هبوط أرضي يشل المرور بالإسكندرية

[Injection]

المشاركة الأصلية كتبت بواسطة الكشفى بص يا سيد احنا كنا على علم بكل اللى حصل وعلى علم بكل بيت واصل بالماسورة وعارفين كل فرد تسببت فضلات الصرف الصحى انة يكسر الماسورة وعلية تم تشكيل لجنة مكبرة مهمتها الاولى فرز المتسببين ومراقبتهم والقبض عليهم متلبسين ( وخلى بالك من متلبسين ) وانشاء الله هيتم علاج الماسورة المكسورة ووضعها فى الجبس وشكلنا لجان فرعية تنبثق عنها لجان مختصة ولان اهتمام الدولة كبير بالمواطن اختصت اللجان بعمل لجان منبثقة لحل مشاكل المواطنين المتضررين وتحميلهم نفقات الاصلاح علشان هما المتضررين وفوت علينا بكرة يا سيد

هههههههههههههههههه, أكيد سبب الكسر كان مختل عقليا أو ماس كهربائى.

[mautaz mouhamed]

المشاركة الأصلية كتبت بواسطة الكشفى بص يا سيد احنا كنا على علم بكل اللى حصل وعلى علم بكل بيت واصل بالماسورة وعارفين كل فرد تسببت فضلات الصرف الصحى انة يكسر الماسورة وعلية تم تشكيل لجنة مكبرة مهمتها الاولى فرز المتسببين ومراقبتهم والقبض عليهم متلبسين ( وخلى بالك من متلبسين ) وانشاء الله هيتم علاج الماسورة المكسورة ووضعها فى الجبس وشكلنا لجان فرعية تنبثق عنها لجان مختصة ولان اهتمام الدولة كبير بالمواطن اختصت اللجان بعمل لجان منبثقة لحل مشاكل المواطنين المتضررين وتحميلهم نفقات الاصلاح علشان هما المتضررين وفوت علينا بكرة يا سيد

و شكرن ليك يا باشا على التوضيح لكن هل ده هزار ول انت ساكن هناك

[wesamabd]

والله ياجماعه شر البليه مايضحك، اسكندرية هي عروس البحر الابيض، متهيالي كلنا سمعنا الكلام ده زمان بس لاكن دلوقتي مابقيناش نسمعه تقريبا، فين اجمل بلاد البحر الابيض فين زهرة مصر فين؟؟ انا ساكن في العجمي على فكرة واكيد كلكم عارفين المطبات الغريبه والمدهشة الى في الشارع الرئيسي من الـ 21 لغاية الدخيله تبقى انت ماشي بالعربيه لازم تخلي بالك من المطبات والناس الي بتعدي والتنات، ماخبيش عليكم انا اتلسعت اكتر من مرة اول ما جيبت العربيه لحد ما حفظت اماكن المطبات وعملتها خريطه ههههههههه، على فكرة انا لفت نظري خبر في المصري اليوم النهارده بيقول ان موكب الرئيس الامريكي كان فيه واحد من الامن سايق موتوسيكل وقع في حفرة وهما ماشيين وياعيني ايدو اتكسرت، طبعا قعدت ادحك واقول يابختهم، عندهم حفرة واحده بس.
وشكرا

[فادي مكرم]

طبعا ك العادة يوم الحكومة = سنة ارضية
لان منطقة زى الفلكى دي ف يوم وليلة بقت كلها عماير بالـ 12 دور على شوارع عرضها 3 متر
و اكيد مفيش بنية تحتية مجهزة للمساكن دى كلها , ولو انت من اسكندرية هتعرف ان الصيف هنا ,, ضغط مياه ضعيف و انسداد ف الصرف الصحى وربنا يخلى المحافظ اللي عملنا اعلى رصيف عشان مهما الصرف ضرب انت هتبقى ف آمان

[نبيل عبدالرحمن]

ماهى اسكندرية عروس البحر الأبيض المتوسط بس الجزء اللى ظاهر منها فقط على ساحل هذا البحر ، أى طريق الكورنيش فقط هو اللى كل الإهتمام به عند كل محافظ ييجى اسكندرية ، أما باقى أنحاء المدينة فترى فيها المطبات والحفر وأكوام الزباله والعشوائيات التى ليس لها أول ولا آخر وأكثرها شهرة منطقة العجمى والتى عانت خلال هذا الصيف من ضعف المياه بطريقة غريبة بالرغم من الإنتهاء من مشروع الصرف الصحى