ان شاء الله هستلم النيو اكسنت بعد العيد

[shevechinco]

ربنا يكرمك يا رجال المنتدي وجزاكم الله كل خير في سؤال مهم لو لاقدر الله و طلع اي مشكلة من السابق ذكرها ما العمل خصوصا اني مشتريها تبع بنك ناصر و المفروض البنك واخد رقم الشاسية و الماتور

[shevechinco]

المشاركة الأصلية كتبت بواسطة a7lahamada يستحيل التوكيل يضحك عليك ويديك 2009 مكان 2010 الفرق بين 2009 و 2010 العدادات بتاعت 2010 بتنور ابيض ال 2009 بتنور اخضر اما باقي السيارة زي ما هي المفروض هتستلم 1.الكوريك 2.الاستبن 3.شنطة العدة 4.ممكن المثلث العاكس 4.4طاسات عجل 5.ضمان البطارية 6.كتالوجات السيارة 7.لو الاريل بتاع العربية بيتفك ويتركب هتستلموا 8.عدد2 مفتاح للسيارة (1ريموت والتاني لا او الاتنين ريموت) انا مش فاهم قصد حضرتك بتركيب السنتر والانذار هي العربية اساسا بتيجي متركب فيها السنتر والانذار مش انت الي بتركبهم والكاسيت كمان راديو CD علشان حضرتك مش هتسلم من الفرع الاصلي الي في ابو رواش تكون عاملة حوالي 100 او 200 كيلو حضرتك تجرب الكاسيت والتكيف و4 زجاج كهرباء والسنتر وانوار العربية كلها وتفحص السيارة علشان لو فيها خبطة الورق الي حضرتك بتستلموا الافراج الجمركي علشان دي مستوردة + ورق السيارة المعتاد الي مكتوب فية اللون ورقم الماتور والشاسية وورقة بتخدها من المعرض خطاب مرور علشان ترخص التكلفة لا تتعدي 400 بس لازم يكون معاك طفاية حريق والف مبروووك مقدمااااااا

اوضح لحضرتك موضوع السنتر و الانذار و الكاسيت العربية بتيجي من برة من غيرهم و بيركبوا هنا و دة الي عرفتة من التوكيل امبارح

[a7lahamada]

المشاركة الأصلية كتبت بواسطة shevechinco اوضح لحضرتك موضوع السنتر و الانذار و الكاسيت العربية بتيجي من برة من غيرهم و بيركبوا هنا و دة الي عرفتة من التوكيل امبارح

لا طبعا ليس بة اي مشكلة بدل متركب في التوكيل يبقي خلاص انسي اي حاجة

[AbOnOrA]

الف مبروك مقدماً وربنا يهبك خيرها ويكفيك شرها . استاذ صقر واستاذ حمادة قالو كل حاجة بس اهم اهم حاجة متتسرعش فى الاستلام زى ما ناس كتير بتعمل وتعتبر وقت الاستلام ده هى وقت الشراء الحقيقى فلازم تاخد كل وقتك فى ركوب العربية وتجربة كل حاجة فيها حتى التكييف وتتاكد ان البودى سليم ومفيش خدوش او خبطات او تغيير فى لون الدهان وتبص على الفيبر الداخلى كله سليم ومفيش حاجة مشروخة مثلاً وكل اكسسوارات الكهرباء شغالة وتتاكد ان كل حاجة مكتوبة فى محضر الاستلام موجودة معاك

[solidsnake]

السلام عليكم
كلام جميل اوى ، انا بس ممكن اسال لانى هاشترى النيو اكسنت قريب ان شاء الله وكنت بفكر فى الاسئلة دى
طيب لو فى مشكلة ما اتصرف ازاى و ايه اللى اعمله بالضبط ، و خصوصا انى مش هاشترى من التوكيل لان ده هيكون بالتقسيط ,,,,, و ايه اللى المفروض اراجعه فى العربية و ازاى,,,,, انا اسف بس اصل دى هتكون اول عربية لى ومفيش خبرة عندى