اوبترا ولا ماتريكس؟

[eng_ahmed_90210]

الماتريكس افضل علي الاقل عشان التوكيل
طب ليه متفكرش في الزيرو ؟
قدامك اللوجان زي الفل و الساجا و الفيرنا

[ramy01011]

ميزة الماتريكس اعادة البيع احسن وميزة الاوبترا الثبات علي السرعات العالية عن الماتريكس
لاكن الاتنين واسعين و متقاربين في المميزات و العيوب
بومة 1300 اوتو موش كويسة 1600 احسن

[salah74]

شكرا للاستجابة السريعة
متابع باهتمام

[Komy]

بص يا باشا انا سقت الاتنين وحكايتى معاهم كالاتى:

1- الماتريكس سوقتها وكانت جميلة فى مشيها ناعمة وواسعة ومريحة وحاجتها موجودة ورخيصة ويكفى انها هيونداى. وعلى فكرة انا معايا فيرنا.

2- الاوبترا ليا معاها عشرة طويلة , بص عربية برضو واسعة وتقيلة على الطريق وعفشتها مريحة جدا وماتورها شديد جدا يعنى لو بتشد بيها مع اى عربية هتشرفك ,

ولكن
للأسف العربية عملت حادثة بعيد عنكوا وعن السامعينومن هنا المشكلة حاجتها مش كلها موجودة واللى موجود منها مبالغ فى سعره جدا , لكن للأمانة العربية الشاسيه بتاعها جامد يعنى الحادثة دى لو فى اى عربية تانية كان زمانها الله يرحمها.

3- بالنسبة للانسر لو اوتوماتيك إركبها 1600 مش 1300 لكن لو مانيوال ال 1300 جميلة فيها.

واستخير ربنا وربنا يوفقك .

[ahmed1981]

أنا جربت الماتريكس كثير
وسافرت بيها سفريات كبيرة 1000 كيلومتر رايح جاي
سيارة ممتازة
قطع غيارها متوفرة ورخيصة
عملت بيها حادثة مرة وكان قطع غيارها سهلة ورخيصة سواء إستيراد أو جديد كوري من خارج التوكيل
كان نفسي يكون بها فرامل ABS لكن غبور مقشطها تمام أول بأول

موتورها هو موتور الفرنا
واسعة من الداخل جداً
ثابتة على الطريق رغم أنها عالية
أنا مشيت بيها على 200 كلم/ساعة على طريق الغردقة وهي محملة ب ثلاث أفراد والشنطة بها حمولة لا تقل عن 200 كيلوجرام الساعة الواحدة ظهراً في عز الصيف والتكييف شغال

طبعاً مقدرش أفرق بينها وبين الأوبترا لأني لم أجرب الأوبترا
لكن الأوبترا هي نفسها النوبيرا
والنوبيرا مع قريبي إستهلاك البنزين فيها عالي
والفتيس الأوتوماتيك بتاعها بيبوظ كل 40 ألف كيلومتر

هل هو نفسه بتاع الأوبترا
أنا لا أعلم