سيراتو...فييستا...سيتي... تيدا؟؟؟ما هي السيارة الافضل؟؟؟و لماذا؟؟؟

[king mimo20]

بصراحة افضلهم السيراتو

[MaXx]

المشاركة الأصلية كتبت بواسطة pro mada مينفعش نقارن الاربع عربيات دول ببعض عشان هما من فئات مختلفه المهم طبعا بفضل الفييستا عشان هتبقي مميز و كفايه انها امريكاني

انا زيك يا برو بفضل الفييستا ,,, بس هي اوروبى مش امريكاني و ده افضل كمان من حيث الامان ,,, و اجمل من حيث التصميم

[tigernet]

المشاركة الأصلية كتبت بواسطة king mimo20 بصراحة افضلهم السيراتو شكلا فقط

لان المقارنة يوجد فيها فورد و نيسان و هوندا
كيا فين من دول

[king mimo20]

بناء على اجماع خبراء المنتدى الكل اجمع على السيراتو من كل الجوانب ........... سعر و شكل وتقفيل وتوكيل وقطع غيار وكفاءة

[MaXx]

المشاركة الأصلية كتبت بواسطة king mimo20 بناء على اجماع خبراء المنتدى الكل اجمع على السيراتو من كل الجوانب ........... سعر و شكل وتقفيل وتوكيل وقطع غيار وكفاءة

ازاي من كل الجوانب ,,, ده حتى الكمال لله وحده

يعني من حيث الشكل ,,, الشكل عامل نسبى و لو كل الناس اتفقت هيجي واحد ويختلف معاهم ,,, و الفيستا علي سبيل المثال شكلها رائع من الخارج و الداخل ,,, و السيتي الجديدة شكلها برضو كويس و خصوصا باللون الاسود ,,, و في ناس هتقول التيدا شكلها اجمل ,,,

السعر ,,, كلهم اسعارهم متقاربة جدا زي ما قلت في مشاركة سابقة ,,,

الفئات ال اوتوماتيك جميع الكماليات ,,,

تيدا 116 الف سيدان
تيدا 127.5 الف هاتشباك
سيتي 118 الف
سيراتو 116 الف ( اقل فئة فيها ABS , EBD ) علشان الامان يقرب شوية من ال فييستا

الفيستا ب 120 الف 5 ابواب و ال 3 ابواب ب 122 الف ,,,

توكيل ,,, الفطيم هوندا ,,, فكري جروب فورد ,,, كيا ايجبت ل كيا ,,, تيدا معنديش فكرة

اللي اعرفه ان توكيل كيا عامل مركز خدمة هايل في ابو رواش

الباقي معنديش فكرة كاملة عنهم ,,, بس هيبقي عندهم هما فكرة كاملة عن العربية و تصليحها و صيانتها






التقفيل ,,, ازاي برضو تحكم ان السيراتو افضل في التقفيل من ال FORD FIESTA ??? ده علي الاقل ,,, مش هقول ال تيدا ولا السيتي لاني ما شوفتهمش من الداخل

شوف الفييستا بس و التقفيل بتاعها و جمال التبلوه ,,,

قطع غيار ,,, مش هتكلم فيها لاني معنديش فكرة عن قطع غيار كل سيارة منهم ,,, بس اللي اعرفه ان كل العربيات دي حديثة و موديلات جديدة يعني كلهم هيبقوا غاليين



الكفاءة ,,, اقولك ايه ,,, الكفاءة بتتصنف عند المصريين علي المغمض كده ,,, اوروبا و بعدها اليابان و بعدها كوريا و بعدها الصين ... بس علي الارض ممكن الكلام يتغير و لكل قاعدة شواذ ,,, و كتير شكروا في السيراتو و ده مش تقليل منها ,,,


الثبات ,,, و الامان ,,, حضرتك نسيت الاتنين دول ,,, و هما من اهم عوامل اختيار السيارة خصوصا لما يبقي سعرها عالي يعني يسمح لي بالحصول علي سيارة تحتوي علي انظمة امان و ثبات

و دول هيكونوا متوفرين في الفورد رقم واحد ,,, و يليها الباقي و مش هرتب


_______________

العيب الموجود في الفيستا كالتالي ,,, 1400 سي سي ,,, و مش هتشد زي ال 1600 سيراتو و تيدا او 1500 سيتي ,,,

سعر اعادة البيع ( و لو اني مش بحب اقول العامل ده اصلا لان كل العربيات سعر اعادة البيع هيتنفض في الارض في خلال 5 سنين ) هيكون قليل نظرا لانها مش منتشرة ...

قطع الغيار هتلاقيها في التوكيل و ممكن يكون في محل برا بيبيع قطع غيار فورد نظرا لانتشار فوكس علي استحياء حتي الان ,,,