حاجات تضايق وانت ماشى فى الشارع المصرى

[وائل احمد السيد]

البلد بقت تقرف
بلدنا بقت مقرفة اوى من الطرق من الزحمة الرهيبة ومن البنى ادمين البلطجية حتى فى شرائنا للطعام مشكلة المدارس واهدافها ومصاريفها مشكلة المدرسين الصنايعية كل شى مشكلة يوجد عندنا عدم احساس بالمسئولية كلة اى حاجة فى اى حاجة واقلب يامعلم
مافيش حاجة واحدة تحس فيها بأدميتنا كلة عشوائى وكلة انتهازى
انا بتحسر لما اشوف فيديو للبلاد الاوروبية او حتى لبعض الدول العربية شئ خيالى من مساحات خضراء وشوارع هائلة فى كل شئ من نظافة ونظام وتخطيط ومن المدن اشكال المبانى متناسقة واستحالة يكون مبنى لازق فى مبنى اخر فية وسع فى كل شئ ودة بيدى احساس وامل فى المستقبل ويخليك تعمل بجد اجتهاد
مش عارف احنا عندنا عشوائية فى كل شئ واى حاجة بتتعمل جديدة لازم لازم تكون فيها حاجة غلط مش عارف لية
احنا بعد كام سنة هيكون عندنا كوارث رهيب بسبب الاهمال وعدم الشغل بضمير لاننا فى مصر كلها تم بناء عمارات رهيبة فى كل المحافظات بأعداد مهمولة تم بنائها فى وقت الثورة العمارات دى مخالفة واكيد فية منهم مش مطابق للمواصفات ومع اى هزة ارضية صغيرة او بغش اللى بنوها للكسب السريع العمارات دة هتقع على السكان طبعا دى كارثة مصيبة شوف بقى كام عمارة
طب والحل اية ؟
دة زى اللى عندة سرطان ما ينفعش فية غير البتر ويحصل زى ما يحصل
الصحراء كبيرة ابنو فى الصحراء امنعو البناء داخل المدن اللى يوجد فيها عشوائيات كتيرة انقلو مدن وقرى عشوائية حاولو تغيرو من العشوائيات اللى موجودة
والبلطجية اللى يتمسك ومعاة اسلحة واللى بيسرق بنزين او سولار او بيسرق الناس فى الشارع واللى يتسبب فى ذعر المواطنين يروح فى ستين داهية اشنقوهم الناس دى خرجت عن النص ونظام البلد الناس دى بتهد فى البلد ما لهمش مكان وسطنا
ربنا يسلم ويستر
تحياتى