ياريت حد يفاهمني

[مهند سالم]

يعني حضرتك متأكدة إن الموضوع في البنزين، يعني الرادياتير ودورة التبريد سليمة؛ لأن لو في خلل في دورة التبريد -يعني في المية أو المروحة- هتجيب معاكي جونات وش سلندر على طول، وأعتقد إن ده ممكن يكون هو إلا حصل، فمعلش حضرتك اكشفي على دورة التبريد كاملة، وربنا يسترها معاكي ويحلها على خير إن شاء الله، وعودا حميدا، وحشتنا مداخلاتك، ربنا يرفع عنك إن شاء الله

[احمد على 1999]

و الله اعلم علشان انا مش عارف الاونو بس لو على الوصف بتاعك ان الموضوع ده بيحصل لما العربية تبطل يبقى احتمال خرطوم البنزين الى داخل على مضخة البنزين بيسرب و تفسيرى كالاتى:

1. اثناء عمل الماتور التسريب مش حيحصل لان المضخة بتسحب من الخرطوم فلو مخروم مش حيسرب
2. لما العربية تبطل المضخة بتقف و ساعتها الخرطوم حيسرب و يرش بنزين على اجزاء الماتور السخنة
3. لما الكابوت بيتفتح بيدخل هواء جديد غنى بالاكسوجين تقوم النار هبه

[meemee]

المشاركة الأصلية كتبت بواسطة احمد على 1999 و الله اعلم علشان انا مش عارف الاونو بس لو على الوصف بتاعك ان الموضوع ده بيحصل لما العربية تبطل يبقى احتمال خرطوم البنزين الى داخل على مضخة البنزين بيسرب و تفسيرى كالاتى: اثناء عمل الماتور التسريب مش حيحصل لان المضخة بتسحب من الخرطوم فلو مخروم مش حيسرب لما العربية تبطل المضخة بتقف و ساعتها الخرطوم حيسرب و يرش بنزين على اجزاء الماتور السخنة لما الكابوت بيتفتح بيدخل هواء جديد غنى بالاكسوجين تقوم النار هبه

شكرا جدا لاهتمامكم بخصوص دورة التبريد انا كنت متابعها منس اعة ماجيبت العربية لان المياه كانت بتقل بس اتظبط من كذا حاجة وبرضه غيرت الجوانات مرتين كده في العربية مرة اول ماجيبتها وتاني مرة ساعة الحريقة الاولانية

[Xpert]

طيب .. رأيي حضرتك تغيري الكربراتير ده كله (اكيد كربراتير ؟ انا اعرف ان الاونو بتنزل انجكشن برضه)

حضرتك تروحي لميكانيكي تخليه يراجع علي دايره البنزين كامله .. طلمبه البنزين و الخراطيم و الكربراتير و فلتر البنزين و كله .. و يتاكد ان الخارطيم راكبه بافيز يمسكها مكانها. مره فلتر البنزين عندي ضرب و ربنا ستر برضه. (بس العربيه بي ام موديل 79)

حضرتك لو عوزتي اي حاجه في الاونو انا اعرف تاجر قطع غيار استيراد كان جايب عربيه اونو و معظم حاججتها لسه عنده .. بس هو في الدقي.

[hazem_khidr]

لو متأكده ان مافيش زيت بينزل من علي الشكمان و كل الاسلام مضبوطه و معزوله كويس
يبقي كده فيه حاجه غلط في منظومه الوقود
و لازم ميكانيكي شاطر يشوفها لان كده خطر انك تمشي بيها
حتي لو يلزم الامر ان الموتور يخرج بره العربيه و يتراجع علي الحوض من الالف الي الياء
اي اشتعال في العربيه بيبقي سببه البترول اللي فيها
سواء كان زيت او بنزين او زيت باكم
حاولي تشوفي التلات حاجات دول و ربنا يسهل ان شاء الله