معايا 42 ألف جنية وهموت واركب فيرنا مانيوال بس مش أقل من 2005

[Hamada_El_Sh3er]

جبت فيرنا ياجماعة الحمد لله و 2007 بس مانيوال
وهاف أوبشن
يعني ازاز مانيوال ومن غير سنتر ولا فتحة شنطة ولا أي حاجة
وبصراحة لسه جديد والعربية بصراحة كويسة
بس في السعر ده اكيد فيها مشكلة
وفعلاً العربية كانت واخدة خبطة في الشنطة بس مش جامدة أوي
والسمكري قاللي كويسة وممكن نظبط الشنطة دي ونحط إكصدام جديد
والدنيا هتتظبط

خي بقالها معايا يومين والنهاردة التالت وبصراحة وانا رايح اصلي الفجر
سمعت تكتكة كده فيها
بس خفيفة مش تقيلة وممكن لو حد مش مركز فيها مياخدش باله منها
بس طبعاً عشان عربيتي ولسه جديدة أكيد هحس بدبة النملة فيها
ياترى ايه التكتكة دي
ويارب تكون حاجة خفيفة

انا كان نفسي تستلمها في مركز الصيانه بتاعتها علشان كانت تتحط علي الاسكانر ونشوف ايه اللي فيها بالظبط وكنت تبقي مطمن 24 قيراط المهم الف مبروك وربنا يديك خيرها ويكفيك شرها

ونصيحة روح التوكيل وخليهم يشوفولك التكتكه ديه جايه منين علشان متخليش ميكانيكي يفتيلك فيها واحسن مركز انصحك بيه تروحه ابو غالي اللي في العبور عربيتك هتاخد حقها هناك تالت ومتلت

[Hamada_El_Sh3er]

المشاركة الأصلية كتبت بواسطة corsair انا كان نفسي تستلمها في مركز الصيانه بتاعتها علشان كانت تتحط علي الاسكانر ونشوف ايه اللي فيها بالظبط وكنت تبقي مطمن 24 قيراط المهم الف مبروك وربنا يديك خيرها ويكفيك شرها ونصيحة روح التوكيل وخليهم يشوفولك التكتكه ديه جايه منين علشان متخليش ميكانيكي يفتيلك فيها واحسن مركز انصحك بيه تروحه ابو غالي اللي في العبور عربيتك هتاخد حقها هناك تالت ومتلت

ياباشا ألف شكر لحضرتك على إهتمامك وزوقك
بس الحمد لله رب العالمين التكتكة دي طلعت زلطة صغيرة لازقة في الكاوتش
ولما شيلتها الحمد لله الصوت ده راح

أنا عايز بس أسأل حضرتك سؤال
هل ممكن اروح التوكيل بالعربية دي وانا مشتريها مستعمله ومخدتش من اللي اشتريتها منه ضمان ؟؟؟
ولو مش معايا الضمان هل ممكن اعمل أي إجراء عشان العربية تدخل الضمان؟؟
وكمان لو دخلتها الضمان . هل التكاليف بتاعتهم عالية أوي زي ماسمعت في التصليح والتظبيط وكده ؟؟

[خالدصالح]

الف مبروك حبيبى ربنا يديلك خيرها ويكفيك شرها يارب
بالنسبة للتوكيل ملوش دعوة لان موضوع الضمان ميفرقش كتير معاه
هو بيحاسبك على اللى بيعمله فيها
ومبروك مرة تانية

[Hamada_El_Sh3er]

ربنا يبارك فيك ياباشا
بس أنا كنت سألت واحد شغال في التوكيل وقاللي إن العربية طالما اتعمل فيها حاجة برة
يبقى التوكيل مش هيشتغل فيها تاني