تم بحمد الله شراء موتور استيراد وجاري كتابة المواصفات

[sad-bird]

المشاركة الأصلية كتبت بواسطة مهند سالم الموتور مبدئيا أنا رحت بيه النهارده مشوار للشرقية حوالي 60 كيلو، صوته ماشاء الله ناعم وسحبه ممتاز، لكن طبعا أنا لسة ما بأضغطش عليه لأني لسة بأغسله، يعني أنا إمبارح حطيت زيت غسيل (2لتر) ودورت ونزلتهم في ساعتها يعني فضلوا في الماتور دقائق معدودة، نزلوا اسود تماما لأن طبعا الموتور بقاله فترة مركون ، وفي سوق الاستيراد بيدوروه بزيت مستعمل. وطبعا حطيت زيت تعاون أغسل بيه كام يوم كدة وهأنزله وهأحط شل وأغير الفلتر، وربنا ييسر الأحوال.

يا راجل مش تقول انك جاي عندنا كنا نفرش الارض مسامير
(علشان نقعدك عندنا شوية يعني مش علشان نبوظ الكاوتش)

[مهند سالم]

المشاركة الأصلية كتبت بواسطة sad-bird يا راجل مش تقول انك جاي عندنا كنا نفرش الارض مسامير (علشان نقعدك عندنا شوية يعني مش علشان نبوظ الكاوتش)

يعني طلعنا بلديات، ألف أهلا وسهلا، أنا أصلا من الشرقية منيا القمح، لكن استقرينا في القاهرة منذ السبعينات. نورت الموضوع

[sad-bird]

يا اهلا بيك يا باشا
انا من الزقازيق

[محمد شهاب]

وانا من منيا القمح
تيجى بقى نعمل منتدى خاص بينا
زى المرسيدس والفولفو كده
وشوية مقارنات ويبقى تمام قوى
ههههههههه
ويدخل واحد يشتم فينا زى اللى عمال يشتم فى الصينى
واحنا نقول الشراقوة كويسين ياجماعة




تحياتى للجميع

[hazem_khidr]

الف مبروك يا استاذ مهند
عاوزين تفاصيل اكتر و يا ريت صور
انت جبت الموتور منين و يا تري لفيت ولا جبته من اول واحد
افضل شئ دلوقتي انك تمشي بالزيت دا يوم واحد فقط و تغير زيت و فلتر
و ربنا يحمي لك عربيتك