رخصة القيادة ببلاش ومن غير لارشوة ولا واسطة

[medo40001]

المشاركة الأصلية كتبت بواسطة tom_gr بس اوعدنا بقى ادام ربنا اهو ان ما تستغلش السواقة بقى فى حاجات تضر الناس والبلد زى السرعات الجنونية - القياده باستهتار - ............ الخ القيادة مسئوليه عليك قبل ان تكون نعمة لك

باذن الله
بس الناس اللى ورايا انا خايف انهم يزعلوا منى ويخبطونى

[amrmohamed1975]

الف مبروك عليك الرخصة و ربنا يكتبلك السلامة

[samehsaeed]

أولا يا باشا ألف ألف مبروك على الرخصة ويارب ربنا يستر طريقك دايما ويبعد عنك الحوادث اللهم آمين

المشاركة الأصلية كتبت بواسطة corsair انتا كان حظك حلو لان في ناس بتقابلهم غيلان لو مدفعتش المعلوم لو معاك رخصه درجه اولي وجي تطلع الخاصه هيسقطك بردك

بالنسبة بقى لحبيب قلبي corsair فبجد عايز أقولك حاجة الموضوع مش حظ ولا حاجة أنت فعلا لازم تاخد بالأسباب اللي هي إنك تتعلم السواقة كويس ده أول حاجة تاني حاجة إنك تتوكل على الله وتبقى نيتك فعلا إنك ما تدفعش رشوة وإنك تخلي واسطتك ربنا والكلام ده مش كلام شعارات زي ما بعض الناس بتقول والدليل إن amr mohamed اهه طلع رخصة من غير لا رشوة ولا واسطة والحمد لله الحمد لله العبد لله طلعت الرخصة برده من غير لا رشوة ولا واسطة وبرده من مرور السلام اللي الناس بتقول عنه إنه من أرخم مناطق المرور اللي في مصر.
وبعدين لو واحد راح وسقط مرة ما يقولش اهو ياعم أنا روحت وعملت زي ما نصحتني وياريتني ما سمعت كلامك عشان سقطت هقوله وايه يعني أنا كمان روحت اول مرة وسقطت لكني صممت ما أدفعش رشوة وأروح وأتوكل على الله والحمد لله ربنا كرمني تاني مرة ونجحت فما حدش ييأس من رحمة ربنا ولا من كرمه المهم إنه فعلا يكون يستاهل، مش واحد ما بيعرفش يسوق ولا له فيها وعايز يطلع رخصة يبقى حرام عليه ولو سقط 20 مرة هيبقى اللي بيحصله طبيعي ولو نجح يبقى يسلملي على الرشوة أو الواسطة اللي نجحته

[agamemnon]

الف مبروك و ربنا يستر

[محمدعبدالكريم]

المشاركة الأصلية كتبت بواسطة medo40001 باذن الله بس الناس اللى ورايا انا خايف انهم يزعلوا منى ويخبطونى

1000 مبروك-وبجد ناخد بالاسباب اولا