تقرير عن اللوجان الجديده من الاخر بالصور

[POP EL GAMED]

المشاركة الأصلية كتبت بواسطة pro mada العربيه دي يا جماعه من الاخر كده عربيه كويسه و محركها هو محرك الميجان مو 99 و العربيه انا عارف شكلها قديم حبتين و تابلوها شكله مش حلو اوي برضه ( يعني العربيات اللي دايما نقارنهم بيها شكلهم عدل اوي يعني ) بس خاماتها كويسه و تقفيلها كويس ( ما بقولش ان خاماتها او تقفيلها ممتازين بقول كويسين ركزوا معايا شويه ) و واسعه من جوه بس فيها مقلب سخن الا و هو قطع الغيار اللي مش موجوده بره التوكيل ( ده علي كلام احد ملاكها من معارفي ) و جوه التوكيل في شويه حاجات مش موجوده و اللي موجود غالي معرفش ليه ؟؟؟؟؟؟ اما موضوع الصيانه فهو صعب حبتين بره التوكيل عشان الميكانيكيه اللي بيشتغلوا فيها ( او في الرينو عموما ) قليلين فلازم تتابع صيانتها في التوكيل و نسيت اقول ان الناس اللي اشتريتها بتشكر في العفشه بتاعتها و بتستحمل المطبات و الحفر و النؤر و الاقفاص و البلاعات و الحيوانات و الازاز المكسر والطوب و الي اخره من بلاوي طرق مصر فمن الاخر كده اللي عايز يشتريها يتوكل علي الله بس هيتابع الصيانه في التوكيل و هيستحمل اعار قطع الغيار الحراقه بعد ما الضمان يخلص يكون ربنا عدلها و اتوفرت قطع غيارها بره التوكيل ( و لو كمان تكون رخيصه تبقي حصلت معجزه ) و اسيبكو بقي عشان طولت عليكم و عايز اخد غطس في السرير

العربيه مفيهاش مقلب سخن ولا اى حاجه يا عم مادا
العربيه لسه جديده فى السوق عشان كده حاجتها مش منتشره انما بقت موجوده بره التوكيل
غير كده دى عربيه زيرو ومعاك ضمان ودافع تمنه يعنى لازم تستفيد منه وقطع الغيار الاصليه فى التوكيل مش حراقه ولا حاجه الاسعار تعتبر مقاربه لاسعار اى عربيه فى نفس الرينج فى التوكيل يعنى مفيهاش اى مقالب والعربيه مش معقده عشان تبقى محتاجه تروح التوكيل (بس برضه هتروح التوكيل عشان الضمان)
وعلى ما ربنا يكرم وتخلص فتره الضمان العربيه بتنتشر بسرعه كبيره جدا وهتلاقى فيه صنايعيه كتير شغالين فيها وقطع غيارها هتبقى زى اللانوس والفيرنا(اكثر عربيتين انتشارا فى الفئه الاقتصاديه)يعنى اللى هيجيبها مش هيتلسع لا من اسعار قطع الغيار الحراقه ولا المقلب السخن بتاع ان قطع الغيار مش موجوده
وارجو ان وجهه نظرى تكون وصلتلك يا جميلptmnlo123per122

[pro mada]

المشاركة الأصلية كتبت بواسطة POP EL GAMED العربيه مفيهاش مقلب سخن ولا اى حاجه يا عم مادا العربيه لسه جديده فى السوق عشان كده حاجتها مش منتشره انما بقت موجوده بره التوكيل غير كده دى عربيه زيرو ومعاك ضمان ودافع تمنه يعنى لازم تستفيد منه وقطع الغيار الاصليه فى التوكيل مش حراقه ولا حاجه الاسعار تعتبر مقاربه لاسعار اى عربيه فى نفس الرينج فى التوكيل يعنى مفيهاش اى مقالب والعربيه مش معقده عشان تبقى محتاجه تروح التوكيل (بس برضه هتروح التوكيل عشان الضمان) وعلى ما ربنا يكرم وتخلص فتره الضمان العربيه بتنتشر بسرعه كبيره جدا وهتلاقى فيه صنايعيه كتير شغالين فيها وقطع غيارها هتبقى زى اللانوس والفيرنا(اكثر عربيتين انتشارا فى الفئه الاقتصاديه)يعنى اللى هيجيبها مش هيتلسع لا من اسعار قطع الغيار الحراقه ولا المقلب السخن بتاع ان قطع الغيار مش موجوده وارجو ان وجهه نظرى تكون وصلتلك يا جميلptmnlo123per122

يا بوب يا حبيب قلبي
انا وجهه نظري في العربيه دي كالتالي :
العربيه فرنساوي يعني ليها برستيج عن العربيات الكوري اللي بتتقارن بيها و طبعا خاماتها و تقفيلها افضل 1000000000 مره من العربيات الكوري اللي بتتقارن بيهم و لكن نيجي لموضوع قطع الغيار انا شايف انه اساسي ان قطع غيار االفرنساوي بتبقي اغلي بمراحل عن قطع غيار الكوري و ده عامه و طبعا التكنولوجي في الفرنساوي احدث بمراحل من التكنولوجي الموجود في العربيات الكوري
و دي وجهه نظري و عايزك تعلق عليها عشان بحب استفاد منك في مواضيع العربيات الاوروبي و ميرسي علي تعليقك يا بوب

[POP EL GAMED]

