ايه الفرق بالتحديد بين فيرنا الفاضية والفول اوبشن؟

[mesho70]

بداية طالما وصلت لاختيار الفيرنا هات 1600 سى سى

ثانيا ً طالما إن الاوبشن منزلش فيها يبقى متفكرش فية يعنى

بعد - إن شاء الله - ما تشتريها متركبش زجاج كهرباء مثلا ً

يعنى شوف اية الحاجات اللى انت محتاجها من دلوقتى واشترى

على اساسها - حتى لو اتزنقنت او حتى اتعصرت - لانى عملت

كدة مع اخى وثبت انى كنت محق

وربنا يوفقك لاختيار الأصلح

[ايمن منصور ((عباسى ))]

انا معايا فيرنا 2008 هاف اوبشن
نصحتي ليك بلاش الهاف اوبشن فرق 4000 جنيه مش كتير بس حتشتري دماغك
انا ندمت ابر ندم اني مجبتهاش كامله انا بقللك علشان متندمش
وبعدين كفايه ان الحاجه كلها فبريكه ولا انت غاوي تفك وتعدل وتروح للصنيعيه
ياريت تاخد بالنصيحه

نصيحة ابعد عن الهاف لانك هتتخنق بسرعة منها ولما تيجي تركب زجاج كهربا طبعا مش هيبقي زي الاصلي بتاعها وكمان لازم تروح تاخد موافقة من التوكيل علي تركيب اي حاجه في العربية لانك لو ركبت حاجه بره وحصلت مشكلة لا قدر الله هيقولولك ولا نعرفك روح شوف انتا عملت ايه في العربية بره وهتلاقي نفسك اتكلفت بره اكتر من اللي انتا هتوفره بين العربيتين وهتكون دخلت نفسك في مشاكل انتا في غنا عنها

وبالنسبة ل RBM مهم جدا بالنسبالك لانك اول مره تسوق علشان المفروض الحركة بتتنقل علي ال RBM علي 2.5
وكبيرك علي 3 وال RBM هيريحك خالص في الموضوع ده

الزجاج مش فاميه زي ما انتا فاكر لاكن الزجاج ده لو بصيت عليه من بره العربية هتلاقيه شبيه بالفاميه لكن مش زجاج ابيض صرف زي الهاف

[dark-man]

المشاركة الأصلية كتبت بواسطة ايمن منصور انا معايا فيرنا 2008 هاف اوبشن نصحتي ليك بلاش الهاف اوبشن فرق 4000 جنيه مش كتير بس حتشتري دماغك انا ندمت ابر ندم اني مجبتهاش كامله انا بقللك علشان متندمش وبعدين كفايه ان الحاجه كلها فبريكه ولا انت غاوي تفك وتعدل وتروح للصنيعيه ياريت تاخد بالنصيحه

شكرا ياباشا ع النصيحة وفعلا معاك حق الفبريكة يفرق برضو وربنا معايا بقى واسدد اللي علي