انا رايح اشترى دستر الجديدة من رينو

[melgazzar]

انا كنت ناوي اشتريها بس لم اجد احد بيشكر في (خدمة التوكيل) عندنا في الشركة عدد 2 رينو ميجان موديل 2007 عطلانين و الشركة قررت عدم استخدامهم لانهم غير امنيين على الموظفين بالاضافة الى الطابور الطويل في التوكيل, السيارة الداستر لم تجرب بعد في مصر و حتى بعد التجربة يبقى التوكيل و الى الان لم اجد نفس الامكانيات بنفس السعر وشكرا

[ibn-sina]

يمكن الرد متاخر لكن انتبه العربيه من الداخل لوجان يعني غيارات رخيصه وموجوده والموتور سهل اتكل علي الله واشتري والف مبروك

[كوكى23]

حاول تشوف كل الماركات الثانيه حتى لو اشترايت استعمال نظيف اهو برضو تبقا خدت فكره وبعد كده قرر ولازم السياره تبقا بضمان الوكيل احسن وربنا يبارك للك ويكفيك شرها

[pointer]

المشاركة الأصلية كتبت بواسطة POP EL GAMED طيب طلاما حضرتك لسه قايل ان اللوجان اتهضمت شويه ليه مبتقولش كده عن الداستر اللى هى النسخه ال 4wd من اللوجان مع اختلاف الشكل الخارجى العربيه من جوه تعتبر واحد والعفشه فيها تغيرات طفيفه لكن نفس الصالون ونفس المواتير اللى كانت بتنزل فى اللوجان ال MCV يعنى مهياش تكنولوجى عالى و ياخوفك اللى بتقولها فى كل مشاركاتك فى قسم رينو الموتور ده نزل فى الميجان 1 موديل 2000 واتعدل وبقى بقوه ال110 حصان وبقى 16 صباب بدل 8 يعنى عدلوا الموتور والفتيس فتيس جديد تماما (وبرضه ملحوظه مهمه جدا الميجان 1 مكانش فيها اى مشاكل ومكانش ليها اعطال مشهوره زى الميجان 2 بالنسبه للكويلات) واحب اعرف منك فيه ايه موجود غير الداستر وفى نفس السعر اللى اعرفهم هما التيجو ال2000 اوتوماتيك وطبعا معروف انه اوتوماتيك صينى وكمان 2000 يعنى استهلاك بنزين وضريبه ثانيا هى التريوس اللى قطع غيارها نار على حق ربنا ومش موجوده فى اى حته غير فى التوكيل ويحضرنى موقف للدياهاتسو واحد صاحبى معاه سيريون موديل 2000 فانوس مطوس وفانوس اتشرخ قال يغير الاتنين لف فى كل حته مفيش روح التوكيل شوفهم يلاقى الفانوس ب1000 جنيه يقولى طيب انت عارف انى ماليش فى اللف على بتوع الاستيراد اسألى انت اروح اسأل الاقى الفانوسين استيراد تمنهم حوالى 1500 ولما تيجى هنظبط السعر يعنى الفانوس استيراد تقدر تقول فى حدود ال650 مثلا لو رحت تشرى فانوس ميجان 2 استيراد هتلاقيه فى الحدود دى وهى عربيه احدث بكتير مشا اقل من 6 سنين ولا حاجه فانوس فيه موتور لتحريكه يبقى ايه رأيك فى قطع غيار عربيه موديل 2000 لاهى موجوده غير فى التوكيل ولما تبقى موجوده استيراد تبقى بالمبلغ ده ياريت حضرتك تتأنى فى تقديم النصيحه لغايه ما تحصل على قدر يؤهلك انك تقدمها لانك هتتحاسب على النصيحه دى يوم القيامه اما بحسنه او بسيئه

والله يا بوب كلامك جامد بجد
كل كلامك صح بس هل في اعتقادك انها داتشيا فعلا طب ما هي داتشيا اتباعت لرينو و التصاميم من التسعينات رينو واصلا داتشيا بنت رينو دي حاجه
توليفه داتسيا رينو نيسان زي ما هي ممكن ترفع من امكانيات و قدرات العربيه زي ما هي مكن تخسف بيها الارض
رايق رفعتها ولا نزلتها