خليجى بالضمان ,,, الكلام ده صح ؟

[ROLAND]

المشاركة الأصلية كتبت بواسطة moslem2 انا فعلا قريت اعلان فى جريدة الاخبار بتاريخ اليوم,28-1-2010 معرض مش فاكر اسمه منزل كيا سيراتو خليجى بالضمان بتبدأ ب 100 الف وبالضمان,,وبلا شك مواصفات الخليجى افضل

كان فيه كذا اعلان قبل كده فعلا بنفس الشكل وهوه ده اللى خلانى أسأل وكان على السيراتو برضه تقريبا مرة معرض جابر عبدالشهيد ومرة شركة اسمها ناشيونال موتورز واللى خلانى افكر فى الخليجى ان السيراتوا من الوكيل بحجز واستلام بعد 4 شهور على الأقل او تاخدها وكيل برضه بس بسعر اغلى كتير من اى معرض او موزع معتمد بس الناس مختلفة على موضوع الخليجى ده ناس تشكر وناس تخوفك

[اماراتي 2020]

اي حد عايز عربية من دبي يتصل علية وباذن الله سوف اوفرها لة واقوم بارسالها لميناء السويس وهو يقوم بتخليصها وعلى حسب المواصفات المطلوبة
00971555419213

[gnwgeorge]

يا جماعه بصراحة هو موضوع محير لكن لازم نحط فى حسابنا النقط التالية
1- المواصفات الخليجى أحسن بكتير وأقوى وخامات افضل
2- الوكيل مش زى ما الناس فاكرة ممكن يبقى عيب صناعه ويقولك لا ويلبسك قطع الغيار ودا طبعا فى كل التوكيلات مش السيارات بس يعنى فى الموبايلات والأجهزة الكهربائية وكل حاجة فى مصر
3- فرق الخليجى من الوكيل ممكن يوصل 10000 ج ودا فرق مش قليل أنت أولى بيه
4- نسبة عيوب الصناعه فر الخليجى أقل بكتير من سيارات الوكيل ودا كلام ناس كتير مجربة فامتقلقش
أنا شخصيا إشتريت كيا سول خليجى وكفاية الزجاج الفيميه
وربنا يوفق الجميع

[Mr.Mamo]

السادة الأفاضل /
ردي سيكون علي السؤال فقط ؟
هل السيارات الخليجي أفضل أم الوكيل ؟
أحب في البداية توضيح أمران في منتهي الأهمية
الاول :- توكيلات السيارات الكبيرة و المحترمة المعروفة لكل واحد منا تضيف مواصفات لكل سيارة حسب البلد التي سيتم التوزيع فيها لتكون مناسبة أكثر للمكان و اقصد ( التوكيلات العالمية )
الثاني :- الفروق بين السيارات الخليجي و التي تتبع الوكيل فروق في رفاهية السيارات فقط و لكن الموتور واحد
والهيكل واحد و الشكل واحد ومواصفات هيكلية واحدة .
السيارات الخليجي افضل في بلادها فقط ولكن في مصر سيارات الوكيل هي الافضل للأسباب التالية :-
1- درجة الحرارة العالية في دول الخليج تجعل السيارات الخليجية نظامها التبريدي أعلي ليتناسب مع درجة حرارة الجو يجعل السيارة جيدة في بلادها أما في مصر لن تحتاج لهذه الرفاهية و التي تؤثر علي كفاءة موتور السيارة و استهلاكها للوقود علي المدي الطويل وهذا لن يضر المستهلك الخليجي الذي يغير السيارة قبل أن تظهر عليها هذه الأعراض لرخص سعرها نسبيا في بلاده .
2- الطرق الوعرة المصرية تحتاج لعفشة و ارتفاع للسيارة بمواصفات تتلائم مع الطرق المصرية و التي لن تجدها في السيارات الخليجي و التي لا يحتاجها المستهلك الخليجي لأن طرقه أفضل و أوسع وأعرض فيتم اضافة عفشة ومساعدين بمواصفات تلائم السرعات العالية و التي لن يستفيد منها العميل المصري .
3- بعض الجنوط لا تصلح للسيارات المعدة لتكون بمصر و في حال تركيبها تحتاج السيارة لتربيط عفشة لمرات متقاربة نسبيا


بايجاز
السيارات الخليجية الاضافات التي بها هي اضافات لن يتمتع بها العميل المصري بالكلية ولكن سيدفع ثمنها


وأنا أتحدث عن الأغلبية الساحقة و ليس الكل



و بالنسبة للسؤال الثاني
موديلات ضئيلة جدا هي التي تتمتع سياراتها الخليجية بضمان الوكيل المصري وللتأكد في هذه الحالة تقوم بالاتصال بالوكيل للتأكد و تأخذ طبعا اسم ووظيفة الشخص الذ سألته في التوكيل و بأي فرع .


أتمني أن أكون قد أفدت سيادتكم في الموضوع
وتفضلوا جميعا بقبول وافر الاحترام