برجاء الافاده من عمالقة البايكرز

[nktis]

اكيد هيتاثر اداء المكنه وكده ..مثلا فيه واحد يقدر يوقف وظايفه الحيويه زي الاكل وكده
طيب المكنه واقفه من 3 سنين ...اكيد هتتاثر وهيبان انها متهانه وقديمه
الحاجه لما بتستعمل غير لما تقف وكان المفروض صاحبك قرر ما يركبش موتسيكلات انه يبعها في وقتها مش يركنها....ولو عجباك يبقي لازم قبل ما تشتريها يبقي معاك ميكانيكي هوندا يركب البايك ويشوفه بالظبط لان ممكن فيه عيوب مخفيه متبنش لينا وديت شغلته وايضا قبل الشراء اسال عن المكنه ديت في السوق وظروفها والناس اللي استعملتها وقطع غيارها

[FANTOM0777]

المشاركة الأصلية كتبت بواسطة nktis اكيد هيتاثر اداء المكنه وكده ..مثلا فيه واحد يقدر يوقف وظايفه الحيويه زي الاكل وكده طيب المكنه واقفه من 3 سنين ...اكيد هتتاثر وهيبان انها متهانه وقديمه الحاجه لما بتستعمل غير لما تقف وكان المفروض صاحبك قرر ما يركبش موتسيكلات انه يبعها في وقتها مش يركنها....ولو عجباك يبقي لازم قبل ما تشتريها يبقي معاك ميكانيكي هوندا يركب البايك ويشوفه بالظبط لان ممكن فيه عيوب مخفيه متبنش لينا وديت شغلته وايضا قبل الشراء اسال عن المكنه ديت في السوق وظروفها والناس اللي استعملتها وقطع غيارها

دي سوزوكي مش هوندا يا صاحبي
وبيني وبينك داخله دماغي اوي شكلها دبابه مش مكنه عاديه

منا بقولك هاخدها اوديها اي ورشه متخصصه تتشد فيها من مجاميعو
وبسأل بس علي مكان ورشه تكون كويسه عشان ابقي مطمن
هل بس بعد ما تتشد وتتظبط فيها كل حاجه هتبقي تمام ولا ايه

[nktis]

طبعا هتبقي تمام التمام بس تيقن من وجود كل ما يخصها من كماليات وقطع غيار قبل الشراء..
انا راي الشخصي واللي بحاول اوصلهولك نسبه راكبي السوزوكي ونسبه الهوندا..مين يكسب في توافي قطع غياره وانتشاره بين البايكرز وكمالياته؟؟؟
طبعا هوندا ....وربنا يوفقك وتكون مكنه عند حسن ظنك

[FANTOM0777]

المشاركة الأصلية كتبت بواسطة nktis طبعا هتبقي تمام التمام بس تيقن من وجود كل ما يخصها من كماليات وقطع غيار قبل الشراء.. انا راي الشخصي واللي بحاول اوصلهولك نسبه راكبي السوزوكي ونسبه الهوندا..مين يكسب في توافي قطع غياره وانتشاره بين البايكرز وكمالياته؟؟؟ طبعا هوندا ....وربنا يوفقك وتكون مكنه عند حسن ظنك

ربنا يخليك يا صاحبي طمنتني
عايز اقولك انها بكل حاجتها الاصليه مفيش حاجه اتغير فيها خالص معادا بس العداد بتاعها اتسرق واكيد هجيب مكانه لما تتشد ربنا يخليك بجد طمنتني

ناقصني بس الاقي ورشه حد بيفهم بجد وامين والله مش مشكله الفلوس اللي هتتصرف عليها اهم حاجه يظبطها

وياريت لو ينفع اوديها توكيل سوزوكي بس مش عارف ينفع ولا لا ده اكيد احسن واضمن كتير اووي

[tamertamer]

طبعا انا من اشد المعارضين للاسباب الاتية

1- لما بتتركن فترة بتبص تلقى الضرر البالغ داخليا يعنى مثلا خرطيم الفرامل سعتك هتشفها هتحس انها سليمة لاكن من الداخل بنسبة كبير مشققة ودية ممكن تقلب بكرسة تدوس متلقيش فرامل مثلا
2- طبعا الصداء طلها فى اجزاء كتير وممكن تكون داخلية غير مرئية اليوم ودة اكيد
3-متفرحش انها رخيصة لانك هتدفع فلوس اد كدة وتعب وجهد وبردو مش هترجع زى مكانت لان للاسف معندناش حد متمرس فى مصر
4- المتور يتعها سواء جونات وجلب وخلافة مع الاستخدام لفترة هتبوظ بسبب تعرضها لعوامل الجو الرطوبة والحرارة الخ
5- بعض الاجزاء الميكانيكية تصيبها الضرر البالغ بسبب عدم الاستخدام
6- بالنسبة للبلى مثلا بتاع العجل والجنزير والتروس الكلام دة كلة متستخدموش هتغير كلة
7- قطع غيارة قليلة وربنا يعينك
8- سعر اعادة البيع مش هيعجبك
9- عند البيع عدد قليل جدا الذى يركب هذا النوع
10 انت غاوى بهدلة الصنيعية لما بتخش عندهم تاكد انة هترحلهم كل شوية هتكسب اة بهدلة مع المكنة
اة ياعم وجع القلب دة هتلك وحدة نضيفة وبلاش وجع قلب