لا صوت يعلو علي ..... (مقابله مصر موتوزر الكويت)

[sam ram]

الحمد لله انكم ابتديتو بميتسوبيشي الاول ...
مش حقول اكتر من كده

[Ahmed Anwer]

ربنا يسامحكم

[mamelgadah]

ايه وهم المرسيدس ده
يخربيت كده وام التعقيد اللي عايشين فيه

[bmkbmk]

دشششششششفففففففوووووووووو وووووووووووووووووووووووم ففففففففوم ففففففففففوم فففففففففففففوم

بعد اعتذااارى عن التأخير فى الرد لظروف خارجة عن ارادتى

اقدر اقول لكم ان هو ده الصوت اللى مسيطر على دماغى بقاله48 ساعة بعد الجولة العظيمة مع شريف باشا اول امبارح

وخلونى اتكلم عن الصوت فى وقته علشان الترتيب مع ان شريف باشا كعادته مابيسيبش كلام للواحد علشان يقوله .. لكن انا هحاول اكلمكم عن احساسى مش هتكلم عن

مواصفات و كماليات

بدأت الجولة فى تمام الساعة الرابعة و النصف عصرا و عدى عليا شريف باشا و بعدين رحنا جبنا صديقه الاستاذ محمد سمير اللى شرفنا فى الجولة امبارح و طبعا اتجهنا الى منطقة

الرى و التى يوجد بها معظم توكيلات السيارات و كنا مظبطين اننا هنروح ميتسوبيشى و فولكس و اودى و مرسيدس لرؤية تحفهم الجديدة و بدأنا بتوكيل ميتسوبيشى علشان نعرف

ننبهر بعربيتهم الجديدة ASX لأننا لو خليناه للآخر أكيد مش هننبهر خااالص

المهم العربية فعلا عرفت تبهرنى مع انى كنت رايح و عامل حسابى على العكس الا ان ميتسوبيشى عملت العربية دى باحترافية العربية مع ان حجمها صغير الا انى كنت قاعد جوة

بمنتهى الراحة و حاطين فيها شوية اوبشنز جامدة جدا بصراحة مع الموتور القوى كمان .. فعلا حازت على اعجابى جدا جدا و اكتر بكتير من الاوتلاندر اللى كانوا حاطين فيها

مقدمة الشارك.. و طبعا العربية بأبعادها مناسبة جدا لطرق و شوارع مصر

و بعد ميتسوبيشى انطلقنا الى اول الوحوش الالمانية فولكس فاجن لرؤية كل من الطوارق الجديدة و الفيتون الجديدة أول ما وصلنا لقينا 3 وحوش رباعية الدفع تكشر عن انيبها بجسدها الرشيق الجديد اللى راح الجيم 7 سنين و طلع فى منتهى الروعة .. و على فكرة الصور مش كفاية و حتى النظرات العابرة مش كفاية يلزمك كى تتعرف على الوحش الجديد الكثير من التركيز و التمحص و الرؤية من جميع الزوايا و لما تفتح الباب وتلاقى التابلوه اللى فى منتهى الشياكة الذى تتوسطه الشاشة الكبيييرة التى يتم التحكم من خلالها بالكثير و الكثير من الاوبشنز الجديدة فى العربية و ابرزها طبعا ان العربيةمن اقل الى اعلى فئة ... مزودة بأربعة كاميرات تضمن للسائق صورة بانورامية حول السيارة بالاضافة الى حساسات الركن التى اصبحت على ما يبدو (اوبسيليت تكنولوجى) و طبعا رسم المسار فى الشاشة للركن من خلال الكاميرات و شوية افلام هندى مترجمة الى اللغة الألمانية
و لما حضرتك تبص لباب العربية تلاقى المقبض الكروم الالمانى .. (الشياكة تعنى البساطة ) و الازرار الخاصة بالميمورى لكرسى السائق التى لا تكاد ان تظهر من اختفائها باحترافية فى ديكور الباب الداخلى (الشياكة تعنى البساطة ) و بعد ما امتعانا عيونا و عقولنا بالوحش الجديد نكد علينا شوية ان الفيتون الجديدة لسة مانزلتش بس حمدنا ربنا على كدة و قررنا نتجه الى التوكيل التالى .... مممممرررررسسسسسيييييددددد دسسسسس ,,, و لكننننن كيف نمر بالوحش الرياضى الالمانى بورش ولا نلقى على الاقل نظرة سريعة على الموديلات التى نعرفها جديا و لا نمل من رؤيتها و التمتع بتصميماتها الفذة و كأنها لوحات فنية تمشى على اربعة عجلات

