هل الكلام دا صحيح ؟؟؟؟؟؟؟

[جورج شاكر شوقي]

التاكسي مش مقياس ان الموتور حلو ولا لا لان اصحاب التاكسي بيبص لاقل تكلفة وبعدين مش بيعملو صيانة في موعدها انا كذا مرة اشوف تاكسي اسبرانزا قطعة كتينة علشان بيغير السير من غير ميغير البلي بيمشي علي البلي مرتين و الي يكون الموتور قفش بسبب عدم تغيير الزيت والي بيحط بنزين 80 علشان يوفر وتقعد المكنة تصقف يعني من الاخر العيب مش في الموتور العيب علي صاحب العربية

[ashraf mahmoud]

انا فاكر انى شفت فيديو ع اليوتيوب شركة مرسيدس عملوا اختبار لمحرك وصلوا بية لمليون كم وفكوة حتة حتة عشان يبينوا الجودة وكانوا فخورين جدا بية فبالعقل كدا لو الكلام دا صحيح كانت اسبرانزا فرجتة للعالم كلة انا نفسى بس اما يجيوا يعملوا دعاية متبقاش كدا يعنى محدش يصدق كدا ابدا ولو حتى قالوا مليون مصدقهمش برضة مع انى معايا اسبرانزا ونفسى يعيش كدا بس احنا ف واقع وحقيقة انه عمرة ما يوصل لكدا ابدا

[khaabas]

المشاركة الأصلية كتبت بواسطة mr_astra الجديد بقى ان الموتور دة مش بيعيش فى الاسبرانزا ...... مع انة موتور حلو اوى واتجهو لمواتير الجولف 3

مواتير الجولف بتركب على الشيرى a11 موش الاسبرانزا

[Hisham.Elgazzar]

المشاركة الأصلية كتبت بواسطة khaabas مواتير الجولف بتركب على الشيرى a11 موش الاسبرانزا

مهو الشيرى والإسبرانزا اه ........ واحد

المشاركة الأصلية كتبت بواسطة ashraf mahmoud قرات النهاردة ف اهرام الجمعه ان الانفى محركها من شركة avl النمساوية دا كلنا عارفينة لكن الجديد انهم كاتبين ان تم عمل اختبار ع المحرك بتاعها لمسافة 3 مليون كم للمحرك واعطى نتائج هائلة انا مش مصدق الصراحة ان المحرك دا ممكن يعيش لمسافة 3 مليون كم بصراحة صعبة اوى معقول يعيش كل دا من غير حتى ما يتعمل عمرة او يتغير او يحصل مشاكل اخرى فية وعشان محدش يفكر انى داخل اعيب ف العربية انا معايا اسبرانزا m11 ومقتنع بيها تماما بس الكلام لازم يكون معقول 3 مليون كم كتييييير اوى هل تتوقعوا ان الكلام دا صحيح

لو سمحت حاول تنقل لينك الخبر لأن مفيش موتور ديزل ولا بنزين ممكن يعمل 3 مليون كيلو متر من غير عمرة او على الأقل تغيير شنابر مستحيييييل حتى لو موتور بوجاتى فيرون

[ashraf mahmoud]

http://digital.ahram.org.eg/Communit...Serial=1272564
اتفضل ياباشا
تمتع محرك شيرى ACTECO بأدائه الفائق وقد صممته كل من شيرى وAVL. وقد أجريت تجارب قيادة على هذا المحرك الجديد بلغت 3 مليون كم و10000 ساعة من الاختبارات الثابتة الأخرى طبقا للمعايير الأوروبية والأمريكية. وبعد تعرض المحرك لدرجة حرارة فائقة واختبارات قاسية، أثبت كفاءته بجدارة على العمل فى أقصى الظروف البيئية.