تأجيل مشروع إحلال الملاكي خوفاً من الإعتراض الشعبي!

[فــيــروز]

أعتقد أن موضوع التاكسى كان فيه قدر من الإجبار ولم ينجح لله فى لله كده .. بل لوجود صعوبات فى تجديد الترخيص لأصحاب السيارات القديمه و لأن السياره هى وسيلة تكسّب السائقين كان لازم يرضخوا ..
ما أستغرب له حقّا موضوع الحفاظ على البيئه التى يتحجّج بها مشروع الإحلال !! يعنى فى بلد السحابه السودا و أهرامات الجيزه التى أصبحت أربعه بعد إضافة هرم زباله و إلقاء مخلّفات المصانع فى النيل و تقنين هذا يكون الحديث عن الحفاظ على البيئه عبثيا جدّا !! و بعدين همّا عاوزين ينشّطوا صناعة السيارات ليه عن طريق إجبار المشترين على تبديل سياراتهم ولا يفكرون فى إجبار الوكلاء على تخفيض الأسعار أو حتى يخفّضوا همّا الضرايب و الجمارك !! حاجه تقرف ptmnlo123per111

[هيثم شاهين]

معاك حق يا فيروز

[فادى]

اعتداء سافر على حرية و حقوق المواطن, و أملاكه,
اعتداء غير مقبول و غير دستورى,
انا عندى حل,
احنا نشوف و نطقس و نعرف عم غبور دفع كام للحكومة من الأخر كده, و نلم من بعضنا و نزود على المبلغ بتاعه شوية, و ندفعهم للحكومة مقابل ايقاف المشروع.
ايه رأيكو؟؟

بس والله والله الشعب المصرى بيضحكنى فى حاجة
لما بيشوفوا السيارات المعفنه بتاعت التاسى يقولو شوفو البلد المعفنه وشكل التاكسى الزباله بتاعها
ولما الحكومة تحاول تخلى شكل البلد كويسه بتغيير التاكسى اللى عد عليه 40 سنة 40 سنة يعنى زمانه أدفن نقول ده إعتداء على الأنسانية,أنا زهقت

[mokhtar872000]

يا حازم معدش حد عارف البلد دى رايحه على فين
المهم عمو منصور وعمو غبور يملوا كروشهم ويمصوا دم الشعب والناس الكبيره برضه لازم تنبسط وناخد حته من التورته والمواطن الغلبان هو اللى يروح فى داهيه....
يعنى اللى راكب 128 موديل 80 او 83 وشايلاه هو واسرته وراحماه من بهدله المواصلات وقرفها ويادوب بيدفع بنزين 80 وصيانه بسيطه ليها .... ايزينه يجيب مثلا فيرنا ويدفعله قسط مش اقل من 800 جنيه ير البنزين والصيانه وهو ممكن يبقى موظف حكومى او دخله على قده ويادول معيشه وقيس بقى الكلام ده على الغالبيه العظمى من الشعب المصرى ... دى تبقى حكومه ظالمه
وبعدين الموديل مش معيار فى عربيات 132 و 131 وبيجو 504 و505 ومرسيدس موديلات اواخر سبعينات واواءل تمنينت دى ان شاء الله هاتترمى ولا ايه والله العظيم ركبت مع واحد صاحبى عربيته 132 موديل 78 بسم الله ماشاء الله احسن من الزيرو والسحي والجرى مايوصفش زى الوحش ولا بتكركر ولا بتدخن يبقى تترمى ازاى ... حد يفهمنى