في رأيك هل يمكن إصلاح جهاز الشرطة بقيادته الحالية

[khaled al sharif]

المشاركة الأصلية كتبت بواسطة سالم سلامه يا باشا الجهاز فيه ناس كتير شرفاء ونزهاء وناس منهم كتير بتعرف ربنا وبتخاف منه وبتراعى ربنا فى عملها وكمان فيهم ناس استغفر الله العظيم مفكرين ان ربنا فوق وهما خليفته فى الارض والعياذ بالله بس احب اضيف ان الفئه الاخيره خدت درس لن تنساه ماحيت على وجه الارض وعرفوا ان الله حق وصدق وان الدنيا لا تدوم لاحد ولو دامت كانت دامت لسيد الخلق سيدنا محمد ندعوا الله ان يهديهم ويشوفوا عملهم بما يرضى الله ويعلموا ان فرد الشرطه ماهو ال موظف زى اى موظف فى الدوله بيقوم بعمله وان القانون هو الذى بينه وبين الناس القانون فقط وربنا يولى من يصلح

مع إحترامي لرأي حضرتك ... كان فيه قانون برده أيام حبيب العادلي وزبانيته وكانت بتصدر أحكام نهائية من القضاء في كثير من الإعتقالات والقضايا وكانت وزارة البلطجية ... اسف وزارة الداخلية تضرب بها عرض الحائط وفي الأخر طظ للي مش عاجبه

كان فيه قانون في جميع نواحي الحياة ولكن لم تمنع الفسده في هذا الجهاز من الرشوة والمحسوبية وتقسيم ثروة البلد مع تجار المخدرات ورجال الأعمال الحرامية ولا تأجير البلطجية


معلش أنا مش مقتنع إن فيه فئة بالفساد ده يمكن أن تختلط بالمجتمع الديمقراطي المنتظر في مصر أنا مقتنع إن المرتشي الذي أدمن الرشوة يستبعد من التعامل في مصالح الناس.

[khaled al sharif]

المشاركة الأصلية كتبت بواسطة @واحد من الناس@ قام أفراد من الشرطة بزي مدني بالإعتداء بالضرب المبرح على مصور الجزيرة مباشر أثناء تغطية مظاهرة لأمناء الشرطة أمام مديرية أمن الغربية بطنطا. وكان عابد محمد الحاج مصور الجزيرة مباشر قد توجه إلى مديرية أمن الغربية لتصوير مظاهرة لأمناء وضباط الشرطة بمحافظة الغربية والتي يطالبون فيها بعدم محاكمتهم عن انسحابهم من الخدمة أثناء ثورة 25 يناير، إلا أن أفراد منهم قاموا بالاعتداء عليه وتكسير الكاميرا الخاصة بالقناة، والاستيلاء على جميع متعلقاته الشخصية. يذكر ان وزارة الداخلية المصرية قد عادت إلى شعارها القديم "الشرطة في خدمة الشعب" وذلك لإشعار الشعب بتوجه جديد بعد سقوط النظام السابق، إلا أن تلك الحادثة تثير قلقا كبيرا حول الطريقة التي ستتعامل بها الشرطة في المرحلة القادمة في ظل وجود نفس قيادات العصر القديم بوزارة الداخلية. منقوووووووووووول

بالظبط كده .. مفاهيم الناس دي بقت ديكاتورية ولا تسمع إلا لغة التكبر والإستعلاء كما قال أحد الزملاء وتم تربيتهم خلال 30 عاما عمر حكم الطاغية علي كافة طرق مصادرة الأراء ورفض الرأي الأخر وحرية الإعلام .... بعض الناس بتقول فيه شرفاء في هذا الجهاز ... ياتري كيف يمكن الوصول إليهم ...ومسؤلية مين .. وكيف يمكن التأكد من ذلك .... لما أشوف مواطن مصري شاب مصري زي الورد كان جنبي في المظاهرة يضرب ويتسحل من المباحث ورتب كتير صغيرة وكبيرة يصعب علي الإقتناع أن هذه الفئة من ( الشعب ) تصلح لحفظ أمن الشعب ولا سلامة الشعب عشان المتظاهر الشاب الجميل ده وكل إللي ماتوا زيه ماتوا بسبب توحش وموات قلوب هؤلاء.... صعب صعب قوي الواحد يصدق إن الفئة دي يمكن ينصلح حالها وحتي لو فرض تابوا ورجعوا لله .... لا ينبغي وضعهم أمناء علي حياة ومصالح الشعب

[MOUSTAFA_SAAD]