مثال بسيط جدا وهو الفانوس الامامى
الفانوس فى التوكيل ب535 على ما اعتقد
بقى موجود دلوقتى بره ب320 جنيه كورى
طبعا الحق يتقال انه اغلى من بتاع اللانوس والفيرنا بمبلغ كويس يمكن الضعف بس انه يقل عن التوكيل حاجه فى حدود ال200 جنيه دى طبعا حاجه جميله خصوصا ان العربيه مكملتش سنه فى السوق بالفيس ليفت بتاعها والحجز بتاعها شغال زى الفل والحجز مش اقل من 3 شهور يعنى العربيه فى طريقها للانتشار انما برضه منافسينها بقالهم فى السوق المصرى وقت اد ايه؟؟؟؟؟؟
واحكيلك على موقف شخصى:انا كنت فى مشوار جنب وحده تراخيص مرور فيصل وكنت منتظر واحد وقفت جنب المنطقه اللى بيترخص فيها العربيات الجديده لقيت على مدى ساعه 6 عربيات لوجان داخلين الفحص(عشان يترخصوا وواحده شفتها واقفه بره بعد الموضوع ده كانت بيركبلها نمر يعنى شفت 7 لوجان داخلين الترخيص فى وحده فيصل بس فى ساعه يمكن كان الوقت ده وقت ضغط من اللوجان بس نقول مثلا انه بيترخص منها فى وحده فيصل فى حدود ال10 فى اليوم طيب وبقيه الوحدات محدش يقدر ينكر ان العربيه عامله شغل كويس جدا فى السوق ولسه هتعمل اكتر من كده وارجو انك تكون فهمت وجهه نظرى بالنسبه لموضوع قطع الغيار ده

[pro mada]

المشاركة الأصلية كتبت بواسطة POP EL GAMED مثال بسيط جدا وهو الفانوس الامامى الفانوس فى التوكيل ب535 على ما اعتقد بقى موجود دلوقتى بره ب320 جنيه كورى طبعا الحق يتقال انه اغلى من بتاع اللانوس والفيرنا بمبلغ كويس يمكن الضعف بس انه يقل عن التوكيل حاجه فى حدود ال200 جنيه دى طبعا حاجه جميله خصوصا ان العربيه مكملتش سنه فى السوق بالفيس ليفت بتاعها والحجز بتاعها شغال زى الفل والحجز مش اقل من 3 شهور يعنى العربيه فى طريقها للانتشار انما برضه منافسينها بقالهم فى السوق المصرى وقت اد ايه؟؟؟؟؟؟ واحكيلك على موقف شخصى:انا كنت فى مشوار جنب وحده تراخيص مرور فيصل وكنت منتظر واحد وقفت جنب المنطقه اللى بيترخص فيها العربيات الجديده لقيت على مدى ساعه 6 عربيات لوجان داخلين الفحص(عشان يترخصوا وواحده شفتها واقفه بره بعد الموضوع ده كانت بيركبلها نمر يعنى شفت 7 لوجان داخلين الترخيص فى وحده فيصل بس فى ساعه يمكن كان الوقت ده وقت ضغط من اللوجان بس نقول مثلا انه بيترخص منها فى وحده فيصل فى حدود ال10 فى اليوم طيب وبقيه الوحدات محدش يقدر ينكر ان العربيه عامله شغل كويس جدا فى السوق ولسه هتعمل اكتر من كده وارجو انك تكون فهمت وجهه نظرى بالنسبه لموضوع قطع الغيار ده

انا فاهم وجهه نظرك يا بوب
و هي وجهه نظر صح
و انا سعيد بالنقاش معاك حوالين العربيه دي

[zkralla]

المشاركة الأصلية كتبت بواسطة POP EL GAMED مثال بسيط جدا وهو الفانوس الامامى الفانوس فى التوكيل ب535 على ما اعتقد بقى موجود دلوقتى بره ب320 جنيه كورى طبعا الحق يتقال انه اغلى من بتاع اللانوس والفيرنا بمبلغ كويس يمكن الضعف بس انه يقل عن التوكيل حاجه فى حدود ال200 جنيه دى طبعا حاجه جميله خصوصا ان العربيه مكملتش سنه فى السوق بالفيس ليفت بتاعها والحجز بتاعها شغال زى الفل والحجز مش اقل من 3 شهور يعنى العربيه فى طريقها للانتشار انما برضه منافسينها بقالهم فى السوق المصرى وقت اد ايه؟؟؟؟؟؟ واحكيلك على موقف شخصى:انا كنت فى مشوار جنب وحده تراخيص مرور فيصل وكنت منتظر واحد وقفت جنب المنطقه اللى بيترخص فيها العربيات الجديده لقيت على مدى ساعه 6 عربيات لوجان داخلين الفحص(عشان يترخصوا وواحده شفتها واقفه بره بعد الموضوع ده كانت بيركبلها نمر يعنى شفت 7 لوجان داخلين الترخيص فى وحده فيصل بس فى ساعه يمكن كان الوقت ده وقت ضغط من اللوجان بس نقول مثلا انه بيترخص منها فى وحده فيصل فى حدود ال10 فى اليوم طيب وبقيه الوحدات محدش يقدر ينكر ان العربيه عامله شغل كويس جدا فى السوق ولسه هتعمل اكتر من كده وارجو انك تكون فهمت وجهه نظرى بالنسبه لموضوع قطع الغيار ده

دخل مصر خلال شهر اكتوبر 875 سيارة رينو منهم 812 سيارة لوجان و 62 سيمبول وسيارة ميجان