وقف تراخيص السيارات فى القاهره الكبرى

[MEMOO_1ST]

ههههههههههههههههههههههه انا اول لما قريت العنوان اتبسطت بس لما لقيتها خدعة زعلت تاني.
ياريت فعلاً بس المشكلة بردو الناس الي مش عندها عربية والعربية بالنسبالها حلم تعمل اية.
هوا الموضوع عاوز حل بس يكون منطقي ويارب نعيش لحد لما نشوف مشكلة المرور في مصر بتتحل.

[hazem_khidr]

مصدر الخبر لو سمحت؟؟

[احمد على 1999]

المشاركة الأصلية كتبت بواسطة hazem_khidr مصدر الخبر لو سمحت؟؟

انت مخدتش بالك يا استاذ حازم
احلام اليقظة

[طارق فاروق]

المشاركة الأصلية كتبت بواسطة خالداعزالناس لا استحاله يطلع قرار بالكلام دا لكن فى ظبط وربط كتير ممكن يتعمل بسببه تلاقى الشوارع منظمه

أنا معاك إن إستحاله يطلع قرار بالكلام ده أمال أنا بقول ليه أحلام اليقظه بس لو بسطنا الموضوع هتلاقى إن أى حاجه فى الدنيا ليها نسبة تشبع من صفر إلى 100 % حتى الهوا اللى بنتنفسه فمثلا البالونه بتتمدد كلما نفخت فيها زياده إلى حد معين و بعدين تنفجر مع إن البالونه عندها خاصية التمدد و شوارعنا زى ما إنت عارف بتضيق ما بتوسعش يبقى كم مبيعات السيارات ده هيروح فين إلا إذا عملت إحلال و أظن كلنا متفقين إن الشوارع وصلت لمرحلة التشبع و زياده يبقى الحل إن العربيه اللى تتكهن عربيه جديده تاخد مكانها علشان تفضل حالة الشوارع بالحاله الجميله اللى إنت شايفها النهارده و كل ما يتأخر القرار كل ما الأختناق هيزيد و بدل ما بتوصل شغلك فى ساعتين النهارده هتوصله فى 3 و 4 ساعات و أنا كنت قريت مقال بيقول إن القاهره و الأسكندريه هيبقوا جراج كبير إذا لم تتم إتخاذ قرارات جاده للقضاء على المشكله وده فى خلال سنتين حسب المقال بس أنا بقول قبل كده كمان و فرضا لو طلع قرار زى كده ما باقى المحافظات مفتوحه و إحنا مش هنغلب هنقوم مطلعين بطاقه رقم قومى بعنوان جديد على أى محافظه تانيه و مرخصين برضه و يجعله عامر .

[طارق فاروق]

المشاركة الأصلية كتبت بواسطة MEMOO_1ST ههههههههههههههههههههههه انا اول لما قريت العنوان اتبسطت بس لما لقيتها خدعة زعلت تاني. ياريت فعلاً بس المشكلة بردو الناس الي مش عندها عربية والعربية بالنسبالها حلم تعمل اية. هوا الموضوع عاوز حل بس يكون منطقي ويارب نعيش لحد لما نشوف مشكلة المرور في مصر بتتحل.

الناس اللى معندهاش عربيه تقدر تشترى من المستعمل أو تقدم طلب فى المرور على نمر الإحلال و ترخص عربيات جديده