إستشارة عاجلة :أشترى سوزوكى ألتو 2009 وللا أجيب حاجة 2010 المهم ماتزيدش عن 50000

[بدر بسيونى]

بص ياباشا انا كان معايا التو 2006 اهم عيوب العربية دة العفشة ناشفة وقطع الغيار حتلاقيها بره التوكيل بطلوع الروح غير كده العربية كويسة فمابالك عن قطع الغيار بتاعو 2009

والعيب العام لكل العربيات الصغيرة الحجم العفشة بتبقى ناشفة بالمقارنة بباقى العربيات الاكبر بحكم صغر المساعد واليايات وكل حاجة من تحت

البيكانتو الافضل عربية كورى لتوكيل محترم وضمان 5 سنوات او 100.000 كم

وانا شخصيا بحب الاسبيرانزا A113 عربية شكلها حلو و1300 سى سى وانتشرت وفيها كل الامكانيات والاوبشنز وABS &EBD

الاى 10 سعرها مبالغ فيه مع الاعتبار انها مش وحشة طبعا

الاسبارك ماانتشرتش جامد ليه مش عارف بسهى الجديد من موديل الدايو ماتيز برغم توكيل منصور قوى طبعا

[eskenderiya]

اشترى فيرنا 2008 هاتكون ب

50 000

[hossamhussein0]

طالما التكييف مش مهم بالنسبة لك

اشتري رينو لوجان BASIC الفاضية بدون كماليات و سعرها زيرو 57000 ج و ممكن تلاقي منها كسر زيرو موديل 2009 أو 2010 و تكون في حدود 50 - 52 يبقي انت اللي كسبان و خصوصا انها هتكون بحالة الزيرو و لسه في الضمان ،

و هيه عربية محترمة جدا وواسعة و كبيرة و عاليه من علي الارض و ضمان 3 سنين و موتور 1600 يستحمل السفر و عفشة ممتازة لشوارع مصر و علي الاقل هتقعد 10 سنين من غير ما تمد ايدك فيها

[dr.Emma]

المشاركة الأصلية كتبت بواسطة بدر بسيونى بص ياباشا انا كان معايا التو 2006 اهم عيوب العربية دة العفشة ناشفة وقطع الغيار حتلاقيها بره التوكيل بطلوع الروح غير كده العربية كويسة فمابالك عن قطع الغيار بتاعو 2009 والعيب العام لكل العربيات الصغيرة الحجم العفشة بتبقى ناشفة بالمقارنة بباقى العربيات الاكبر بحكم صغر المساعد واليايات وكل حاجة من تحت

يعنى إيه ...ممكن توضح أكتر ؟؟
يعنى ده عيب خطير وللا أتكل على الله و أجيبها
و ممكن تقولى أسعار قطع غيارها كام تقريباً

[dr.Emma]

المشاركة الأصلية كتبت بواسطة hossamhussein0 طالما التكييف مش مهم بالنسبة لك اشتري رينو لوجان BASIC الفاضية بدون كماليات و سعرها زيرو 57000 ج و ممكن تلاقي منها كسر زيرو موديل 2009 أو 2010 و تكون في حدود 50 - 52 يبقي انت اللي كسبان و خصوصا انها هتكون بحالة الزيرو و لسه في الضمان ، و هيه عربية محترمة جدا وواسعة و كبيرة و عاليه من علي الارض و ضمان 3 سنين و موتور 1600 يستحمل السفر و عفشة ممتازة لشوارع مصر و علي الاقل هتقعد 10 سنين من غير ما تمد ايدك فيها

بس كبيرة عليا أناا مش حاحتاج كل الإمكانيات دى
و بعدين مش 1600 cc دى تسحب بنزين أكتر من 1100cc ؟
أنا كدة حافكر جديا أجيب لادا زيرو !!