بس انا حاقولك رائى بصفتى للاسف موظف مدنى بالجوازات
وانا باقول للاسف لانى الموظف المدنى فى الداخليه بيعامل كانه درجه تانيه وحيفضل طول عمره درجه تانيه وانا بقصد بالتعامل هنا هو التعامل مع القيادات العليا اللى فوق اوى يعنى على سبيل المثال
مستحيل انهم يسبيوا قسم الجوازات عندنا من غير ظابط حتى لوكان ملازم اول كأن الظباط ملايكه واحنا شياطين بنستغل اى فرصه للرشوه والفساد
كان ليا مشكله اوطلب عندهم مكنتشى عارف ادخل المكتب حتى علشان اعرض مشكلتى ومحدشى راضى يقابلنى لدرجة انهم كرهونى فى نفسى والعيشه اللى عايشها وفكرت استقيل واغور من وشهم
من النهايه بيعتبروا نفسهم حاجه تانيه غير البشر اللى احنا نعرفها
ده بالنسبه للناس اللى فوق منهم فى المناصب القياديه
اما رئيسك المباشر فالوضع هنا مختلف تماما يعنى بصراحه فى مكتبنا وفى معظم المكاتب وليس كلها يوجد ظباط محترمين بجد وعايشين عيشة اهلهم على راى المثل ولا عنطظه ولا اى استفزاز منهم وبتتعامل معاهم الند بالند خصوصا ان انا اول لما دخلت الشغل عملت حاجز بينى وبينهم والتزمت باقصى درجه ودية اصلا طبيعه فيا علشان ماديش لحد فرصه انه يغلط فيا لاى سبب لانى عصبى ومش حاقدر استحمله وممكن اعمل مصيبه معاه ودية حصلت بالفعل مع نقيب كان منتدب عندنا وحب يرسم الدور وكانت حتحصل كارثه بينى وبينه لولا انهم لحقونا وسلكونا من بعض بالعافيه
الخلاصه ان انا اول لما اتعينت كنت مفكر ان الظباط دول كلهم ولاد تيت لكن بالامانه قابلت ناس فيهم بمنتهى الاخلاق والامانه والشرف وبيموتوا فى شغلهم وبيعاملوا الناس بطريقه كويسه جدا جدا رغم ان عندنا ناس كتير بتيجى المكتب والشغل بيبقى زحمه ومعظمهم من الارياف وبصراحه التعامل معاهم متعب جدا لانهم من غير تعليم وعقليتهم محدوده جدا
ونفس الكلام ينطبق على الامناء والافراد برده قابلت ناس منهم فى منتهى الاخلاق وطبعا فيه ناس برده فاسده
فكل مكان فيه الكويس والوحش ومش كل الشرطه او معظمها فاسد زى ما انتوا فاكرين وبدليل الظباط والامناء اللى ماتوا وهما بيحاولوا يمنعوا المساجين من الهرب فى بعض السجون وضحوا بحياتهم علشان خاطر يحموا البلد

لازم نبقى متفائلين ونتعاون مع بعض لان العيشه من غير شرطه وامن ونظام مستحيل تنفع
الشرطه نتاج من المجتمع بتاعنا مش حاجه جايه من الفضاء الخارجى

وانا شايف انهم يغيروا اللبس بتاعهم لان بصراحه الناس كرهته ويعملولهم اعداد نفسى وتدريب لطريقه تعامل لائقه بالمواطن ودية مش كل الشرطه محتاجاها ولكن البعض والموضوع ده المفروض يبدا اساسا من الكليه مش بعد التخرج وده لان فيه ناس منهم مابتعرفشى تميز بين التعامل مع البلطجى والمواطن الشريف وكله عندها واحد وهى دية المشكله
ويجعله عامر

[Ahmed Anwer]

موضوع مهم جدا يا أ / خالد ،،

كنت بفكر في طرحه و حضرتك سبقتني

كان فيه اقتراح علي الانترنت بتسريحهم

و اختيار شباب جامعي من العاطلين عن العمل بعد تدريبهم بدلا منهم

و طبعا ده اقتراح قاسي جدا

رغم إن ليه كثير من المؤيدين

شخصيا ليا جار ضابط شرطة بس هوا استقال قبل الأحداث بكام شهر

و تعرفت عليه اثناء وقوفنا قس اللجان الشعبية

و لك أن تتخيل إن ضابط الشرطة السابق ده ،، كان موافق علي الاقتراح ده ،،

بالعكس كان شايف إن أحسن حاجة حصلت تدمير هذا الجهاز الفاسد تماما من وجهة نظره

و يوم عيده !!!

