جهازجديد فيه كاركيت بلوتوث وفلاشه وريموت يقلب الطاره مالتى فنكشن

[spirit5]

المشاركة الأصلية كتبت بواسطة احمد بدر1978 ممكن سؤال يعنى اية يقفل المكالمة ممكن الاقية فين ماركتة اية

من الريموت اللى فى الطاره فى زرار play/pause
ديه وظيفته فى الاغانى لكن لما تجيلك مكالمه بيفتح الخط يرد على المكالمه او ينهى المكالمه .
هوا اسمه بلوتوكار جبته من كوين مول اللى الخليفه المأمون من محل اسمه بغداد
اخر السلام شمال

انا جربته و فليت الكاتلوج وديه الزتونه
المميزات
جودة الصوت ممتاز والفرق بينه وبين صوت الكاسيت ممكن نقول 10%
بيشغل mp3 & wma
7 ايكولايزر و سوبر بيز super bass
بيشغل فلاشه وكارت ميمورى (جربت فلاشه 8 جيجا وكان تمام)
الكاركيت صوته نقى وواضح وفيه مايك حلو واللى بكلمه كان سامعنى كويس جدا لدرجة انى جربت وكلمت واحد صحبى وصوت اللى فى الكنبه اللى ورا كان مسموع حتى وانا ماشى والشباك مفتوح.
ستيريو بلوتوث وبيشغل الاغانى اللى على الموبايل
لما يجيلك تليفون او لما تعمل اتصال الاغانى تقف لحد لما المكالمه تخلص وبعدين تشتغل تانى
سهل التشغيل والتعريف مع الموبايل ولما تمشى من العربيه وترجع تانى بيعمل كونكت اتوماتيك بس لازم تكون فاتح البلوتوث طبعا
يظهر رقم المتصل (بس مش الاسم)
اشد حاجه فى الجهاز ده هوا ريموت الدريكسيون بجد حكايه بيقلب اغانى ويغير الايكولايزر ويعلى ويوطى الصوت ويرد على المكالمه ويقفل الخط

العيوب
فى المطبات ساعات بيفصل بس حشرت ورقه بينه وبن الولاعه واشتغل تمام
بيظهر الرقم فقط بس عملت حاجه ظريفه قوى خليت الموبايل ينطق الاسم وبقى تمام
الشاشه بتظهر اسم الاغنيه ورقم المتصل بس صغيره شويه

[ahmedatia2012]

جامد اوووووي الجهاز دة

[tarek elbadry]

شكرا مبروك عليك
جهاز جامد

[tamermegahed]

على فكره هو فعلا جهاز كويس وعارفين تمنه كام فى السعوديه تمنه هو 60 ريال يعنى 90 جنيه مصرى وبيتباع عندنا ب 300 جنيه حرام قوى

المشاركة الأصلية كتبت بواسطة tamermegahed على فكره هو فعلا جهاز كويس وعارفين تمنه كام فى السعوديه تمنه هو 60 ريال يعنى 90 جنيه مصرى وبيتباع عندنا ب 300 جنيه حرام قوى

كلامك صح الصح غالي كتير لأنه موجود عندنا بسورية ب 900 ل س يعني 90 جنيه مو 300 جنيه