خصم خاص علي السيارة جيلي امجراند لاعضاء ومتصفحي المنتدي ( 2000)

[AbOnOrA]

عايز انبهك لحاجة كمان يمكن تكون غايبة عنك وهى ان الاعضاء الثلاثة وغيرهم كتير مش ملزمين يتابعو المنتدى ولا يعلمو الاعضاء باحدث العروض بالعكس اغلبهم بيقوم بدة تطوعاً منه لانة عضو فى المنتدى زى اى عضو وعايز يفيد الناس فى نطاق عملة وخبرتة
ولما بيبقى فيه عرض رسمى بيبقى ليه شروط ونظام وتنسيق تانى موضحينها فى قسم العروض الرسمية

حط نفسك انت مكان اى حد منهم لو انت داخل تفيد الناس وتقولهم على عرض ولا خصم ولاقيت الناس داخلة ترد عليك بالعدائيه ديه واحيانا بتجاوز كمان هتقول ولا هتعمل ايه !!!

وحط نفسك مكان عموم التوكيلات واصحاب مراكز الخدمة لما تلاقى ان بسبب مناخ حرية التعبير اللى موجود هنا بيستغلة بعض الاعضاء لتشوية وتسفيه اى مجهود للتواصل مع الاعضاء بينما فيه مواقع تانية بتوفرهم امكانية انهم يقولو اللى هما عايزينة والعضو اللى يعترض اياً كان اعتراضة موضوعى واياً كان فى شكل رد او موضوع منفصل بيتطرد ويتهاجم هتروح فين ؟ وتتواصل مع المستهلكين فى انهى مكان ؟

احنا بعد ست سنين الموقع الوحيد اللى فيه عشرات المواضيع والاف المشاركات بتهاجم غبور وغيرة من التوكيلات وفى نفس الوقت تعاون مقبول وتقدير منهم لينا بالرغم من دة علماً بان هيونداى كوريا لما حبت تختار موقع مصرى لحملاتها الاعلانية مختارتش غير مصر موتورز فقط لدة اعتقد ان كل دة مجاش من فراغ ومش هيستمر الا بالنقد الجاد والموضوعى والبناء بمعنى الكلمة

علشان كدة بقولك خد الموضوع بمسئولية وجدية اكتر من كدة

ومش عايز افكرك لو كنت اقصد من كلامى اسكتك كان ممكن بالسوفت وير وكان ممكن اكلمك بينى وبينك واسايسك والحركات ديه لكن يعلم الله انا مش فارق معايا كلامك بالعكس نفسى يكون انتقادك مفيد ومش مجهود مهدر للمعارضة فى اى حاجة وخلاص
وممكن تقول انه اعلان موقف برضو وللجميع حرية الرد والتاييد او الرفض

[magdy_c_c]

السلام عليكم و رحمة الله و بركاته
شوف يا ابو نورا انت عارف انا بحبك و اقدرك قد ايه و عارف كمان ان انا با تقبل منك كل كلامك طالما الكلام هيفيد المنتدى بشكل عام
و يعلم الله انى باحترم جدا ً كل الأعضاء و الزملاء فى المنتدى اللى انا شخصيا ً باعتبره بيته الثانى
هى كل المشكلة انى بأفكر بصوت عالى شوية و اقسم بالله من قبل ما انت تدخل و تكتب فى المشاركة دى انا بجد حسيت بالندم مش لأنى عملت حاجة غلط بالعكس !
لأنى حسيت انى أحرجت الرجل جامد و قلت طيب ايه المشكلة ما ممكن أوى الرجل ما يكونش اخد باله فعلا ً ان حد تانى أعلن عن الاجتماع اللى نتيجته كانت الخصم لكل العملاء
و كنت فعلا ً ناوى أراسلك و أقول لك يا ريت تحذف المشاركة بتاعتى من الموضوع
بس يللا الحمد لله قدر الله و ما شاء فعل

المشاركة الأصلية كتبت بواسطة AbOnOrA عايز انبهك لحاجة كمان يمكن تكون غايبة عنك وهى ان الاعضاء الثلاثة وغيرهم كتير مش ملزمين يتابعو المنتدى ولا يعلمو الاعضاء باحدث العروض بالعكس اغلبهم بيقوم بدة تطوعاً منه لانة عضو فى المنتدى زى اى عضو وعايز يفيد الناس فى نطاق عملة وخبرتة

المشاركة الأصلية كتبت بواسطة AbOnOrA ولما بيبقى فيه عرض رسمى بيبقى ليه شروط ونظام وتنسيق تانى موضحينها فى قسم العروض الرسمية حط نفسك انت مكان اى حد منهم لو انت داخل تفيد الناس وتقولهم على عرض ولا خصم ولاقيت الناس داخلة ترد عليك بالعدائيه ديه واحيانا بتجاوز كمان هتقول ولا هتعمل ايه !!!

