شباب المنتدى الجميل

[eng_ahmed_90210]

المشاركة الأصلية كتبت بواسطة حسين122 الله يفتح عليك هيه دي الخطوه المطلوبه مشوار لحد بتاع قطع غيار و اساله تفتكر بتوع قطع غيارالبيجو مكان تجمعهم فين ؟؟

ممكن تروح الحرفيين
و ممكن تروح شارع التوفيقيه
و شارع دمشق و تسأل و ربنا يساهل

[Mr V.I.P]

خليك فى البيجو لأنها بجد عربيه تحفه جدا جدا

[Nour_peugeot]

بص يا سيدي عشان متظلمش نسك او انا اظلمك

هنتكلم بالعقل واحده واحده و من الشفته كمان هشرحلك بالتفصيل و حضرتك عليك الاختيار


البيجو 307

1600 سي سي 110 حصان 162 نيوتن (العزم) اوتوماتيك او مانيوال

العربيه كبيره و تقيله نسبيا 0-100 في 15 ثانيه في الاوتوماتيك و 12 ثانيه في المانيوال

العربيه فخمه جدا و عيوبها اقل من ال xt لسبب لانها نزلت بعد ال xt ما نزلت

العفشه في الامام ماكفرسون و في الخلف وصلات متعدده مميزات هذا النظام من العفشه

توفي الراحه الاكبر للركاب و زياده الثبات علي الملفات

التكنولجيا العاليه ليها ضريبه بمعني ( محدش هيجيب عربيه كان تمنها 180 الف مثلا و هيلاقي قطع غاير برخص التراب هتلاقيها غاليه نسبيا بس بتعيش
الزجاج البانورما مش هيتكسر متخفش لانه من ماده ضدد الكسر
الامان العربيه فيها 4 ايرباج
و abs + ebd
و جنوط 16
مرايات كهرباء + وجاج كهرباء + مالتي فانكشن + حساس ركن خلفي
و تكيف كويس و عربيه برستيج عالي و واسعه معا واحد صحبي هي و لما نيجي نخرج بنركب فيها 8 والله و كله بيبقي واصله التكييف و تمام التمام لسه بس من 4 شهور بس من كام يوم كده جابت قاعده فتيس علشان الواد بيشد كتير و جاب القاعده و ركبها بره التوكيل طبعا ب 420 جنيه

الكيا الكارينز

عربيه جديده طبعا بس في فئه مختلفة خالص

1600 سي سي 122 حصام و 153 نيوتن العزم

اوتوماتيك 0-100 في 14 ثانيه و المانيوال في 11 ثانيه

العفشه في الامام ماكفيرسون و في الخلف تعليق متصل (دنجل ) عندي في ال 205 و ال 405

بيعيش جدا بس عيبه بيحسسك بالمطبات جدا و ثبات حلوه الطوالي

التكيف مجربتوش صراحه بس اكيد هيكون قوي

الكماليات

جنوط
4 زجاج كهرباء + مرايات كهرباء

الخليجي بتزيد بقي في

2 اير باج + abs + فاميه خلفي + مالتي بس ب 130 تقريبا

و كده يبقي مفيش توكيل عشان خليجي


نقارن بقي في الصيانه التوكيل بتاع بيجو دلوقتي بيطور من نفسه بعد الشراكه الدخلها
و قطع الغيار كلها متوفره برده و الصنايعيه البيشتغلو فيها موجودين كتير

الكيا اي حد ممكن يشتغل فيها و قطع غيارها هتبقي اقل من البيجو بحجات بسيطه


لو يهمك ال اعاده البيع و قطع الغيار الرخيصه نسبيا و الوسع الداخلي

يبقي كارينز

لو يهمك الفخامه و الرفاهيه و الامان و الوسع برده يبقي توكل علي الله في البيجو

و اكيد صلي صلاه استخاره الاول و لو هتاخد البيجو اكشف عليها كويس

[حسين122]

الله يجازيك كل خير يا نور باشا
بس و الله حصل موضوع غريب
انا طبعآ هأموت ع ال 307
و كنت ناوي اجيبها قسط من كونتاكت
همه فتحوا باب التقسيط للمستعمل
قلت ادفع 30 و اقسط الباقي
ما اعرفش ايه الي حصلي
صحيت الصبح و انا مقرر و باصرار اجيب كريستاله كاش ف حدود 50 الف
انا متردد جدآ بس انا مش من النوع الي بيغير عربيه كل كام شهر
و تقيله على نفسي موضوع التغيير ده
و على الرغم من حبي و تعلقي الشديد بالبيجو 307
فضلت احسم الموضوع و اشتري كرستاله و اريح نفسي من القلق الرهيب الي كنت فيه
و ابتديت بالفعل ادور على كريستاله
و من كام ساعه كد كلمت واحد اعرفه
و حصل الآتي
http://www.masrmotors.com/vb/showthr...485#post237485
بصراحه يا استاذ نور انا مش عارف اشكرك اذاي
ده انا حتى كلمت واحد عارض 307 بانوراما و حدد معاه معاد عشان اشوفها
انا عارف اني متردد جدآ و تعبتكم معايا
معلش
ربنا يجازيكم كل خير

[Nour_peugeot]

تحت امرك و ربنا يزقك بالفيه الخير ان شاء الله