العربية بتبطل وبتطلع دخان اسود

[mansoub504]

المشاركة الأصلية كتبت بواسطة المناور معلش أنا جديد ففيه حاجات حاستفسر عليها لو الكربراتير ده اللى تحت العمة يبقى اه هو شافه وقعد شوية يظبط فيه اما البيكات دى ماعرفهاش لا هيا ولا البينة والبوجيهات زى ما قلت هو لقاها بايظة وغيرها والتاكيهات فعلا كانت اخر حاجة بص عليها وعمل اللى أنا قلت عليه بس واضح ان لسه فيه حاجة فايتة منه علشان هو حدد المشكلة بس مش عارف يحلها

بص يا سيدي
معني ان السيارة تخرج دخان اسود
ده ان النزين ما اتحرقش كله
الكربراتير ده هو اللي تحت العمة
والبياكات ده جو الكربراتير
وظيفة الكربراتير هو
يدخل البنزين إلي المنفول (المؤدي إلي وش السلندر ) ثم إلي البستم
ومسمار الهواء اللي في الكربراتير هو اللي بيظبط دخول الهواء إلي المنفول ثم إلي وش السلندر ثم إلي البستم
وداخل البستم يختلط الهواء مع البنزين عن طريق صباب في وش السلندر يدخل البنزين واخر يدخل الهواء
إلي البستم
فتدخل كهرباء من البوبينة إلي الاسبراتير( وظيفة الاسبراتير توزيع الكهرباء علي البساتم كل حسب وقت حاجته) ليتم الحرق ويأتي صباب للعادم يخرج العادم من البستم إلي الجكمان )
فإن كان العادم لم يحرق بشكل جيد (لم يكتمل احتراقه) يخرج العادم باللون الاسود
ولو جينا للكربراتير
وظيفته
يأخذ البنزين من التنك تسحبه الطلمبه (طلبمة البنزين) تدفعه للكربراتير في حوض الكربراتير عن طريق الاكسراتير الذي تدوس عليه 0بدواس البنزين فيضخ البنزين في الكربراتير وعن طريق البيكات ثم يدخل إلي المنفول
والمنفول هو ماسور تحت الكربراتير منه إلي الموتور يخرج واحد من الكربراتير يدخل فيالموتور 4
فأولا يشوف الكربراتير بتاع كربراتيرات
يظبط الهواء
وينضف الكربراتير ويشوف العوامه بتاعت الكربراتير ديه وظيفتها ماتخليش الكربراتير يتملي بنزين للاخر
زي بتاعة سيفون الحمام
لو ما اتظبطش
يبقي تشوف الكهرباء اللي داخلة علي البستم عن طريق بوبينة اسبراتير (ممكن يكون مأخر) أو بوجيهات واخدة رطوبه أو سلك مهرب
وبعد كده لو منفعش
يبقي تظبط تاكيهات عن بتاع تاكيهات
عشان يظبط دخول البنزين والهواء وخروج العادم
بعد كده علبة البيئة ده في الشكمان بس ديه مستبعده جدا
وربنا يوفقك

[المناور]

ربنا يبارك فيك على الشرح الوافى اللى استفدت منه فعلا وحايساعدنى كتير فى تصليحها ، كده أنا فى انتظار رد أبو نورا علشان يقولى على حد كويس شغال فى الكيا اروحله .

وجزاكم الله خيرا

[AbOnOrA]

شرح رائع تسلم ايدك mansoub504

بالنسبة لميكانيكة البرايد
1 - الورشة الكورية لاصلاح السيارات (ميكانيكا - عفشة ) اصحابها اتنين
محمد حنفى - 0125634933
بطرس شنودة - 0101196221
العنوان : 4 ش عبد الحليم محمود متفرع من ناصية ش الحرية خلف فيلات 23 يوليو بعد فندق السلام جسر السويس - امام محطة كهرباء هليوبليس

2 - شركة عبر البلاد للصناعة والتجارة
مدير مركز الخدمة
مهندس: مرسى محمد خليل
0107540334
مبنى سوق القنال الدولى امتداد جسر السويس
26239571

[المناور]

جزاك الله خيرا يا ابو نورا

طيب بالنسبة لمركز الخدمة ده عامل زى التوكيل يعنى ممكن يشوفلى العريبة ويعمل فحص شامل ليها ويطلعلى كل اللى فيها من اولها لاخرها وكلام من ده ولا ايه ؟

[المناور]

اتصلت بمركز الخدمة بتاع عبر البلاد وعرفت ان مواعيدهم من الساعة 9 صباحا لغاية 6 واجازتهم الجمعة ، على الرغم من صعوبة مواعيدهم دى إلا انى حاحاول اودى العربية يوم السبت الجاى ان شاء الله

ياريت كمان لو تقولى يا ابو نورا هما ايه نظام اسعارهم ؟