الفيرنا سياره جيده ام غير جيده ارجوا الافاده

[Brave Heart]

يا باشا العربيه والله ماشاء الله زى الفل
واللى يقول الفرامل بتسيب ده يبقى مبيعرفش حاجه فى السواقه
الفيرنا عيبها انها موتور عفى جدا وبيحب الجرى جدا والفرامل بتاعتها اقل من قوة المكينه شويه
فلازم اللى راكبها يكون سواق
لاكن في ناس بتجرى بيها بغباء بس بيكون سواقته مش اكد كده او معندوش احساس بالفرامل فلازم يخيش

[zoomaa&mizaa]

شكرا على المداخلة ... لاكن المشكلة ان قدرة الفرامل فى الفرنا ضعيفة بالنسبة لقوة الماكنة ولذلك تجد الكثيرين من ملاك الفيرنا يحاولون تعديل الفرامل فيها وكمان العربية بتبقى عايمة على السرعات العالية ودة مشاكل خطيرة جدا

[salahabdelnabi]

طبعا مع كامل احترامى لرأى حضرتك سواء الشخصى ا, عن تجربة أو مشاهدة أو سمع من اصدقائك

وبدون أى هجوم على رأى حضرتك

انا مختلف معاك كلى وجزئى

ليه ؟؟!!!

اولا : انا معايا فيرنا فول اوبشن مانيوال بقالها سنة وعاملة حوالى 25000 ك

ثانيا : عيوب العربية واضحة وصريحة ان فراملها ضعيفة نوعا ما مقارنة بقوة موتورها وضعف صاجها

لكن مش بالضعف اللى حضرتك بتتكلم عنه ودى علاجها بسيط ان شاء الله انه يتعمل رجلاش للفرامل يخليها تمام

بالاضافة لعدم السرعة المفرطة بدون داعى لانه مفيش حد كبير على الطريق

ثانى العيوب هو الاتزان وخصوصا بعد سرعة ال 120 ك / ساعة وخصوصا فى المنحنيات

وده علاجة برضه بسيط ان شاء الله

جنط 14 عريض هايظبط العربية حتى 160 ك / ساعة وايضا التأنى فى السرعة عند المنحنيات وفى الطريق عموما

وبعدين يا باشا فين الطريق فى البلد غير طرق السفر اللى ينفع تمشى بيه اكتر من 60 الى 70 ك / ساعة

ثالثا : سعر العربية فى فئتها وامكانياتها والكماليات اللى فيها يعتبر من انسب الاسعار وكذلك قطع غيارها وسهولة صيانتها

رابعا : وده الاهم العربية سواااااااااااااااااق ........ يعنى تحافظ عليها وتهتم بيها وبصيانتها هاتعيش معاك وتديلك اللى انت عايزه من عربية فى الفئة دى وبالكماليات دى

واعتقد ان الرأى الشائع اليومين دول ان الفيرنا واللانوس اصبحو ال 128 وال 127 فى مصر فى الفترة الزمنية دى

واخيرا لو حابب تعرف كل حاجة عن الفيرنا ومميزتها وعيوبها وصيانتها فى البيت كمان لو حبيت تقدر تدخل على قسم الهيونداى وشوف مواضيع الفيرننا والحكم ليك فى الاخر

تعتبر الفيرنا مقارنة بسعرها جيدة نوعا ما ولا يعيبها سوى الفراميل والشاسيه الضعيف

[Brave Heart]

المشاركة الأصلية كتبت بواسطة salahabdelnabi طبعا مع كامل احترامى لرأى حضرتك سواء الشخصى ا, عن تجربة أو مشاهدة أو سمع من اصدقائك وبدون أى هجوم على رأى حضرتك انا مختلف معاك كلى وجزئى ليه ؟؟!!! اولا : انا معايا فيرنا فول اوبشن مانيوال بقالها سنة وعاملة حوالى 25000 ك ثانيا : عيوب العربية واضحة وصريحة ان فراملها ضعيفة نوعا ما مقارنة بقوة موتورها وضعف صاجها لكن مش بالضعف اللى حضرتك بتتكلم عنه ودى علاجها بسيط ان شاء الله انه يتعمل رجلاش للفرامل يخليها تمام بالاضافة لعدم السرعة المفرطة بدون داعى لانه مفيش حد كبير على الطريق ثانى العيوب هو الاتزان وخصوصا بعد سرعة ال 120 ك / ساعة وخصوصا فى المنحنيات وده علاجة برضه بسيط ان شاء الله جنط 14 عريض هايظبط العربية حتى 160 ك / ساعة وايضا التأنى فى السرعة عند المنحنيات وفى الطريق عموما وبعدين يا باشا فين الطريق فى البلد غير طرق السفر اللى ينفع تمشى بيه اكتر من 60 الى 70 ك / ساعة ثالثا : سعر العربية فى فئتها وامكانياتها والكماليات اللى فيها يعتبر من انسب الاسعار وكذلك قطع غيارها وسهولة صيانتها رابعا : وده الاهم العربية سواااااااااااااااااق ........ يعنى تحافظ عليها وتهتم بيها وبصيانتها هاتعيش معاك وتديلك اللى انت عايزه من عربية فى الفئة دى وبالكماليات دى واعتقد ان الرأى الشائع اليومين دول ان الفيرنا واللانوس اصبحو ال 128 وال 127 فى مصر فى الفترة الزمنية دى واخيرا لو حابب تعرف كل حاجة عن الفيرنا ومميزتها وعيوبها وصيانتها فى البيت كمان لو حبيت تقدر تدخل على قسم الهيونداى وشوف مواضيع الفيرننا والحكم ليك فى الاخر

مفيش كلام يتقال بعد كلامك يا باشا
انت كده جبت الزتونه