السيارة تقف فجاه

[inasfarouk]

انا متشكرة جدا على المعلومات القيمة دى.
وان شاء الله ها اوديها للميكانيكى وها الفت نظرة لموضوع فلتر الهواء والسيرفو
وشكراً

[inasfarouk]

شكرا على الرد
بالنسبة للأسئلة الموتور شغال كويس ولا لأ .........
فيه كذا واحد من اقاربى ساقوا العربية وقالو ان كل حاجة فيها كويسة ما عدا هذا العيب..(انها بتبطل فجاه عند لما بنكون ماشيين بالراحة ودايسين على الفرامل (فى الملفات أو فى الزحام)
وشكرا

[MFM]

انا العربية عندى بتبطل وانا برجع لوراء (مرش داير )
لما بدوس على الفرامل
واكون كاسر الدريسكون
هل دة برضة عيوب فى السيرفو

[حسام البورسعيدى]

المشاركة الأصلية كتبت بواسطة inasfarouk شكرا على الرد بالنسبة للأسئلة الموتور شغال كويس ولا لأ ......... فيه كذا واحد من اقاربى ساقوا العربية وقالو ان كل حاجة فيها كويسة ما عدا هذا العيب..(انها بتبطل فجاه عند لما بنكون ماشيين بالراحة ودايسين على الفرامل (فى الملفات أو فى الزحام) وشكرا

ممكن يكون عيب من البوجيهات لو بقالهم كتير متغيروش ..

واعتقد احتمال كبير فى فلتر الهوا .. لو مكنش يبقى الرشاشات ..


بس انا عندى سؤال اخير .. هل حرارة العربية بتبقى مظبوطة ولا فوق النص ..

لو الحرارة بتعلى عن نص الامبير وارد جدا تكون المشطلة بسبب الحرارة الزايدة ..

لكن على افتراض الحرارة مظبوطة ..

يبقى حضرتك تروحى للميكانيكى وقبل ما يلعب فى حاجة قوليله :

يكشف على فلتر الهوا ..

لو تمام يكشف على البوجيهات (يستحسن تغيريهم بنوع نضيف وانا عن نفسى بستعمل NGK وتمنهم حوالى 45 جنية) ..

لو كله تمام يبدأ بقى يدخل فى الانجيكشن (ينضف حساس البوابة و يشوف الرشاشات وكده) .. وانصحك لو الموضوع هيدخل فى الانجيكشن يبقى لازم ميكانيكى معروف وموثوق به ...




عموما خلى بالك معظم الميكانيكية بيحبوا يكبروا المشكلة علشان يخدوا فلوس اكتر .. فخلى بالك وخليه الاول يكشف على فلتر الهوا والبوجيهات قبل اى حاجة (على اعتبار ان فلتر البنزين جديد) ..


ومتنسيش حضرتك تطمنينا ايه الاخبار ...

[حسن حمادة]

السلام عليكم ممكن اقول ملحوظة لسيطة بخصوص تبطيل السيارة عند تبطئة العربية او فرامل عن المطبات او الملفات ممكن يكون عيب من 3 حجات اول حاجة اكشف على فلتر البنزين ممكن يكون فى شوية تراب بيسد الفلتر تماما وكدا يمنع البنزين وتبطل العربية تانى حاجة ممكن مضحة البنزين او الرداخ بايظ يحب يتغير تالت حاجة ممكن البيكات اللى فى الكربراتير مسدودة وتحب تتسلك كويس هما دول ممكن اسباب تبطيل السيارة عند المطب او الملف مع دوس الفرامل وشكرا