الماتركس كويسة ولا ......... ؟؟؟؟؟؟

[بيدو روما]

انا برده زى الاخ العضو محتارة وقدامى ماتريكس 2005 وعاى 57000 بس مش عارفة حتناسيبني وخصوصا اني سيدة ارجو الافاده

[sam ram]

المشاركة الأصلية كتبت بواسطة بيدو روما انا برده زى الاخ العضو محتارة وقدامى ماتريكس 2005 وعاى 57000 بس مش عارفة حتناسيبني وخصوصا اني سيدة ارجو الافاده

سيدات كتير بيسوقو الماتريكس ... بالعكس الماتريكس وضعيه الجلوس فيها و زاويه الرؤيا العاليه بتخلي سواقتها اسهل من العربيات السيدان
ده غير ان العربيه ابعادها مش كبيره برغم انها عاليه نسبيا لكن طولها 4,05 م

مع ان السيدات دلوقتي بقوا بيسوقو كل حاجه ... مش فاضل الا النقل

[ahmedsherif1990]

بعد التحية ق على ق و السلام
بما انى واحد من ملاك الماتريكس و فخور انى اركب عربية من اختيارى على الرغم من الكلام الكتير اللى سمعته من الناس (الفتايين)اللى مجربوش العربية احب اقول الاتى
1-العربية من تصميم المصمم الايطالى بين فيرين و هو برضه اللى بيصمم العربيات الالفا روميو الفيرارى و كمان عرفت انه صمم الاسبيرانزا m11 ولا داعى للحديث عن الايطاليين فى التصميم
2-عائلية ثم عائلية ثم عائلية وده مش كلام لان انا شخصيا كنت سايق و قاعد جنبى واحد و ف الكنبة الخلفية (القابلة للتعديل زى الكرسى الى قدام)كان قاعد امرأة و زوجها و طفلين فى عمر 12-15 سنةمرتاحين +العربية ما نزلتش غير 2 سم بس وده يخليها تتفوق على السيدان
3-الموتور DOHC 1.6L و بيولد 104 الى 106 حصان و استهلاك البنزين مثالى من 6.8 :8.00 لتر 100 كم حسب السواقة و الحمولة و حالة العربية
4-اماكن تخزين ممتازة وهم كالاتى
الشنطة 314 لتر (بيقولو عليها صغيرة مش عارف ليه)مع ان لو حركت الكنبة اللى ورا هنلاقى مساحة اضافية و لو طوينا الكراسى ورا هتبقى اكبر بكتيييييييييييييييير
تحت كرسى الراكب الامامى درج
تحت الكننب اللى وراءفى اماكن تخزين خفية
باالاضافة الى اماكن التخزين اللى فى الطابلوه
5-ودى مسالة اذواق على حكاية العداد اللى فى النص زى الياريس و مع انى اول ما شفت العداد و وضعيته السحرية و اضاءته القوية شدنى جداوده لانى بحب ابقى مختلف عن الاخرين -عيب شخصية بقى-بس الاشارات ولمض البنزين الفرامل والنور العالى و الابواب و الشنطة قدام السواق مش محتاج يبص هناك و لو العربية اوتوماتيك الغيارات هتبقى ادامه-و للامان بعد السرعة 120 هنلاقى علامة حمراء ع العداد اول م المؤشر ييجى عليهاهتعمل صوت زى صوت الباب اما يبقى مفتوح و الكونتاكت شغال
6-الامان مع ان العربية مافيهاش وسائد هوائية -الا لو خليجى-العربية امان برضوو دى عن تجارب -مكلفة-و الحمد لله بس حزام الامان فعال جدا عند الاصطدامات
7-قطع الغيار رخيييييييييييييصة و مرطرطةو التوكيل مش وحش اوى ولا حلو اوى بس شغال
8-سعر اعادة البيع ممتاز
9-اما عنن العيوب من وجهة نظرى انها العفشة ناشفة شوية بس عمرها طويل و بتوفر ثبات كويس للعربية لو اعتبرنا ده عيب و لانها مش اوتوماتيك انا شايفها حلة جدا و مافياش مشاكل الاوتوماتيك هو اللى فيه مشاكل و السححب بتاعة مش مناسب لاستعمال رجل زيي بس ينفع للسيدات
و ناسف للاطالة و لو فى اى استفسار انا موجود

[Badr Salah]

المشاركة الأصلية كتبت بواسطة ahmedsherif1990 بعد 9-اما عنن العيوب من وجهة نظرى انها العفشة ناشفة شوية بس عمرها طويل و بتوفر ثبات كويس للعربية لو اعتبرنا ده عيب و لانها مش اوتوماتيك انا شايفها حلة جدا و مافياش مشاكل الاوتوماتيك هو اللى فيه مشاكل و السححب بتاعة مش مناسب لاستعمال رجل زيي بس ينفع للسيدات و ناسف للاطالة و لو فى اى استفسار انا موجود

كل الكلام ده زي الفل ما عدى الحته رقم تسعة

الاوتوماتك مناسب جداً وعملي وسحبة كويس ومريح جداً جداً
وبيناسب الرجالة الهادية اللي مركبة عيلة وكمان الشباب المجنون اللي بيجري

علي العموم العربية محترمة وعملية جداً وكل العيوب اللي الناس بتتكلم فيها
هي شكلها مش حلو والعدادات في النص وكلام فشنك زي ده

الماتركس عربية بتاخد شكل اللي راكبها

[ahmedsherif1990]

المشاركة الأصلية كتبت بواسطة Badr Salah كل الكلام ده زي الفل ما عدى الحته رقم تسعة الاوتوماتك مناسب جداً وعملي وسحبة كويس ومريح جداً جداً وبيناسب الرجالة الهادية اللي مركبة عيلة وكمان الشباب المجنون اللي بيجري علي العموم العربية محترمة وعملية جداً وكل العيوب اللي الناس بتتكلم فيها هي شكلها مش حلو والعدادات في النص وكلام فشنك زي ده الماتركس عربية بتاخد شكل اللي راكبها

متفق معاك فى المبدا استاذ بدر ولكن انا شخصيا لو ربنا رزقنى برولز رويس هتبقى مانيوال
متعتى فى السواقة هى الاحساس بقدرة المحرك و الاتوماتك لا يعطينى هذا الاحساس و انا برضه صاحب عيلة مش شاب من اللى بيفركو بالعربية و يأمرك بيها و خمسات وكده بالعكس انا سواقتى تتفق تماما مع الطرق المصرية اللى بتجبر الواحد انه يمشى براحته
و شكرا على التفاعل و الاهتمام بالمشاركة