شهور نفس الموضوع حصل معايا بس مروحة الريداتير هى الوقفت وكنت فى الصحراوى والحمد لله روحت للكهربائى وطلع العيب فى الفيوز بتاع المروحة بس انا قعت معاه وهو بيعمل كل خطوة
وعملتها معايا تانى
اتارى الباشمهندس الكهربائى حطلى فيوز اقل وطبعا سخن واتحرق فالمروحة عطلت تانى والعربية سخنت تانى وعشان كنت جانبة اول مرة عملت الهو كان بيعملوا بالظبط لحد لما توصلت للفيوز وغيرتة بواحد اعلى .
انا عارف ان الانا قولته دا ملوش دعوة بالانتى عايزاه خالص الهو اسم الخرطوم ايه
ولكن انا بقولك كدة عشان متتسهليش انك تعرفى اسمه ايه وبيتجاب منين وازاى تركبية لو ممكن عشان لو عملتها تانى فى حتة مقطوعة يكون معاكى واحد تانى اسبير وتعرفى تركبية .
ومعلش على الاطالة

[zeze noor]

المشاركة الأصلية كتبت بواسطة akerima اهم من اسم الخرطوم نوع العربيه وكل اللي عليك حتروحي لواحد بيبيع قطع غيار النوع بتاعك وتقوليه عايزه خرطوم الريداتير اللي فوق والنوع ده بيبقي ستاندرد يعني مقاس واحد بس يلزمك ميكانيكي عشان التغيير ولو القطع مش كبير ومشوارك مش بعيد ممكن تلزقيه بشريط عريض وتزودي مية لغاية متوصلي لاقرب مكان تعرفي فية حد يساعدك بس خلي بالك من حرارة الماتور طول ما انت ماشية

هو فعلا أنا كنت لزقته بشريط لحام عريض وزودت الميه بس لحد ما وصلت الجراج لاقيته بيضرب ميه والميه كانت بتغلى ففكت اللزق بتاع شريط اللحام

[د.محمود صلاح]

الماء في الخرطوم ده تحت ضغط عالي وسخونة ولا يمكن وضع شريط لحام حول الثقب او المنطقة التشقق ..

افضل شيء هو فكه والذهاب به لمحل قطع الغيار للإستبدال .

[samirayad]

المشاركة الأصلية كتبت بواسطة zeze noor طيب القطعة دى اسمها أيه علشان أشتريها

بيسمى فى لغة السوق

بخرطوم خروج المياه من المكنه إلى الردياتير

أو خرطوم الحوض الساخن للردياتير