معلومة غريبة عايزين نتاكد منها

[بدر بسيونى]

ياباشا لو الموضوع ده خطر كانت اميريكا والاتحاد الاوربى اول ناس حذرت منه فى كل صفحات النت والتليفزيون فمااعتقدش ان الكلام ده صحيح وده رائ والله اعلم

[AbOnOrA]

مش عارف والله يا شريف الكلام غريب وتحس انه منطقى شوية ويقلق بس فى نفس الوقت الوصف غريب اوى وخاصة انها واحدة ست

بس علشان منخشش فى متاهات سيبك من الكروز كنترول وتخيل انك ماشى فى طريق مندى او حتى غرقان مية وسرعت شوية مش والكاوتش فرك وانت سرعت تانى برضو اكيد العربية مش هتطير برضو فما بالك ان الكروز كنترول التسارع بتاعة مش ممكن يكون عنيف او مفاجىء ابداً

كمان التقنية ديه بتسخدم بقالها اكتر من 10 سنين فى امريكا واوربا اللى الجو عندهم امطار على طول فاكيد لو الموضوع خطير وراسخ فى عقول الناس كده كان حد سمع عنه وكان اتعمله تحذير زى ما الظابط بيقول

بس فى نفس الوقت منطقى بردو ان الطريق المبتل او اللى عليه تراب او زيت يربك الكروز كنترول بس ارباك للدرجة ديه مش منطقية بصراحة

[horas3000]

المشاركة الأصلية كتبت بواسطة AboNoRa مش عارف والله يا شريف الكلام غريب وتحس انه منطقى شوية ويقلق بس فى نفس الوقت الوصف غريب اوى وخاصة انها واحدة ست بس علشان منخشش فى متاهات سيبك من الكروز كنترول وتخيل انك ماشى فى طريق مندى او حتى غرقان مية وسرعت شوية مش والكاوتش فرك وانت سرعت تانى برضو اكيد العربية مش هتطير برضو فما بالك ان الكروز كنترول التسارع بتاعة مش ممكن يكون عنيف او مفاجىء ابداً كمان التقنية ديه بتسخدم بقالها اكتر من 10 سنين فى امريكا واوربا اللى الجو عندهم امطار على طول فاكيد لو الموضوع خطير وراسخ فى عقول الناس كده كان حد سمع عنه وكان اتعمله تحذير زى ما الظابط بيقول بس فى نفس الوقت منطقى بردو ان الطريق المبتل او اللى عليه تراب او زيت يربك الكروز كنترول بس ارباك للدرجة ديه مش منطقية بصراحة

ما هو ده اللي قالقني يا ابو نورا ان الكلام يحتمل الصواب

اما تسارع الكروز كنترول فده حسب العربية. انا في عربيتي القديمة الكرايسلر كونكورد لما اكون مشغل الكروز كنترول و افصلة و ادوس علي ال Resume التسارع كان بيبقي عنيف جدا و العربية كانت بتحرق جامد عشان توصل للسرعة المخزنة في اقل وقت ممكن و لو انا فاكر الباجيرو كذلك لكن الكايين لا.

بما ان في المطر التصاق و ثبات الاطارات مبيبقاش طبيعي فده ممكن يخدع الكروز كنترول و يتوهم ان السرعة المطلوبة لم تحقق و يستمر في التسارع.

في كل الاحوال موضوع الطيران ده هو اللي مش طبيعي يعني لو كانت العربية اتزحلقت او خرجت عن السيطرة كان ممكن يكون بسبب الكروز كنترول لكن طيران دي شايفها واسعة شوية

[Brave Heart]

طبعا الكلام ده غير منطقى خالص
وفعلا عندك حق يا استاذ شريف فموضوع التسارع العنيف بتاع الكرايسلر لان انا عندى كرايسلر جراند فويجير وبرضوا لاحظت الموضوع ده مع الكروز كنترول