و كان فى انتظارنا مفاجئتان لوحتان فنيتان بنكهة ذوقية جديدة تخطف القلوب و الابصار و اكيد (الآذان) لو سمعت زئير محركاتها المتوحشة ..
و كانو الوحشين هما كايين تيربو باللون البترولى خارجا و اللبنى الخزعبلى داخلا فى توليفة لا يقدر عليها الا فنان حقيقى و جرأة لا يقوى عليها الا الوحش الالمانى و بعد التسمر امام الوحش و تجربة الركوب فى المقاعد الامامية و الخلفية و الحسرة على اننا فى خلال دقائق سوف نتركه و نذهب لمكان آخر

و إذا بالمفاجأة الاخرى الا وهى الوحش الانوى ذو الستة سلندرات الفذة التى تقوم باخراج 450 صافية عند اطلاق جماحها الا ز هى الرائعة GT3 RS و التى يعلوها من الخلف السبولير الكاربون فايبر ذو الشكل المميز و يبدو من داخل السيارة مواسير القفص الداخلى لحماية السائق و التى تذكرك على الفور بسيارات الفورميولا 1 و الراليات الاوروبية ... و طبعا كان فيه كام تحفة بانيميرا و اقفين يستعرضوا عضلاتهم و غادرنا و الدمعة هتفر من عنينا و على فكرة اقل سعر كان ارنب مقفول (من غير جمارك) و صباح اللى بتغنى ... ههههههه

ثم انطلقنا الى المعرض التالى الوحش الالمانى ذو الربعة معجزات المتداخلة اودى عريقة الاصول و كنا متوقعين رؤية السفينة الفضائية الجديدة A8 موديل 2011 و لسوء حظنا لم تكن السفن التى ستخظى بشرف حملها الى الاراضى الكويتية قد وصلت بعد و امامها ما يفوق الشهر الميلادى كى تصل من بلد العجائب (المانيا) فا خدنا جولة سريعة على الوحوش الموجودة Q7 , RS6 , R8 و بعض الوحوش الاخرى على وعد بلقاء قريب مع الوحش المرتقب ....

ثم ثم ثم كان دور النجمة الثلاثية و التى لا يجرؤ اكثر النقاد حذاقة الا على ان ينبهرر و كنا على موعد للقاء فاتنة الفاتنات التى تجمع بين الفخامة المطلقة و الاداء الرياضى الفذ بمقدمتها الجميلة بعد عملية شد الوجه التى جعلتها فى أن واحد اكثر شياكة و اكثر شراسة من سابقتها و كن من حسن حظنها انها ليست الاصدار العادى و لكنها الاصدار المميز CL 63 AMG الجميلة الشرسة و كان يقف بجانبها الوحش المجنح SLS باللون الخزعبلى المطفى الجديد و الذى يدل على التميز و يخطف الابصار بدون تردد و كان من المفارقات اللطيفة ان الوحشين بنفس السعر و هو 60 الف ديناركويتى ما يوازى مليون و مائتى الف جنيه مصرى (بدون جمارك) و طبعا طرح السؤال نفسه لو معاك الفلوس دى تجيب مين فيييييييهم ؟؟؟؟؟؟؟ و كانت الاجابة غير المتوقعة من كل الناس CL طبعا ... حيث انها تجمع بين الفخامة و الرياضية و ليست رياضية بحتة .....كنت على الاقل متوقع تضارب فى الآراء

ثم لمحت وراء الستاند فى المكان المخصص لمايباخ السفينة الحربية ... كانت تقف غواصة بحرية جديدة الا وهى SL AMG BLACK SERIES

ايوا هى .. اللى بتجى فى التليفزيون دى و تمنها 110 الف دينار كويتى يعنى تقريبا ضعف تمن SLS ..... ههههههه الناس دى معاها قوى

