لو هترتب العربيات دي هترتبهم ازاي ياريت كل واحد يخش يقول رايه وخبرته عشان نستفيد

[mr_astra]

العبرة فى الترتيب هى اولوياتك
يعنى لو عاوز قطع غيار رخيصة ومنتشرة بس العربيات تعبانة
يبقى الكورى زى ما الاخوة قالو
لانوس ،،فيرنا ........ الخ

انما لو عاوز عربيات بجد بس قطع غيار اغلى
اعمل العكس على طول

[Sameh Ragih]

المشاركة الأصلية كتبت بواسطة mr_astra العبرة فى الترتيب هى اولوياتك يعنى لو عاوز قطع غيار رخيصة ومنتشرة بس العربيات تعبانة يبقى الكورى زى ما الاخوة قالو لانوس ،،فيرنا ........ الخ انما لو عاوز عربيات بجد بس قطع غيار اغلى اعمل العكس على طول

[abdalaha]

يعني اللانوس والفيرنا عربيات تعبانة اومال ايه بقي الي يتركب في الرينج السعر ده

[mr_astra]

اخى
انا قصدى عربيات تعبانة بالمقارنة بالاوروبى
المدارس كتير
الاوربى
اليابانى
الكورى
الامركانى

كل مدرسة لها مميزات ولها عيوب
وخاصة فى مصر
المثلث مقلوب
وخلاصة السوق هنا يتلخص فى كلمتين
ان احنا بلد الكورى
هو اللى بيتباع وبيتشرى وقطع غيارة موجودة لا وكمان رخيصة لو معاك لانوس وعاوز تبعها اكنك بالظبط شايل فلوس فى البنك فى نفس اليوم هاتتباع وممكن تكسب فيها
بس هل دة كولة بيدل على ان الكورى افضل من الاوربى ...........اكيد لا وبفارق كبير كمان
الاوروبى لة طعم تانى وبتحس بالراحة والقوة والمتعة فى كل حاجة
لكن للاسف قطع غيار غالية وقليلة مقارنة بالكورى
واحنا هنا الاصل فى العربيات عندنا هو قطع الغيااااااااااااااااااااا ااااااار
موجودة ورخيصة يبقى العربية دى فولة
نادرة حبتين وغالية .........ابعد يا عم دى بتسخن وهاتشحت عليها وهاتفلسك وهاتبيع عفش بيتك
تقوم تبقى اسوء عربية فى السوق

[mody112]

انا متهيالى ان احنا فى بلدنا عاوزين عربية عملية وصيانة سهلة واى حد بيشتغل فيها وقطع غيار متوفرة وباسعار معقولة وكمان لما نحب نبيعها متتعبناش ومندللش عليها فمن رايى ان الكورى هيفى بالغرض والترتيب كالتالى :- 1 - فيرنا 2 - لانوس 3- سيفيا 4- اكسنت طبعا الكلام ده من وجهة نظرى الشخصية