سؤال عن فلتر الزيت .. الكيلومتر والتركيب

[saleh samir]

المشاركة الأصلية كتبت بواسطة Hisham.Elgazzar الكلام ده غلط انت لو حطيت زيت ال 10000 فى العربية الموتور هيفوت قبل ما يوصل 5000 لأن العربيات اللى بتستخدم زيت معدنى عشان تغير لزيت تخليقى لازم يكون زيرو ومفيش حاجة اسمها مصرى 10 الاف ومستورد 20 الف تقبل تحياتى

امممممم انا حاسس ان حضرتك فهمتنى غلط ..انا كان قصدى ب ال 10000 وال 20000 ع فلتر الزيت ..مش ع زيت الموتور انا عارف ان موتور عربيتى مينفعش احطلو زيوت تقيلة .. بس انا كان قصدى ع الفلتر والراجل كمان كان قصدو ع الفلتر الزيت

[zing0]

انا عارف ان موتور عربيتى مينفعش احطلو زيوت تقيلة

أنا إللى أعرفه إن مواتير العربيات القديمة المفروض يتحطلها زيوت ثقيله زى التعاون و موبيل دلفاك بتاع الديزل؟

أرجو تصحيح المعلومة للإستفاده
و متابع معاكم

[saleh samir]

المشاركة الأصلية كتبت بواسطة zing0 أنا إللى أعرفه إن مواتير العربيات القديمة المفروض يتحطلها زيوت ثقيله زى التعاون و موبيل دلفاك بتاع الديزل؟ أرجو تصحيح المعلومة للإستفاده و متابع معاكم

بص بصراحة انا معرفش ايه هيا الزيوت المعدنية والزيوت التخليقية .. بس انا بحط زى ما حضرتك قولت زيت التعاون وماشى معايا كويس تمام

[Hisham.Elgazzar]

المشاركة الأصلية كتبت بواسطة saleh samir امممممم انا حاسس ان حضرتك فهمتنى غلط ..انا كان قصدى ب ال 10000 وال 20000 ع فلتر الزيت ..مش ع زيت الموتور انا عارف ان موتور عربيتى مينفعش احطلو زيوت تقيلة .. بس انا كان قصدى ع الفلتر والراجل كمان كان قصدو ع الفلتر الزيت

ربنا يخليك
هو يفضل الفلتر تغييره كل غيارين تلاتة زيت او كل موسم مع تغيير الزيت برضو
والزيت الأمثل لعربيتك لزوجته 20W-50 او 20W-40 مش أقل من كده
لأن الفيات معروف انه بيحتاج زيوت لزوجة عالية شوية

[Hisham.Elgazzar]

المشاركة الأصلية كتبت بواسطة zing0 أنا إللى أعرفه إن مواتير العربيات القديمة المفروض يتحطلها زيوت ثقيله زى التعاون و موبيل دلفاك بتاع الديزل؟ أرجو تصحيح المعلومة للإستفاده و متابع معاكم

خلى بالك الدلفاك بقى مضروب اليومين دول حطيناه فى عربياتنا انا وحمدى وايمن ومصطفى واسلام لقيناه زى المية
بلغ كل الناس ان الدلفاك اللى فى السوق كله بقى مضروب

مش عارف هى شركات الزيوت بتضحك علينا ولا اه ؟؟؟
وكارز أدماير نصحنا باستخدام شيل ريميولا
وحمدى قاللى حط زيت شيل الاحمر 20-50