kam horse power

[رياح التغيير]

يا محمود باشا ياريت تكتب عربي لأن الفرانكواراب قرايته صعبة عامة موتور ايبيزا ال1000 سي سي ده ياباشا 68 حصان موتور كويس مش بطال
لو هتسقط الموتور 1400 بتاع ايبيزا 2000 مش 94ل99 ده 75 حصان
وفي 1400 برده بتاع ايبيزا 2000 ده 101حصان
وفي 1600 ......................... ..ده 105 حصان
عندك لغاية 2000 سي سي وخد باللك المواتير دي الماني متقوليش موتور النترا 1600 في الشد مع ايبيزا 1600 هيغلب اكيد لأن الألمان بيقيسوا قوة الموتور الحصانية بطريقة غير طريقة الكوريين واليابانيين بشكل اوضح بيقيسوا قوة الموتور وهو راكب فالعربية علي وزن العربية اما كوريا واليابان بيقيسوا الموتور وهو عالأرض يعني مش محمل اقلها 700 كيلو او اكتر وزن العربية عليه
المرور ده قانونا مينفعش تسقط موتور غير مواتير صانع السيارة وده متحطوش فباللك عندك مواتير الإيبيزا تنوع مفيش زيه بدئا من 1000 سي سي ل2000 سي سي وفي كمان مواتير ديزل يعني جاز تتسقط عليها بس سمعت ان المرور مش بيرخصها لملاكي القاهرة اتأكد من المعلومة دي لما تيجي تسقط ولازم يتسقط علي نفس قواعد الموتور.
(معلومة مواتير ايبيزا 2000 مختلفة عن ايبيزا94ل99 في التكنولوجيا والقوة وقواعد الموتور واكواد الموتور اللي بيتعرف منها قوة الموتور وكام سي سي ودي بتبقي محفورة بالليزر علي الموتور نفسه)

[mahmoudayman]

ana asef enny az3agtoko bel francoarab da bas wallahy el laptop mafhosh 3araby asasan fa ma3lesh esta7melony a7'er so2al ana shoft fil montada da btetkalemo 3ala motor esmo ABF 2000CC w 150HP howa el motor da men seat walla VW 3ashan ana bardo shoft fil montada fi topic tany en da motor VW w mesh byra7'aso el mawateer 3'er elly tkon men nafs sherket el 3rabeya tab w law howa men seat el motor da byetba3 feen w 3ayz mekaniki ndeef 3shan yrakebo men 3'er ma ytala3 3eeny ma3lesh ana asef tany 3al ez3ag esta7melony ma3lesh

[رياح التغيير]

ولا ازعاج ولا حاجة يا محمود كلنا اخوات وكان الله في عون المرء ماكان المرء في عون اخيه....بص ياسيدي الموتور الABF 2000 CC ده بينزل في فولكس وسيات وبينزل عليه علامة الفولكس والسيات علي حسب العربية اللي متسقط فيها وفي حاجة ان سيات تبع فولكس عشان كده بيقولوا عليها عربية الماني تقفيل اسباني يعني مواتير وعفشة وفتيس وماحولها فولكس يعني مثلا عندي الموتور 1000 سي سي ايبيزا99 نازل في بولو 1000 سي سي نفس الموتور بس عليه لوجو فولكس مش سيات خد باللك لوجو لكن نفس الموتور هو هو والمرور بيقول نفس الشركة المصنعة والشركة واحدة فولكس فاجن خلصت....بالنسبة هتلاقيه فين فالحرفيين اول حاجة وبعدين وكالة البلح وشارع الأربعين وصعب تلاقيه فبورسعيد وفي تجار ممكن تجيبهولك مخصوص بس تسيبله عربون انا كان امامي نص ايبيزا فيه موتور 1800 نفس شكل ال ABF وقريب منه في القوة الحصانية النص كامل ودنجل سكينة خلفي وطرمبة بنزين بالعوامة والعدادت كان عامل 8500 جنيه بس مخدتوش السعر بالنسبه لي عالي جدااا كان عند محمد الخواجه فالحرفيين ربنا ييسر لك الخير يا محمود

[khaled28]

المشاركة الأصلية كتبت بواسطة رياح التغيير فالحرفيين اول حاجة وبعدين وكالة البلح وشارع الأربعين وصعب تلاقيه فبورسعيد وفي تجار ممكن تجيبهولك مخصوص بس تسيبله عربون انا كان امامي نص ايبيزا فيه موتور 1800 نفس شكل ال ABF وقريب منه في القوة الحصانية النص كامل ودنجل سكينة خلفي وطرمبة بنزين بالعوامة والعدادت كان عامل 8500 جنيه بس مخدتوش السعر بالنسبه لي عالي جدااا كان عند محمد الخواجه فالحرفيين ربنا ييسر لك الخير يا محمود

لو سامحت حضرتك سقط موتور ؟
يترى نوعوه اية و بكام و سقط عند ميين ؟
لو تعرف ال 1800س س دة تربو ولا اية نظامة اصل ناوى اسقط موتور قوى اسف على الازعاج

[رياح التغيير]

لسه مسقطتش والله ياخالد والمواتير التربو عايزه بنزين 95 ده اللي سمعته وال1800 سي سي ده كويس وقوي وفي منه انجيكشن وفي منه هالف انجيكشن طبعا الإنجكشن اقوي شويه عن الهالف انزل ودور فالحرفيين هتلاقي اللي انت عايزه ان شاء الله