الناس مش مطمنة ......... رايكم ايه

[MIDO-SPICY]

بصراحه مابقتش عارف للبلد دى حاجه
قعدنا 30 سنه مستحملين وواخدين على دماغنا وماحدش قال بم
والنهاده بنتحايل على الناس تستنى 9 شهور وماحدش قادر يستنى
بقالنا 30 سنه كتير مننا مايعرف مين هما الوزرا بتوع الحكومه
والنهارده كل الشعب اطفال وشيوخ وسيدات ورجاله بتتكلم فى السياسه وعرفت الوزرا اسم اسم

مابقتش عارف انه فيهم اللى هيستمر وانه فيهم اللى هيختفى على مدار الايام الجايه

اما موضوع مبارك دا فمعتقدش انه هيحصل
اعتقد ان شفيق راجل محترم وهو اللى وقف العيال البلطجيه اللى ضربت الثوار فى التحرير وطول ما هو فى الوزاره انا متفائل

متقلقش يا زعيم الناس ديه شوكتها انكسرت ومش هتقدر تمس ضفر مصري تاني ولو ليك اي حاجه في قسم الشرطة ولقيت تقصير منهم تخربها عليهم ومحدش يقدر يقولك تلت التلاته كام وربنا يفرجها علينا كلنا كلها ايام بأذن الله ونخلص من كومة الفساد اللي احنا غرقنين فيها من سنين ديه

[ابوشروق]

المشاركة الأصلية كتبت بواسطة corsair متقلقش يا زعيم الناس ديه شوكتها انكسرت ومش هتقدر تمس ضفر مصري تاني ولو ليك اي حاجه في قسم الشرطة ولقيت تقصير منهم تخربها عليهم ومحدش يقدر يقولك تلت التلاته كام وربنا يفرجها علينا كلنا كلها ايام بأذن الله ونخلص من كومة الفساد اللي احنا غرقنين فيها من سنين ديه

حبيب قلبى كورسير أقراء توقيعك كويس وربنا يستر

[nktis]

انا متفاءل خير .. وخصوصا بعد كلام الدول الغربيه وانفتاح الاعلام
صعب يضحك علينا تاني وربنا يسترها..

[snoop]

ان شاء الله خير تفائلوا بالخير تجدوه مقدمناش غير كده لمدة شهور وربنا يستر
المشكلة فى سياسة البلد المشكلة الشعب كلوه طالع من محنة وظروف صعبة والناس لسة خايفة فى بيوتها للان هل حنقدر نعدى كل ده ونبقا عادى انا كنت قبل المظاهرات بفتح باب البيت وبنزل الشارع حتا لو مش عارف رايح فين دلوقتى بقا الواحد يقلق حتى لو رايح مشوار صغير يقول حيرجع سليم لاهلوه ولا !!!!