احسن 5 حاجات و اسوأ خمس حاجات في vevy --- شارك برأيك

[pido132]

المشاركة الأصلية كتبت بواسطة SuccessCre8or السلام عليكم و رحمة الله و بركاته فكرة عجبتني قلت افتح بيها موضوع .. مزايا و عيوب الفيرنا من خلال تجربة ملاكها اكبر 5 مميزات في الفيرنا: 1- محرك قوي 2- إعتمادية عالية (قلة اعطال الحمد لله + مراكز صيانة و قطع غيار في كل مكان) بالإضافة انها واخدة جائزة في الإعتمادية من JDpower 3- تكييف ممتاز 4- شكل انيق ..بيليق فيه التظبيط الخفيف ... جنط و فاميه تبقى العربية جميلة جداً 5- ابعاد العربية واضحة جداً و سهلة في الركن و السواقة داخل المدينة ارخم 5 حاجات في الفيرنا: 1- اضيق صالون في فئتها (لوجان - ساجا -لانوس) 2- واخدة سمعة سيئة جداً في الثبات و الفرامل عشان الجنط الـ13" و الكاوتش المصري اللي مش بيمسك في الأرض على الرغم ان محدش اشتكى من عيوب في الفرامل منها خارج مصر (يمكن عشان برة بتنزل ب ABS) 3- بعض عيوب التقفيل المصري اللي بتتلخص في العزل 4- فئة الهاف اوبشنز فقيرة جداً 5- التريقة اللي بقيت بسمعها عليها

فعلا كلام حضرتك مظبوط وخصوصا العيب الاخير
كل واحد بقى واخد الفيرنا كمثال للعيوب الى فمصر كلها
كل واحد يقول كفايه انها مش زى الفيرنا دى احسن من الفيرنا
كلام يحرق الدم

[SuccessCre8or]

متشكر يا رجالة على تفاعلكم مع الموضوع

احب اضيف عيب كمان يلاحظه اللي بيسافر بالعربية كتير و هي انها مش مريحة في المسافات الطويلة... بعد سفر طويل ظهري بيتعبني اوي .. تقريباً عشان الكرسي ناشف ..

[pido132]

المشاركة الأصلية كتبت بواسطة SuccessCre8or متشكر يا رجالة على تفاعلكم مع الموضوع احب اضيف عيب كمان يلاحظه اللي بيسافر بالعربية كتير و هي انها مش مريحة في المسافات الطويلة... بعد سفر طويل ظهري بيتعبني اوي .. تقريباً عشان الكرسي ناشف ..

+11111111111111

[abdo verna]

المشاركة الأصلية كتبت بواسطة pido132 فعلا كلام حضرتك مظبوط وخصوصا العيب الاخير كل واحد بقى واخد الفيرنا كمثال للعيوب الى فمصر كلها كل واحد يقول كفايه انها مش زى الفيرنا دى احسن من الفيرنا كلام يحرق الدم

ضرتك عندك حق وعموما اللي بيصدر منه الكلام ده اما انه حاقد او مبيفهمش

[abdo verna]

احسن 5 مميزات:
1 ماتور قوي لا يقهر
2 عفشة منفصلة , للاستخدام القاسي او الشديد
3 ابعادها سهلة الحفظ او التعود
4 قطع غيار رخيصة ومتوفرة
5 شكل لذيذ باعشقه انسيابي وايرو ديناميكي
العيوب:
1 خامات الصالون مش قد كده بس كله على قد سعره
2 ضيقة بس هي سيدان صغيرة يعني بتاعت عدد قليل
3 الشكمان الكبير في موديلات ما قبل ال2010
4 عزل الماتور ضعيف بحس اني راكب عربية سباق