|
#6
22-08-2010, 02:54 PM
|
|||
|
|||
رد: مشكلة فى البوجيهات والبنزين
بسم الله الرحمن الرحيم
بص يا باشا مفيش علاقة بين الكربراتير و الفقاقيع اللي بتطلع من الرادياتير لان الفقاقيع دي لو بتطلع علي طول الميه بتتقلب كده و بيخرج هوا ده معناه ان جوان وش السلندر عندك عايز يتغير لانه بيدخل هوا علي الفارغة بتاعة الموتور او ان وش السلندر نفسه عايز يتمسح علي المخرطه و دي حاجه تخلي البوجيهات شبة معرقه ميه كده او مرطبه و لونها بني اما معني انها محروقه فده معناه ان نسبة الحريق بالموتور عالية يعني المخلوط من البنزين كتير و كده يبقي هتشوف الكربراتير ممكن تكون بوابة السرعة بتعلق و تفضل مفتوحه علي السلانسية بس ده اكيد كنت هتحسه لان العربية كانت هتبقي عالية او بمعني آخر الموتور صوته هايج و كمان الشكمان بيطلع دخان كتير اسود و العربية مش مظبوطه و ده حله سهل هتروح لواحد بتاع كربراتير هيغير لك اكسات و بوابات و بكات سرعه و سلانسية او تجيب كربراتير جديد افضل و نصيحه لما تعمل كده غير طقم كهربا بالمرة ابلاتين و كوندنسر و اسلاك بوجيهات مش هيكلفوك كتير حوالي 6 كوندنسر و 14 ابلاتبن و 25 طقم اسلاك بوجيهات و لو في امكانك تغير البوبينه كمان يكون احسن هيه في حدود 60 جنية و كده تكون انتا قضيت علي المشكله تماما و ده هيوفر لك في البنزين اكتر مما دفعت لان انتا بتقول العربية 1100 سي سي يعني المفروض ماتعملش اقل من 275 كيلو في الصفيحه لو مظبوطه و اي خدمة م - سامح ليله
__________________
امتلك ماشئت ستذهب كما جئت 
|
|
#7
22-08-2010, 03:11 PM
|
|||
|
|||
|
رد: مشكلة فى البوجيهات والبنزين
هو قبل ما اروح للميكانيكى صوت الموتور كان عالى بس دلوقتى رجعت للطبيعى وصوتها بقى هادى فأنا ممكن لما اروح لبتاع الكربراتير اخليه يأكد على كل شىء واللى محتاج يتغير اغيره أما تغيير الكربراتير كله فصعب اليومين دول ، بس كنت عايز اعرف تغيير الحاجات دى تتكلف حوالى قد ايه ؟
بالنسبة لطقم الكهرباء ايه فايدته وايه علاقته بمشكلتى ؟ معلش أنا اصلى بحب افهم الدنيا ماشية ازاى . وشكرا ليك على ردودك يا بشمهندس سامح
|
|
#8
22-08-2010, 03:17 PM
|
|||
|
|||
|
رد: مشكلة فى البوجيهات والبنزين
بسم الله الرحمن الرحيم
تغيير طقم الكهربا بيضمن ان الشرارة تكون مظبوطه في ميعادها و قوتها علشان الحرق يتم مظبوط و ماينتجش عنه دخان يتراكم علي سن البوجيه او بنزين نيء يخلي البوجيهات ترطب و تكلفت ظبط الكربراتير بالكامل حوالي 75 جنية تغيير بوابات و اكسات و بكات و مصنعية و الباقي حوالي 100 جنية شامل تمن البوبينة و من غيرها حوالي 35 جنية يعني اعمل حسابك بالكتر خالص علي 200 جنية بالمصنعيات و لو ظهرت حاجه و انتا شغال و الجوانات بتاعة الكربراتير و كده و تمن الكربراتير عموما جديد في العربيات الفيات و غيرها من 200 جنية لغاية 650 جنية تقريبا و اي خدمة م - سامح ليله
__________________
امتلك ماشئت ستذهب كما جئت
|
|
#10
23-08-2010, 04:25 PM
|
|||
|
|||
|
رد: مشكلة فى البوجيهات والبنزين
طالما كهربا العربيه مش مظبوطه لاي سبب
هيبقي استهلاك البنزين بزياده ملحوظه و هيحصل حرق غير كامل للبنزين ده غير ان السحب هيبقي مش كويس عموما نضف الكاربيراتير و الفلاتر و غير طقم الكهربا بالكامل و البوجيهات و ان شاء الله العربيه هترجع تمام
|
 |
|
|
