موضوع ملعبك

[Bendary]

المشاركة الأصلية كتبت بواسطة حسين122 بداية شكرآ لأهتمامكم أقصد بالنظام الحرام شراء السيارة بالنظام الآتي : أن تقوم أنت بسداد جزء من ثمن السيارة للمعرض ثم يقوم البنك بسداد الباقي للمعرض ثم تقوم أنت بالسداد للبنك بزيادة بموجب عقد قرض لشراء سيارة ده نظام حرام . و النظام الصحيح أن يقوم البنك بشراء السيارة و يسدد ثمنها بالكامل للمعرض ثم يقوم ببيعها لك بعقد بيع سيارة بالتقسيط بمبلغ شامل و لكن بالتقسيط و وقتها يكون عقد بيع و ليس عقد قرض و عندها تكون ملزم بسداد أجمالي قيمة السيارة بالسعر الجديد ( أصل ثمن السيارة بالإضافة لمكسب البنك ) كأي عملية بيع تانيه في السوق يكون لها سعر حال السداد النقدي و سعر حال السداد الآجل و لقد سألت ف الموضوع ده في أفتاء مشيخة الأزهر و قالوا لي أن الشراء بالطريقة الأولى حرام و لكني لم أقل لهم أن الطرف التاني بنك عشان ممكن يكون في حرج من طرفهم بخصوص البنوك و الحكومة و أنتهم فاهمين قلتلهم عايز أشتري ماكينه طباعة بس معييش كل تمنها هأدفع للبايع جزء و شخص تاني هيدفعله باقي الثمن و أسدده أنا له مع زياده قال الشيخ حرام و دلوقتي في بنوك و شركات كتير بتشتغل بالنظام الإسلامي أيه يمنع أننا نتعامل معاهم حتى لو كانوا أغلى شويه المهم المعاملة تكون سليمه شرعآ عشان أحنا بنركب العربيات دي و معانا ولادنا و ربنا يستر نرجع لموضوعنا بعد كتابة الموضوع زارني صديق و قريب لي إقترح عليا بدل العربية الجديده أجيب هيونداي أكسل أوتوماتيك بالتكييف مستعملة بيقول أنها في حدود 35 ألف و هوه ما يعرفش أصلآ أني بأفكر في عربية تكون مؤقته لحد ما ظروف الشغل تتحسن رأيكم أيه؟؟

جزاك الله خيرا - وباذن الله ربنا هيعوضك طالما تتحرى الدقة فى معاملاتك
انصحك باى عربيه زيرو حتى لا تتحمل عبء صيانه المستعمل
نيو ساجا - لوجان - لانوس - فيرنا
اذا تبحث عن اعلى سعر عند اعاده البيع يبقى لانوس او فيرنا
لو اتوماتك تبقى فيرنا - ولو مانيوال تبقى لانوس

[حسين122]

السلام عليكم
أنا متشكر جدآ لأهتمامكم
ربنا يجازيكم كل خير