ثم دخلنا الى قسم التسليم لأن شريف باشا لمح E class ذات عشرين باب ليموزين كدة جاهزة للتسليم و يقف بجانبها الوحش الجديد للتسليم ايضا ولكن الفاجأة انها الاصدار الاقوى على الاطلاق CL 65 AMG و التى اتحفنا صديقنا الاستاذ احمد حبيب الذى يعمل بمرسيدس الكويت بتشغيلها امامنا و التى سمى الموضوع باسمها و على فكرة الفيديو المرفق لا يظهر الا 5 % من الحقيقة التى تشعرك بأنك قد دخلت الحرب العالمية الثالثة عندما أذنت لعامودى الكامات التى تحرك الاثنى عشرة سلندر و الثمانية و اربعون صباب و شاحنى التربو الذين لا يعرفان الرحمة فى سحب الهواء و تحويله الى طاقة حركة تزويدية جبارة

تفكرك بالرايخ الالمانى الله يرحمه
و كان فيه سيارة وحيدة هايبرد (ثنائية الوقود) كهرباء و بنزين و لكنها لم تحظى بالاعجاب فى الكويت مع ان الاستاذ احمد قالنا معلومة غريبة ان سيارات الهايبرد فى سوريا تدخل بدون جمارك ... تفتكرو ده ممكن يحصل فى مصر فى يوم من ذات الايام ؟؟؟؟؟؟؟؟؟؟


و طبعا كان المفروض يبقى ده مسك الختام بس قولنا بقى بجملة التعقيد تعدى على بى ام و فى الطريق من مرسيدس الى بى قام المدعو حورس المنسى الالمانى بفرد عضلاته البرشاوية امام صديقنا محمد سمير لأنه اظهر بعض الاستهانة بالوحش الالمانى فقام بتشغيل الوضع الرياضى و انطلق الوحش من الثبات بعد ان ايقظ احصنته ال 385 و راح يزأر فى الشارع ذو الحارتين مكملا المغامرة ببعض الغرز المتقنة على سرعات جنونية لحد ما انا نفسى بدأت افقد اعصابى ..ههههه و التعليق الوحيد الذى يقال .... ما شاء الله لا قوة الا بالله ... ربنا يبارك لاخونا شريف باشا فى عربيته بجد ما شاء الله ولا يعلى على الالمانى

ثم دخلنا الى توكيل بى ام و اتفرجنا على بعض التحف الالمانية الاخرى و قد لاحظنا وجود السيارات الهايبرد ايضا مع سياراتان من العملاق الانجليزى رولز رويس من طرازات (جوست) و (فانتوم دروب هيد)
و طبعا كالعادة اقرينا و بصمنا بالعشرة فى توكيل بى ام انه (لو فاتك الالمانى .. مش هيجيلك تانى )

ثم انطلقنا فى نهاية الجولة الى بيوتنا و نحن نحلم بصوت الزئير الالمانى الذى تلمك عقولنا ... لحظة لحظة .. ايه ده .. ده مش حلم دى حقيقة دا فيه زئير المانى فعلا مش تخيلات الايه ام جى .. دى بورش GT3 RS زى اللى لسة شايفينها من شوية عمالة تجرى و تحرق و طبعا شريف باشا فتح لنا زجاج السيارة كلى يدوم الاستمتاع اكبر مدة ممكنة قبل ان يختفى الوحش فى الافق بالغرز الخزبعلية اللى تحس فيها ان العربية لازقة فى الارض بسوبر جلو ....

و اخيرا اشكركم لصبركم معايا و انا رايح احط صوت الوحش رنة لتليفونى ..... فففففففففففففنننننننننننن ننننننن

[horas3000]

تسلم الايادي يا كيمو باشا
و تصور اني نسيت اذكر فعلا اننا عدينا علي الاودي و البي ام
معلش بقي ..... تقريبا دي اثار الصدمتين
الاولي صوت المرسيدس
و التانيه اني كتب الموضوع ده كله و مسحته بالغلط و اللي انت شايفينه ده النسخه التانيه و اللي سقط منها سهوا بعض التفاصيل و اللي انتو لله الحمد ذكرتها

و يا ريت الناس اللي اتعقدت و جالها حالات نفسيه من الموضوع
بتخيلوا نفسهم وجها لوجه مع الوحوش ده و يقدروا شعورنا بيبقي ازاي
و خصوصا شعورك تجاه عربيتك و انت راكبها و مروح بعد ما تكون شفت الكلام ده