|
#6
31-03-2010, 05:52 PM
|
|||
|
|||
رد: الصيانه المطلوبه للسياره الجديده
بالنسبة للتشميع ده للحفاظ علي طبقة الدهان الاصلية وبتتعمل كل 3 او اربع شهور وانا لحد دلوقتي بقالي سنة ونص جايب العربية ومشمعتهاش لحد دلوقتي بس انا ناوي اشمعها قريب ولازم تتابعي زيت الماتور كل فترة وكمان مياه البطارية ومياه الريداتير وكمان غسل السيارة علي الاقل مرتين في الشهر من الخارج ومره من الاسفل كل ست اشهر وتقبلي تحياتي وعلي العموم لو انتي هتبعي بانتظام في الصيانة يبقي مفيش مشكلة لانهم هيعملو Check علي العربية بالكامل
|
|
#7
31-03-2010, 06:54 PM
|
||||
|
||||
|
رد: الصيانه المطلوبه للسياره الجديده
ربنا يديلك خيرها ويكفيك شرها
__________________
د / محمد إن الله لا يصلح عمل المفسدين
|
|
#8
31-03-2010, 10:18 PM
|
||||
|
||||
|
رد: الصيانه المطلوبه للسياره الجديده
الف الف مبروك و ربنا يديكي خيرها و يحميكي من شرها يا رب
بالنسبه للصيانات و العنايه فالباشمهندس سامح قام بالواجب(سام رام) اما بالنسبه للغسيل افضل الغسيل بعد كل ما الدنيا تمطر علشان الطيب تحت الرفارف اما في الاوقات العاديه يفضل تلميع السياره فقط و عدم غسل السياره بأي مساحيق تنضيف ملابس او سوائل مواعين يا اما الفوم في المشحمه او شامبو و تبقي تديه للبواب يغسلهالك و خديها نصيحه اكتر حاجه تبهدل اي عربيه هيا الميه و المطبات لذلك كوني حذره في المطبات و منتبهه و ابعدي دائما عن اي منطقه بها ميه لكي لا تؤذي اسفل السياره
__________________
حـازم خـضـر
|
|
#9
01-04-2010, 05:09 PM
|
|||
|
|||
|
رد: الصيانه المطلوبه للسياره الجديده
أستاذ / سامح
الله يبارك فيك .. ألف شكر أناس بس قلقى إنّى باسوق العربيه عدد كيلومترات قليله بسبب ظروف شغلى و هاخد وقت على ما أكمّل أول 1000 كيلومتر و مش عارفه هل دى طريقة معامله صحيه للعربيه و هل مفروض أعمل عدد الكيلومترات ده قبل وقت معيّن ولاّ حسب الظروف؟ فقلت يمكن يكون فى هذه الأثناء حاجات مطلوب عملها للعربيه كصيانه دوريه .. أنا لاحظت حاجه وحيده ومش عارفه سببها إيه لأنّها مش بتحصل دايما .. بعد ما باسخّن العربيه و آجى أطلع باكسر شمال على الآخر عشان العربيه اللىّ واقفه أمامى فأمّا تبدأ العربيه فى الحركه من الوضع ده بيبقى فيه صوت تكتكه خفيفه كده مش عارفه ده طبيعى ولاّ شئ غريب و بيختفى الصوت ده خالص بعد كده مش باسمعه غير الطلعه اللىّ بعدها .. الصراحه من كُتر ما قريت فى المنتدى عن موضوع البارومه و الصدا ماكنتش عاوزه العربيه تتغسل قبل ما أشترى لها الشامبو اللىّ قريت عنه فى أكثر من موضوع بس للأسف لقيت البوّاب من نفسه قرر يغسل العربيه وكنت عاوزه أكتفى بتنظيف على الجاف خصوصا و هى متغطيه طول ما هى واقفه و مش بتحتاج غير تلميع بذمّه و بس .. فهل يا ترى فى محطّة البنزين فيه درجات أو أنواع من غسيل العربيه؟ يعنى ممكن أطلب منهم يغسلوا الموتور بس؟ و ده مفروض يتعمل كل أد إيه؟ و هل أقف أتابع و همّا بيغسلوا عشان أتأكّد من غسيل العجل ولاّ دى حاجه بتتعمل بشكل آلى
|
 |
|
|
