محتار بين ثلاثة

[سمارت وير]

أخي الكريم .. معلش مردتش عليك بسرعة علشان النت كان فاصل بقالة ثلاثة أيام

[hazem_khidr]

الكورولا منزله فيس ليفت جديد لموديلات 2011
شكلها معقول و كويس غير اعتماديتها المذهله
الالنترا عربيه كويسه لكن الشكل الجديد حيبقي غالي
السيراتو علي الرغم من اشتراكها في قاعده العجلات مع الالنترا الا ان الالنترا افضل
بالنسبه لكون السياره مانيوال او اتوماتيك دي حاجه ترجع ليك و افضليه قياده احداهم

[mohamedkamel8677]

المشاركة الأصلية كتبت بواسطة سمارت وير إخواني الكرام أنوي بإذن الله شراء سيارة و محتار بين ثلاثة سيارات أرجو مساعدتي في المقارنة بينهم من جميع الجوانب ( معلش ) و السيارات حسب ترتيبي الشخصي لهم كالآتي : 1- إلنترا ( و يا سلام لو لحقت الشكل الجديد ). 2- كورولا ( رغم المبالغة في سعرها ). 3- كيا سوناتا. فهل هناك من يساعدني أو حتى يدلني على موقع يقوم بالمقارنة بينهم ؟

تويوتا كورولا سيارة ممتازة و عملية جدا و فيها ماتور كلة من من الالمونيوم يعنى اعطالة قليلة جدا جدا و اقتصادى و قطع غيار متوفرة و رخيصة لكن يعيبة ان بودى العربية ضعيف و الباروما بتمشى فى اليابانى بسرعة لكن انا ارشحلك الكورولا و بعدها الكيا و الكيا برضة عملية جدا لكن تقنية ماتورها معقدة شوية يعنى مش اى حد يعرف يشتغل فيها

[مهند سالم]

أنا مش عارف حضرتك دخلت الكرولا مع العربيتين دول ليه في المقارنة. حضرتك لو مش فارق معاك فرق السعر يبقى مفيش وجه للمقارنة مبدئيا، ما حدش يقارن بين الكرولا وبين السيراتو أو الالنترا.
ثانيا من حيث السيراتو والالنترا أنا أفضل الالنترا، رغم إن الاثنين تقريبا الفرق بينهم طفيف، لكن عفشة الالنترا تكسب، وبرده جودة التقفيل الداخلي.
ثالثا، لو أنا إلا هأشتري هأجيب ومش فارقة معايا الفلوس يبقى الكرولا، تليها الانسر، تليها التيدا، تليها التريوس.
لو هأشتري وفارقة معايا هأجيب الصني طبعا.

[سمارت وير]

الصني ... خيار وجدت من يؤيده كثيراً بالمنتدى ( خاصة موضوع الأمان ) لكن كل سلبياتها التي عرفتها من الأعضاء هي عفشتها و صالونها مش واسع كفاية ، و دول عنصرين مهمين عندي