|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
 |
|
|
أدوات الموضوع |
|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
|
|
أدوات الموضوع |
|
#6
03-04-2013, 12:03 PM
|
||||
|
||||
رد: سؤال بخصوص قاعدة الفتيس والشكمان
موضوع الناس الى جات تتفرج على العربية من غير ما يتعرفه دول مقلق جدا !!!!!
ربنا يحفظك و يحفظنا جميعا ياريت حضرتك انت الى تجيب قطع الغيار بنفسك .... انا مش بقول ان الميكانيكى حيسرقك او حيركب قطع غيار قديمة على انها جديدة ..... انت الى لازم تعرف ايه الى ركبتوا فى عربيتك و دى احسن حاجة فى السوق و لا لأ ..... ده عن تجربة مع 2 ميكانيكية ... واحد هو الى كان بيجبلى قطع الغيار ... و التانى كان بيخلينى انا الى اروح اجيب قطع الغيار اما بالنسبة لقنطرة الفتيس ..... اعتقد و الله اعلم .. ان حضرتك لازم تسند الفتيس الاول ... و بعدين تفك القنطرة .... تلحم الى انت عاوزه و بعدين ترجع تركب القنطرة تانى ..... مش حينفع تسيب الفتيس محمل على الموتور و بس .... و خاصة ان حضرتك عندك فتيس غرز كمان ... يعنى مجموعة الفتيس حتكون تقيلة شوية ممكن اقترح عليك حاجة ؟؟ ممكن تفك الشكمان من عند الفرن .... و تخرجه كله بره و تلحم الى انت عاوزه و ترجع تركبه تانى .... اعتقد انه حيكون حل افضل لو ينفع انه يتعمل اه ... فيه مسمار مش مربوط كويس فى القنطرة !!!!
__________________
|
|
#7
03-04-2013, 12:50 PM
|
||||
|
||||
رد: سؤال بخصوص قاعدة الفتيس والشكمان
 فيه مسمار مش مربوط فى القنطرة والشكمان ممكن يتلحم بس يفضل تغير مسورة بدل مايعمل شغل عك انا مش مبسوط من اللى بيعمله الميكانيكى ده فى العربية
|
|
#8
03-04-2013, 01:30 PM
|
||||
|
||||
|
رد: سؤال بخصوص قاعدة الفتيس والشكمان
ahmed_eng2001
شكرا يا يا استاذ احمد عالرد والاهتمام بالنسبه لموضوع الناس ده انا قولتلهم فى الجراج ان محدش يخرج بالعربيه غيرى وانى لو هبعت حد للعربيه هقول للسايس بنفسى وان شاء الله يكون الموضوع انتهى ومفيش منه قلق وبالنسبه لقطع الغيار انا هحاول الفتره الجايه اجيب بنفسى وأمرى لله وبالنسبه لقنطره الفتيس فعلا لازم تتسند منا شوفت الولد لما كان شغال فى الفتيس وكده كان حاطط تحت الفتيس سنادات وموضوع الشكمان ده الصراحه انا شكلى مش هعمله وحاسس انها حاجه تافهه والواد مكبرها عشان اروحله لانه امبارح بيقولى عايزين كمان نغير قاعده الفتيس وانها ب 250 جنيه مع العلم انه متعود هوه اللى يجيب قطع الغيار مع انى انا شايف من الصوره ان القاعده كويسه ! والغريب انه مقاليش انها عاوزه تتغير يوم مكان شغال فى العربيه وفاكك الفتيس قالى الشكمان فى حته صغير حاول تلحمها وامبارح لما كلمنى لقيت الكلام اتغير وبيقولى عاوزين نغير قاعده الفتيس قولتله انت مقولتليش كده قالى نسيت !! انا خدت بالى من المسمار ده !!!! هل ممكن يكون الواد عاملها عن عمد عشان احتاج اغير قنطره ؟ طب ينفع اخد بنز واروح اربطه انا ؟
__________________
|
|
#9
03-04-2013, 01:35 PM
|
||||
|
||||
|
رد: سؤال بخصوص قاعدة الفتيس والشكمان
Hisham.Elgazzar
شكرا يا استاذ هشام عالرد والاهتمام طب هل حضرتك تعرف تكلفه الماسوره كام ؟ وهل تعتقد الميكانيكى ساب المسمار ده عن عمد عشان القنطر تقع ويطلع بمصلحه ؟؟؟؟ هل ينفع اخد بنز واروح اربطه انا ؟ انا كنت مبسوط جدا من شغله الصراحه وبقول انه احسن من اخوه اللى سافر وبشكر فيه لابويا بس شكلى كده هتقفل منه
__________________
|
|
#10
03-04-2013, 04:38 PM
|
||||
|
||||
|
رد: سؤال بخصوص قاعدة الفتيس والشكمان
العفو ... كلنا اخوة
 فى الغالب بيكون فيه قواعد كاوتش صغيرة بين الفتيس و بين القنطرة دى ... و احتمال يكون الميكانيكى بيقصد القواعد الكاوتش دى انا متفق مع الباشمهندس هشام الجزار ان الميكانيكى ده ..... كلامه مش مريح حضرتك ممكن تنزل تحت العربية و تربط المسمار الى مش مربوط كويس ... الموضوع بسيط ان شاء الله اما عن ان الميكانيكى كان قاصدها و لا لأ ..... فدى حاجة علمها عند ربنا .... انا مبحبش اتهم حد بحاجة !! احتمال يكون المسمار فك لوحده ..... و ده خطير جدا !!!! حضرتك حتعرف لما تربط المسمار
__________________
|
|
|
|
فيه مسمار مش مربوط كويس فى القنطرة !!!!
