استغاثه بخبراء البومة ... عاجل جدا البومة بطلت لوحدها بدون مقدمات

[boma 2006]

شكرا يا رجاله على الردود ... انا رحت انهارده للميكانيكى ونظف الفيش والايدل وحاجات خاصه بالانجيكشن باسبراى والعربيه اشتغلت ولكن لما جيت اشغل التكييف عداد الار بى ام بينزل تحت النص لو انا على الدى او الار وبيكون على النص لو انا على المور وبضطر امور العربيه فى الاشارات علشان بترعش لو انا على الدى والموضوع ده مضايقنى اوى والميكانيكى والكهربائى مش لاقى له تفسير وبيقولى هتظبط لوحدها مع الوقت انما من غير تكييف عداد بيكونى تحت الواحد بشرطه والعربيه هاديه ومش بترعش والامور طبيعيه ومش عارف اعمل ايه

[كومندا]

فى سائل تنظيف بيتباع فى البنزينه عبوه لونها احمر كده هاته وضيفه على البنزين وانته بتمون
لو لسه فى اى رواسب بعد التنظيف اللى انته عملتها هيشلها
وابقا طمنا

[boma 2006]

اوك هجربه بكره واشوف وربنا يسهل ويجيب نتيجة

[tareksakr]

لازم العربية تتحط علي السكانر علشان نعرف العطل بدقة أي عربية شغالة بنظام الحقن الالكتروني بتعتمد علي قراءة حساست أو سنسور اي حاجة فيهم بتبوظ بتؤدي لخلل في منظومة الحقن فلازم العربية تتحط علي الجهاز السكانر علشان نقدر نحدد الخلل جاي منين

[boma 2006]

الحمد لله الموضوع انتهى على خير وطلع الايدل كنترول بيعلق وده اللى بيرفع الار بى ام لما تشغل التكييف ونظفته لكن دون جدوى واضطررت اشترى واحد استيراد وركبته مكان القديم والعربيه ظبطت الحمد لله رغم ان الميكانيكى قالى انه نادرا لما يبوظ بس الحمد لله انها جت على قد كده على فكرة انا جبته استيراد ب 200 جنيه من عند سوسو اللى فى المريوطيه وركبته وانا واقف عنده فى دقيقتين والعربيه فرقت جامد اوى فاى حد عنده مشكله فى الار بى ام يلاقيه مثلا بينزل جامد والعربيه بترعش مع التكييف او مع الغيارات يبقى ايدل وهو ثمنه استيراد كويس مش غالى لانه جديد فى التوكيل بيعدى الالف جنيه.... شكرا للجميع على مشاركتكم وربنا يسترها علينا كلنا