و انا بالأصالة عن نفسى و بالنيابة عن كل أعضاء مصر موتورز المحترمين أتوجه بكل الشكر و التقدير للأعضاء الثلاثة الذين يبذلون جهدا ً عظيما ً فى اثراء منتدانا الجميل بالمعلومات القيمة و العروض المميزة

المشاركة الأصلية كتبت بواسطة AbOnOrA ومش عايز افكرك لو كنت اقصد من كلامى اسكتك كان ممكن بالسوفت وير وكان ممكن اكلمك بينى وبينك واسايسك والحركات ديه لكن يعلم الله انا مش فارق معايا كلامك بالعكس نفسى يكون انتقادك مفيد ومش مجهود مهدر للمعارضة فى اى حاجة وخلاص وممكن تقول انه اعلان موقف برضو وللجميع حرية الرد والتاييد او الرفض

و على فكرة أنا مش باعارض و خلاص و حضرتك أكتر واحد عارف ده كويس ، حتى لو المرة دى مش فارق معاك كلامى !!!
و لو أنا حسيت لحظة انى باعارض و خلاص أو ان انتقادى مش مفيد و مجهود مهدر للمعارضة على أى حاجة و خلاص صدقنى لن أصبر لحظة واحدة أتحمل عناء قراءة أى مشاركة أو حتى ضغطة واحدة منى على الكى بورد
و أكيد التقينا فى أكثر من موضوع و كانت تقريبا ً اهتماماتنا و أفكارنا واحدة ، بدليل انى متقبل منك النقد و أنا مرتاح البال مش علشان أنا غلط
علشان ده فى مصلحة المنتدى اللى هو أساسا ً معمول علشان نفيد و نستفيد
أنا بجد هنا هاقدم المنفعة العامة على أفكارى و قناعتى الشخصية

و انت عارف انى ما بحبش حد يزعل منى .

: 01EDE7~120:

[reda310]

الصراحة والمصداقية هيا اللى احنا بنطلبه هنا والتعاون بينا جميعا
فى حدود الاحترام والمنفعة المتبادلة

[magdy_c_c]

و علشان ما حدش يزعل منى و تتأكدوا أنى بافكر بصوت عالى و مش قاصد أحرج أى حد
على الاطلاق ، الغرض هنا هى الاستفادة فقط للجميع و المعروف طبعا ً ان كلما انخفضت الأسعار
زادت نسبة المبيعات و بالتالى المنفعة هنا للطرفين البائع و المشترى .
و أكيد كلنا نتمنى ان الأسعار بالنسبة لهذه السيارة تنخفض أكثر و أكثر
مش علشان عاوزين الأسعار ترخص و خلاص لا لأن فى ناس كتير عاوزة تشترى العربية دى
بالفعل و شايفة ان سعرها عاااالى أوى
و يا ريت بدون احراج حد يرد على سؤالى :

المشاركة الأصلية كتبت بواسطة ابو هيما هو أنتوا ليه فى تضارب فى الأسعار عندكم , أنا لسة مكلم الأستاذ مينا أسكندر النهاردة اللى هو شغال فى فرع احمد عرابى المهندسين وقالى أنها بقت ب 82500 وحضرتك بتقول 83000 , أيه مستخسر فينا ال 500 جنيه الزيادة الخصم !!!! وبعدين العربية دي المفروض تنزل تانى,,, على الأقل توصل لسعر 80 ألف والطبيعى بتاعها المفروض يبقى أخره فى ظل أرتفاع الدولأر 78000 ألف كده تبقى مبلوعة, لكن تقولى 85 و 83 ألف , كتيرررررررررررر أوى يا راجل !!! أنا عاوز أجيب منها عربيتن أرخصهم سياحة , بس بصراحة سعرها لسة مش متظبط ومستنى تنزل شوية لأن كده كتير أووووووووووووووووووووى عليها

الكلام ده صح و لا غلط و باردوا المقصود هنا مش انى احرج حد لو خدتوا بالكم ان الراجل بيقول انه عاوز يجيب عربيتين يرخصهم سياحة و المقصود من كلامى انه ممكن يتجه اتجاهات تانية و يشترى عربيتين من ماركات أخرى هو طبعا ً عربيتين مش هيفرقوا مع الشركة بس ده مثال بسيط
الناس عاوزة تشترى بس عاوزة السعر ينزل شوية
و لو أنا ما سألتش السؤال ده أكيد فى 100 عضو غيرى فى المنتدى ممكن يسأله ( الا إذا اعتبرتم انى أنا العضو الوحيد المعارض فى المنتدى )
ههههههههههههه

[AbOnOrA]

لأنى حسيت انى أحرجت الرجل جامد و قلت طيب ايه المشكلة ما ممكن أوى الرجل ما يكونش اخد باله فعلا ً ان حد تانى أعلن عن الاجتماع اللى نتيجته كانت الخصم لكل العملاء و كنت فعلا ً ناوى أراسلك و أقول لك يا ريت تحذف المشاركة بتاعتى من الموضوع بس يللا الحمد لله قدر الله و ما شاء فعل

بس يا باشا هو ده كل الموضوع والله انا عارف انك انسان فى غاية الاحترام وهدفك الافادة العامة بس زى ما قولت وكررت انا بفكر دائماً من وجهه نظر الطرفين وأكيد الطرف التانى مع تتابع الردود هنا وهناك هتوصلة فكرة سلبية وده محدش عايزة ولا دة هدفنا طبعاً

عموماً حصل خير ومفيش زعل ولا حاجة