و قعد يحكيلي قصص فساد و انعدام كفاءة لهذا الجهاز يطول شرحها ،،، كان شايل شايل يعني

و ليا عودة للموضوع باقتراحات قد تكون عملية

[khaled al sharif]

المشاركة الأصلية كتبت بواسطة moustafa_saad بس انا حاقولك رائى بصفتى للاسف موظف مدنى بالجوازات وانا باقول للاسف لانى الموظف المدنى فى الداخليه بيعامل كانه درجه تانيه وحيفضل طول عمره درجه تانيه وانا بقصد بالتعامل هنا هو التعامل مع القيادات العليا اللى فوق اوى يعنى على سبيل المثال مستحيل انهم يسبيوا قسم الجوازات عندنا من غير ظابط حتى لوكان ملازم اول كأن الظباط ملايكه واحنا شياطين بنستغل اى فرصه للرشوه والفساد كان ليا مشكله اوطلب عندهم مكنتشى عارف ادخل المكتب حتى علشان اعرض مشكلتى ومحدشى راضى يقابلنى لدرجة انهم كرهونى فى نفسى والعيشه اللى عايشها وفكرت استقيل واغور من وشهم من النهايه بيعتبروا نفسهم حاجه تانيه غير البشر اللى احنا نعرفها ده بالنسبه للناس اللى فوق منهم فى المناصب القياديه اما رئيسك المباشر فالوضع هنا مختلف تماما يعنى بصراحه فى مكتبنا وفى معظم المكاتب وليس كلها يوجد ظباط محترمين بجد وعايشين عيشة اهلهم على راى المثل ولا عنطظه ولا اى استفزاز منهم وبتتعامل معاهم الند بالند خصوصا ان انا اول لما دخلت الشغل عملت حاجز بينى وبينهم والتزمت باقصى درجه ودية اصلا طبيعه فيا علشان ماديش لحد فرصه انه يغلط فيا لاى سبب لانى عصبى ومش حاقدر استحمله وممكن اعمل مصيبه معاه ودية حصلت بالفعل مع نقيب كان منتدب عندنا وحب يرسم الدور وكانت حتحصل كارثه بينى وبينه لولا انهم لحقونا وسلكونا من بعض بالعافيه الخلاصه ان انا اول لما اتعينت كنت مفكر ان الظباط دول كلهم ولاد تيت لكن بالامانه قابلت ناس فيهم بمنتهى الاخلاق والامانه والشرف وبيموتوا فى شغلهم وبيعاملوا الناس بطريقه كويسه جدا جدا رغم ان عندنا ناس كتير بتيجى المكتب والشغل بيبقى زحمه ومعظمهم من الارياف وبصراحه التعامل معاهم متعب جدا لانهم من غير تعليم وعقليتهم محدوده جدا ونفس الكلام ينطبق على الامناء والافراد برده قابلت ناس منهم فى منتهى الاخلاق وطبعا فيه ناس برده فاسده فكل مكان فيه الكويس والوحش ومش كل الشرطه او معظمها فاسد زى ما انتوا فاكرين وبدليل الظباط والامناء اللى ماتوا وهما بيحاولوا يمنعوا المساجين من الهرب فى بعض السجون وضحوا بحياتهم علشان خاطر يحموا البلد لازم نبقى متفائلين ونتعاون مع بعض لان العيشه من غير شرطه وامن ونظام مستحيل تنفع الشرطه نتاج من المجتمع بتاعنا مش حاجه جايه من الفضاء الخارجى وانا شايف انهم يغيروا اللبس بتاعهم لان بصراحه الناس كرهته ويعملولهم اعداد نفسى وتدريب لطريقه تعامل لائقه بالمواطن ودية مش كل الشرطه محتاجاها ولكن البعض والموضوع ده المفروض يبدا اساسا من الكليه مش بعد التخرج وده لان فيه ناس منهم مابتعرفشى تميز بين التعامل مع البلطجى والمواطن الشريف وكله عندها واحد وهى دية المشكله ويجعله عامر

والله يا أستاذ مصطفي كلامك جميل وفيه شي من العملية والإيجابية .... هاقولك إيه إللي عجبني في كلامك

- أولا للقادة الموجدين حاليا أو الرتب الأدني إللي ليها إتصال بالجمهور يعاد تأهليها بطريقة ما لفن التعامل مع الشعب ... طبعا إحنا بنتكلم عن الفئة إللي عندها قابلية لذلك

- ثانيا البداية تبدأ من كلية الشرطة وطبيعة ونوعية المواد التي تدرس لهؤلاء الطلبة قبل أن يصيرو ضباطا (بشرط ما يكنوش داخلينها بالكوسة عشان ولاد أكابر )

ثالثا تغيير الزي الرسمي الحالي للشرطة لإنه إرتبط بسوء معاملتهم للشعب من كل لون

يعني تغيير المظهر والمفاهيم وإسلوب التربية العسكرية بدء من طلبة كلية الشرطة حتي لما بعد التعين

علي أي حال محاولة جيده للتفاؤل...شكرا ليك