سؤال لمالكى نيو أكسنت

[محمد بدوى]

المشاركة الأصلية كتبت بواسطة thekingmido2010 أنا الحمد لله اشتريت نيو اكسنت 2010 من حوالى اسبوع كده والحمد لله العربية ماشية زى الفل 10\10 بس لاحظت فيها كذا حاجة وكنت عايز اسال فيها :- 1: لما تفتح شنطة العربية باب الشنطة من جوه مش مبطن فهل ده طبيعى فى الموديل ده لانى شفت كذا سيارة باب الشنطة بتاعها مبطن بس مكانوش اكسنت ؟ 2: انا كنت عاوز احط للعربية جنوط فى ناس بتقول احطلها جنوط 15 وفى ناس بتقول حطلها 14 عشان الكاوتش ميحكش لما اخد مطب وللا لما العربية تتقل فكنت عاوز رايكم؟ 3: الكاست المفروض انه cd لما بشغله بيقطع هل ده عيب الCD نفسه وللا ده عيب الكاسيت؟ اسف لانى طولت عليكم ومستنى الردوووووود ptmnlo123per122

السلام عليكم ورحمه الله وبركاته
انا عندى نيو اكسنت 2010
1 - فعلا الباب مش مبطن
2 - العربة ده تستحمل جنوط15 مفيش مشكلة
3 - انا قطعتت بالعربية 6200 والكاسيت عمل تقريبا نفس الحركة ورحت غيرتة فى التوكيل ( ابو رواش ) من غير فلوس. ولكن غير الC.D وشوف ولو فضل على الحال ده روحلهم
واسف على التاخير فى الرد

[zoo_show2000]

هى ايه اخبار قطع الغيار ؟؟
غالية زى كيا سيراتو و لا ارخص و لا الاثنين زى بعض

[عمرو ممدوح على]

شكرا على هذة المعلومات ......بس ممكن اخذ رايكم الشيفرولية الافيو مانوال افضل ولا النيو اكسنت2010 مانوال....ارجو الرد والمساعدة لانى معنديش خبرة فى السيارات

[ESL NSR]

المشاركة الأصلية كتبت بواسطة عمرو ممدوح على شكرا على هذة المعلومات ......بس ممكن اخذ رايكم الشيفرولية الافيو مانوال افضل ولا النيو اكسنت2010 مانوال....ارجو الرد والمساعدة لانى معنديش خبرة فى السيارات

النيو أكسنت أفضل في قوة الموتور
الأفيو ممكن تكون أفضل في الشكل شوية والوسع الداخلي
النيو أكسنت أفضل أكيد في الكماليات
النيو أكسنت عربية مشاكلها أقل من الأفيو "حسب كلام مستخدمي العربيتين"
الأكسنت عربية أصلية كموديل إنما الأفيو تطوير للانوس

[عمرو ممدوح على]

شكراااااااا على ردك ولو فية معلومات اكثر ياريت