لو حد جاب اللوجان وجربها ... يقولى اعمل اية

[ringoo]

المشاركة الأصلية كتبت بواسطة moustafa.peace بجد شكرا جدا استاذ رينجو بجد بحس انى بتكلم مع انسان فاهم اوى فى الرينو وشكلك فعلا بتعشقها بس لو سمحت ممكن تقولى على اسعار لتر البنزين من اول 92 الى 98 واسف للاطالة يارينجو باشا الله يخليك وشكرا على كلامك الجميل اسعار البنزين ... 90 ب 175 قرش .... 92 بـ 185 قرش ... 95 بـ 275 قرش ومافيش بنزين 98 فى مصر وانا سمعت من عضو انى لازم احول ال ام بى ثرى الى wav وتكون الاسطوانة اوديو عشان تشتغل على الكاسيت فهل الكلام ده صحيح الموضوع ابسط من تحويل الى امتدادات تانية للملفات كل ما عليك عمله انك حتفتح برنامج نسخ الاسطوانات وليكن النيرو حيظهر عندك اختيارات بتختار منهم make audio cd وتبدأ تختار الاغانى اللى انت عايزها وتعمل burn حتنتظر لما السى دى يخلص وبس بقى عندك سى دى اوديو

ربنا يباركلك فيها وتستمتع بيها فى الخير ان شاء الله

[حسام البورسعيدى]

العربية ممتازة جدا ..

وثباتها كويس جدا على الطريق والعفشة قوية وتتحمل طرق مصر وتعتبر اعلى اوبشنز فى فئتها السعرية ..

والفول اوبشنز منها فيها مرايات ضم و اير باج للسائق و كمبيوتر رحلات ..

واحسن حاجة فيها سعرها حوالى 68000 الف الفل اوبشنز ...

[elkhodary84]

السلام عليكم ورحمة الله
لو سمحت كنت عايز اعرف من الاخوة الاعضاء الى عارف و فاهم مش الى بيفتى ههههه هو فيه فرق بين السانديرو و اللوجان غير انها هاتشباك و سيدان و هل هى فعلا عربية كويسة و لا لأ و صوت ماتورها عالى مستفز و لا عادى مقبول عشان انا سمعت ان صوت ماتورها عالى مش معزول عن الصالون ياريت حد يفيدنى بس للمعاه العربية و فاهم فيها رجاء

[moustafa.peace]

المشاركة الأصلية كتبت بواسطة ringoo ربنا يباركلك فيها وتستمتع بيها فى الخير ان شاء الله

متشكر جدا يا استاذ رينجو وانت بجد انسان محترم معلش انا تقلت عليك ..... واقبل تحياتى
بس معلش اخر استفسار هى التانك بتاعها كام لتر وامتى ازود التانك بتاعها لما الموشر يعنى يقولى اية اسف بجد لان دية اول مرة اجيب عربية واسوقها وبصراحة مليش فى تكولوجيا السيارات

[ringoo]

المشاركة الأصلية كتبت بواسطة moustafa.peace متشكر جدا يا استاذ رينجو وانت بجد انسان محترم معلش انا تقلت عليك ..... واقبل تحياتى العفو يا استاذ مصطفى ولا شكر على واجب بس معلش اخر استفسار هى التانك بتاعها كام لتر وامتى ازود التانك بتاعها لما الموشر يعنى يقولى اية اسف بجد لان دية اول مرة اجيب عربية واسوقها وبصراحة مليش فى تكولوجيا السيارات

نظريا تانك البنزين بياخد 50 لتر لكن ممكن العربية تستعيب حوالى 60 لتر بالزور لكن لا افضل ذلك
افضل شيئ انك تمون قبل ربع التنك ما يخلص ممكن تحسبها على مؤشر البنزين يعنى تمون العربية لما توصل لاقل شرطتين
طبعا دى حركة وقائية علشان ماتعملش حمل على طرمبة البنزين لكن لو البنزين خلص منك بتنور ليك علامة فى التابلو زى اى عربية وبيكون فى حوالى 7 لتر ممكن تمشى بيهم حوالى 70 كيلو متر فى الزحمة او 100 كيلو طريق سريع
وان شاء الله حقولك على طريقة تعرف بيها فاضل كام لتر فى التنك بالظبط والعربية هى اللى حتقولك كمان