السفر بال 128 ارجو المساعدة

[jojojojojo]

خد مواصلات اوفرك وريح دماغك

[ezzat2002mo]

تكرارا واستكمالا لما قاله الاعضاء الاعزاء احب اضيف شوية حاجات بم انى مالك لها بقالى 8 سنوات:
1- سلك دبرياج احتياطى اوعى تجيب المصرى لان المصرى بيقطع بعد كام يوم وعن تجربه الايطالى او اى نوع مستورد بيدى امارات يعنى الواير ينسل حبه حبه لحد لما يقطع.
2- شيك على الكبالن كويس يعنى لو فيه واحد او الاتنين بيطقطقوا بلاش تسافر احسن لانه لو فرط منك هتحتاس وخاصه لو على الطريق الصحراوى لازم تتجر.
3- تشبك على الزيت والمياة والبنزين والاستبن والكوريك .
4- يكون معاك فلوس احتياطى حوالى 200-300جم لاى حركة ندالة منها وبتحصل احيانا .
5- المساحات شغاله علشان المطر ومن غيرها مش هتعرف تمشى .
6- النور العالى والواطى مهم جدا يكون شغال.
7- تاخد زجاجات مياة مليانه كتير علشان لو الرادياتير بينقص فجاة فى السكة ماتقعدش تدور على حد يديك.
8- لازم يكون معاك موبايل لاى ظروف طارئه ويكون من الافضل انك تعرف نمرة ميكانيكى او اكتر علشان ممكن تحتاجه.
9- ودى مش اساسى بس ممكن تحتاجها انا عمرى ما احتاجتها وهى طقم بوجيهات احتياطى ومفتاح بوجيهات لتغييرهم وبرضه كام فيوز احيتياطى الواحد بربع جنيه لو حاجه ضربت
ولو افتكرت حاجه تانيه هبقى اقولك عليها وبالتوفيق بس الاهم دعاء السفر
" الله اكبر, الله اكبر, الله اكبر, سبحان الذي سخر لنا هذا وما كنا له مقرنين , وانا الى ربنا لمنقلبون , اللهم انا نسالك في سفرنا هذا البر والتقوى , ومن العمل ما ترضى, اللهم هون علينا سفرنا هذا , واطوا عنا بعده ,اللهم انت الصاحب في السفر , والخليفه في الاهل ,اللهم اني اعوذ بك من وعثاء السفر , وكآبة المنظر ,وسوء المنقلب في المال والاهل"

[waleed mamdouh]

المشاركة الأصلية كتبت بواسطة ezzat2002mo تكرارا واستكمالا لما قاله الاعضاء الاعزاء احب اضيف شوية حاجات بم انى مالك لها بقالى 8 سنوات: 1- سلك دبرياج احتياطى اوعى تجيب المصرى لان المصرى بيقطع بعد كام يوم وعن تجربه الايطالى او اى نوع مستورد بيدى امارات يعنى الواير ينسل حبه حبه لحد لما يقطع. 2- شيك على الكبالن كويس يعنى لو فيه واحد او الاتنين بيطقطقوا بلاش تسافر احسن لانه لو فرط منك هتحتاس وخاصه لو على الطريق الصحراوى لازم تتجر. 3- تشبك على الزيت والمياة والبنزين والاستبن والكوريك . 4- يكون معاك فلوس احتياطى حوالى 200-300جم لاى حركة ندالة منها وبتحصل احيانا . 5- المساحات شغاله علشان المطر ومن غيرها مش هتعرف تمشى . 6- النور العالى والواطى مهم جدا يكون شغال. 7- تاخد زجاجات مياة مليانه كتير علشان لو الرادياتير بينقص فجاة فى السكة ماتقعدش تدور على حد يديك. 8- لازم يكون معاك موبايل لاى ظروف طارئه ويكون من الافضل انك تعرف نمرة ميكانيكى او اكتر علشان ممكن تحتاجه. 9- ودى مش اساسى بس ممكن تحتاجها انا عمرى ما احتاجتها وهى طقم بوجيهات احتياطى ومفتاح بوجيهات لتغييرهم وبرضه كام فيوز احيتياطى الواحد بربع جنيه لو حاجه ضربت ولو افتكرت حاجه تانيه هبقى اقولك عليها وبالتوفيق بس الاهم دعاء السفر " الله اكبر, الله اكبر, الله اكبر, سبحان الذي سخر لنا هذا وما كنا له مقرنين , وانا الى ربنا لمنقلبون , اللهم انا نسالك في سفرنا هذا البر والتقوى , ومن العمل ما ترضى, اللهم هون علينا سفرنا هذا , واطوا عنا بعده ,اللهم انت الصاحب في السفر , والخليفه في الاهل ,اللهم اني اعوذ بك من وعثاء السفر , وكآبة المنظر ,وسوء المنقلب في المال والاهل"

الله يفتح عليك أحسن حاجة قولتها دعاء السفر وجزاك الله خيرآ
معلش أنا على قدى بس عن نفسى بحاول على قد مقدر اريح العربية وأنا ماشى طريق طويل بمعنا حسيت الطريق مطلع متقرص على العربية وسبها تطلع برحتها ولو منزل ريح رجلك من على دواسة البنزين وتوصل بسلامة أن شاء الله

[abdalaha]

الف شكر ياجماعة ويارب كل واحد معاه 128 ربنا يرزقه بالاريح والافضل ويوسع رزقنا جميعا

[mahmoud_elprenice]

انا عايز اقول لك حاجة سافر من غير ما تروح عند اى حد ولا تغير اى شى انا معايا 128 طول عمرى بسافر بدون تظبيط اى حاجة كنت زمان بسال اظبط اية وفى مرة روحت غيرت طقم الكهرباء قبل السفر والكوندنسير فصل وياريتى ما سمعت كلام حد تبقى العربية ماشية كويس تروح تظبط حاجة تتعفرت لو انت مش مسافر ظبط اللى انت عايزة علشان حتجرب اللى غيرتة داخل البلد ولو مسافر والعربية مظبوطة نصيحة مترحش لمكانيكى ولا اى صانيعى قبل السفر وهذا عن تجربة