|
ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
أدوات الموضوع |
#6
|
||||
|
||||
رد: هو احنا رايحين على فين
يا جماعة ان شاء الله خير
انتوا بتحسسوني انكم مش مستوعبين اننا في ثورة مش عارف انتوا مفكريين ان نظام جاثم بقالو سنيين هيتغير كده بسلاسة واحنا مستقريين ومفيش مشاكل والدنيا زي الفل طبعا لازم يكون في مشاكل ورؤي وامور غير طبيعية امال هيا ثورة ازاي وبعدين دي طبيعة اي مرحلة انتقالية غير طبيعية احنا بنعمل كل ده علشان ميحصلش ده كل ما تتنقل السلطة بعد كده لازم نستحمل شوية وان شاء الله الجاي يكون احسن |
#7
|
||||
|
||||
رد: هو احنا رايحين على فين
لو عايز تعرف إحنا رايحين فين شوف رد فعل الدول المتقدمه ورأيها فى إللى حصل إيه
منهم إللى عايز يعلم شعبه الثوره المصريه ومنهم إللى عايز يدرسها فى المدارس ومنهم إللى عايز ييجى يزور ميدان التحرير . إن شاء الله المستقبل أحسن بكتير من الماضى بس هى فتره قصيره والامور توضع على الطريق الصحيح . إرفع رأسك فوق انت مصرى
__________________
بلدنا فى القلوب متشاله ومهما تضيق عليها الحاله ولادها قدها ورجاله |
#8
|
||||
|
||||
رد: هو احنا رايحين على فين
اللهم اضرب الظالمين بالظالمين واخرجنا منها سالمين
__________________
|
#9
|
||||
|
||||
رد: هو احنا رايحين على فين
يا ابو سهيلة مقلناش لا احنا في ثورة ولازم من تضحيات لكن انا بتكلم عن ازمة ثقة بين الكل واخشي ما اخشاه ان يطبق قانون البقاء للاقوي في فترة ليست ببعيده المرحلة الانتقالية اللي انت بتتكلم عليها دي المفروض كل الناس تضبط نفسها لكن مفيش حد عنده استعداد للضبط وبدأنا ندخل في مرحلة فوضي طلاب مدارس الثانوي اول الدراسة ما بدأت حبوا اللعبة قوي وعجبتهم وعاملين مظاهرات اللي مش عاجبه مدير المدرسة عامل مظاهره واللي مدرسينه مش عاجبينه عاملين مظاهرا واللي جدول الامتحانات مش عاجبه مظاهرة طيب قولي بالله عليك اللي شغالين في بنوك ومرتباتهم بتعدي الفين و3 عاملين مظاهرات ليه والا من كام يوم شركة بترول الموظفين اللي فيها عاملين مظاهره علشان تثبيت عمال البترول والاسانسير والتعامل زيهم زي الموظفين دول عاملين مظاهرة ليه مش الثورة قامت برضة والمطلب الاول ليها العدالة الاجتماعية
__________________
ولا نقول إلا ما يرضي ربنا إنا لله و إنا إليه راجعون
|
#10
|
||||
|
||||
رد: هو احنا رايحين على فين
مع خالص احترامي لرأيك يا دكتور كمال الكلام ده كان لغايه يوم 11 - 12 - 15 لكن ام بعد ذلك الوضع بدأ يختلف وبدأنا ن دخل في فوضي واظن الوضع عندك في العريش يقول ويعبر عن الفوضي دي الف مرة وبعدين اخشي ما اخشاه نفضل نقول احنا عملنا احنا عملنا احنا عملنا ما برضة اجدادنا عملوا وبقى كل اعتمادنا على شوية الاثار اللي عندنا والاثار تجيب سياح والسياح تشوف وتتفرج وتدفع طيب ادي موقف حصل اهو خساير شهر اثنين مليار مرتاح ونسبة اشغال الفنادق صفر % وبرضة قلنا احنا عملنا واحنا علمنا واحنا علمنا قلنا هنبني وادي احنا بنينا السد العالي وبعدين بعد 50 سنة من السد العالي عندنا ازمة كهرباء وشبكة الكهرباء لا تتحمل زيادات حاربنا في اكتوبر وعملنا معجزة ونمنا عليها 37 سنة لما فكرنا ان فيه حاجة غلط ويا فرحتي الثورة المصرية بيتقال عليها كذا برة والرؤساء برة بتطالب بتدريسها في بلادهم طيب محدش قال الناس اللي قاعدة من غير شغل ده الرؤساء اللي برة قالو عليهم ايه محدش قال الناس اللي عماله تقطع في بعض وكله بيخون كله الرؤساء اللي بره قالو عليهم ايه كلنا كنا بنقارن بين مبارك ومهاتير محمد ده حكم 30 سنة وقال انا ماشي وده حكم 30 سنة وقال انا قاعد على قلبكم طيب وبعدين مين قارن بين الشعب المصري والشعب الماليزي مين قارن بين الانتاج المصري والانتاج الماليزي بتقولو العربية البروتون حاجة محترمة وماليزي ومقتنيها بيعمل ويسوي طيب ما كانت عندكم النصر للسيارات في يوم من الايام بتصدررر وحط خط تحت بتصدر دي لدول كثيرة وسبب فشلها مش ادارتها بس لا عمالها كمان اللي كانو بيروحو يمضوا ويجرو على ورشهم برة واللي بيروح يخبط خبطتين وينام جنب المكنة بنقارن بين الديكتاتورية في مصر والديمقراطية في فرنسا طيب مين صاحب عمل او صاحب مهنة او حرفة بيدفع ضرائب زي فرنسا هل تعمل ان فرنسا اكبر نسبة ضرائب في العالم كله اجمالي الضريبة تصل ل 60 % من قيمة الدخل يعني تشتغل واكتر من نص مرتبك كده بالسلامة رايح للبلد في المقابل بتلاقي خدمات صحية وتعليمية وخدمات اجتماعية لكن عندنا لو حد فتح بقه وقال مليم تاني ضارئب هننط في كرشه تفتكر لو رجعنا تاني طبقنا نظام الضريبة التصاعدية تاني هيحصل ايه هتلاقي رجال الاعمال سحبو فلوسهم والناس مش عاوزة ضارئب وهتعمل مظاهره ولول مفيش دخل للدولة يبقى مفيش خدمات يبقى مفيش تعليم هتلاقي الناس عملت مظاهره وتقول فين التعليم وفي الدخل القومي وعيالنا وشبابنا هيبقى مفيش مستشفي مجاني وهتلاقي الناس طالعة مظاهرة تقول فين الرعاية الصحية والعلاج والتامين طيب وبعدين هنروح على فين محدش بيعرف يسمع غير نفسه 80 مليون كل واحد له راي وكل راي يخالف الرأي اللي بيقوله يبقى خاين وعميل طيب ايه رأيكم لو الدولة قالت انا عندني موارد كذا مليار هنقسمهم على كل واحد من الشعب هتلاقي كل واحد حصته مثلا مثلا 50 ألف في السنة بس خلي بالك انت هتاخدهم وانت مسئول عن نفسك يعني متطلبش مني امن ولا شرطة ولا جيش ولا تعليم ولا صحةو لا ري ولا مياه ولا حاجة خااااالص انت ليك كل سنة تاخد نصيبك وتمشي تتصرف بقى بمعرفتك ايه رأيكم ينفع
__________________
ولا نقول إلا ما يرضي ربنا إنا لله و إنا إليه راجعون
|
|
|